農曆年第一篇文,當然要應節寫番團年飯。
第二波食友團年飯,搞搞新意思,試從來未試過團年飯吃的泰國菜。
今晚來到呢排勁hit 既泰國菜食飯,老實說,尖沙咀泰國野食從來不多, 與九龍城傳統泰國菜所在地差很遠, 朋友告訴我呢間餐廳做得非常出色我也不相信, 不過尖沙咀從此有出色的泰國菜就如荒漠的一道清泉, 為左新年呢間泰國菜還提供團年餐,當然我地毫不猶豫即刻要試試。
可能你會問,泰國野食團年飯,大家一定覺得好奇怪, 唔通有泰式盤菜?非也,第一道菜已經係我地最熟悉既泰式撈起, 放得比中式的盤菜還要精美,蘿蔔絲,蕃茄仔,青瓜,蝦肉,青口, 洋蔥絲,紅紅橙橙綠,色彩繽紛,加上自家做的醬汁,撈起撈起, 食完一定今年撈得起,最重要既係其意頭取勝。
泰式的燒烤併盤的確也是包羅萬有,最喜歡的是當中的燒鮑魚, 雖然沒有六福的椒鹽出色,但外脆內軟的確做得不錯, 豬頸肉都是燒得出色,用了黑毛豬果然係不同凡響,蝦餅,蝦串, 泰式沙律等也是泰國菜的應有水準,不過每樣都有點辣, 是平常泰國菜少有於併盤都沾上了的惹味。
鴻運當頭酸辣湯,我開頭以為好似冬蔭公咁, 不過其又酸又辣的狠是平常少見的,吃到汗流浹背,不過越吃越爽, 越吃越開胃,是泰菜的應有風格。
發財就手係當中少見的泰菜,很少在泰國菜館吃到豬手, 這個泰版豬手的鹵水當然沒有平常我們吃到的濃, 反而是淡淡的幽香回眸,豬手的肉非常滑溜,配合邪惡的豬皮, 盡收鹵水精華,風味非常。
鳯凰展翅,聽個名都知一定係家畜類的賀年食品, 這隻原隻去骨海南雞睇落去就如後生女的肌膚一樣,皮光肉滑, 肉質鮮嫩不在話下,特別喜歡啖啖肉的海南雞體驗,仲有油飯。
逍遙發財爆炸魚是整晚最吸引我目光的,用了盲鰽魚來做主角, 骨肉分離,方便大家食用, 一舊舊的魚球般配上了強勁的香茅和各式各樣的香料, 無論樣子和味覺都是野性的代表作,味道濃烈刺激, 口味重但非常好吃,我突然間想起駱克道的那些菲律賓姐姐, 同樣重口味,不過好唔好就唔知, 我只知道這個盲鰽魚是我吃過之中特別而美味的菜式。
吃得多肉類,當然要個菜清清腸胃, 賀年又點少得食菜中和一下吃了這麼多的肉類呢, 這個財源廣進維持了泰式的辣和惹味,兩三啖已被我們完全征服了。
最後還有個素翅撈飯,來完滿這個團年飯, 又係食完後必定撈到風山水起,素翅味道就如真翅一樣, 送係個飯到雖然只係素食,但感覺好像帝皇級享受。
吃完團年餐,其實都已經很飽,不過由於佢個海鮮燒烤bar 的display 太吸引,於是叫了一些燒海鮮。
叫燒聖子和燒扇貝,這兩個也是我最愛的海鮮項目,當然, 這裡的燒烤技巧把海鮮燒得精美無比, 特別係佢係海鮮上面加了一些泰式的辣醬, 把聖子和扇貝的鮮味完全奉上,香氣樸鼻之餘肉質是剛剛的好, 值得大讚。另外,燒大蜆都是類似手法去處理, 但由於本身沒有其他貝殼類的肉質咁肥美,相對較失色。
最後這個團年餐還送上了精美的甜品拼盤, 當中最喜歡的是其芒果黑白糯米飯同各種不同味道的馬豆糕, 糯米飯煙韌無窮,和甜到核爆的泰國芒果如打不相識的兄弟。 馬豆糕最出色和特別的一定係咖啡味,滿口盡是一點一滴的咖啡味, 非常喜歡這個配搭。
我會說係非常好的一餐,與上次我於粵吃的中式菜一樣咁好, 雖然地區唔同,但有異曲同工之妙, 吃完後一樣過一個肥到不行的大肥年。 最重要係呢個餐除左特別叫的燒海鮮之外, 成個餐咁多野食都只係1688, 於尖沙咀食咁好食又而咁抵食環境又咁好真係好值得, 吃完後滿足到想新年想再食下。
咁樣團年真係泰肥泰爽泰開心了, 希望大家今年同我一樣都享受左一個肥年啦!
泰燒遙 Thai on 5 Seafood Grill and Bar
尖沙咀諾士佛臺1號5樓
Tel; 2721 9898 / 9249 9422