窮人恩物

有時候，太古城冇野又有時間就行去下太安樓買午飯，太安樓，窮人天堂，那裡的美食多又平，係港島東的奇魄。

車仔麵係西灣河太安樓的精髓，林記遠近馳名，又平又好食，外賣最適合，堂食環境就普通，如果而家咁熱就真係唔係幾好。

蘿蔔魚蛋牛丸豬皮豬手雞翼冬菇魷魚牛栢葉大腸豆腐紅腸牛肚牛肺蝦腸生菜韮黃韮菜豬耳鳳爪午餐肉司華力腸，粗麵幼麵河粉油麵米粉公仔麵你從未見過的強勁內容，總找到你喜歡的食物，係冇呢排最hit高街麵霸嘅雞子，如果你好重口味，呢度就唔可以娛樂你了。

不過價錢真係好平，高街麵霸五餸六十元到，呢度四十蚊兩蚊有找。

今日選左五個餸，蘿蔔，魚蛋，生菜，蝦腸，冬菇加最愛粗麵。

湯頭是經典的車仔麵味道，雖然有點鹹，加一點辣更好滋味，粗麵盡吸盡那些湯頭的精華，不過麵底就有點散，可能事前剪過，但無阻其美味。

蘿蔔較淋身，唔係大大舊的那種，細細舊也很美味。

魚蛋沾上咖哩，辣勁十足又彈牙，好食。

冬菇炆得入味，回甘的味道加上煙煙韌韌的冬菇，吃得好味。

生菜當然新鮮，份量也多，喜歡那青青草原般的感覺。

蝦腸係小時候我最喜歡的食物，小學係麗閣邨食兩蚊條，在外面都冇乜機會再食到呢種食物，食一條感覺最良好，不過呢度剪到一舊舊，就差少少，全條吃最美味。蝦肉爽口，如果你小時候食過想再食，快啲過黎試下啦。

太安樓林記

西灣河筲箕灣道57-87號太安樓地下A34A舖

如果呢排因為容祖祖吃車仔麵引起你對高街麵霸的注意，那麼請你重新再過來吃車仔麵，好唔好食對比唔到，但係平就一定係事實，窮人恩物，當之無愧。