2015年10月31日星期六

腦作大業 (1)

我從來都好有興趣知道人腦的結構,每個人都有自己的思想和感受,開發嘅程度都唔同,常常人人都說我們大腦大約只用了某個部分,要再發展或用多一點,絕對不是問題。

中環從來都係強勁的戰場,有風格的食肆比比皆是,廚師絕對係一個餐廳的靈魂,如果沒有強勁的後援,必定很難立足。今晚來到的一間新餐廳,吃完後,我只能說two thumbs up,如果可以規探一下佢個大腦嘅創作能力,我一定會想以前一套荷里活電影咁being 樂師傅。

佢經驗多過我係銀行做,人脈又強,日本菜經驗豐富,最喜歡搞搞新意思,今晚完全係佢嘅創作思維的強勁展覽,我地今晚又多人,可以食多一點,試多一點,佢見我地食得開心,又會即席揮毫,就如黃偉文的作品展一樣,我地就一同規探佢嘅腦作大業,也不想浪費時間去講咁多背景或無聊的話題,我們就直插....入主題吧。



三文魚他他海膽沙律$138,這個開頭係冇乜驚喜,不過道出今晚個主題,三文魚海膽三文魚海膽三文魚海膽三文魚海膽三文魚海膽三文魚海膽三文魚海膽,全晚上半場都由呢兩位主角貫切,他他當然是生吃啦,有常識的食家都知啦,配合新鮮三文魚同海膽豐富了你的味蕾,簡潔有力。




燒枝豆$58 ,最熱愛枝豆,送啤酒一流,不過今晚送的,不是啤酒是sake。



極上吞拿魚腦天,呢個係全晚又一個亮點,冇錯,你如果吃奇怪嘢的經驗不多,你應該冇食過腦天,呢個係呑拿魚的"雲精",你唔到呢個位都有得食呢,佢就好似係大拖羅般的鮮味,入口溶化無痕,把拖羅的特點都發揮得淋漓盡致,愛拖羅者絕不能錯過。



秋刀魚刺身$268,十月當然係秋刀魚之美,唔食對唔住自己,秋刀魚三食刺身當然是時令,三種方法我最喜歡的就刺身,吃到的是十月的新鮮和肥美,還有的是師傅的刀功,秋刀魚蓉也是另一種味。








S2海膽杯,必定是這裡的吸睛之作,你可能會吃過一些,如果你去過鮨文,你會喜歡那個海膽杯,但這裡的有白蝦拖羅蓉昆布三文魚子海膽,全部放進那個杯子裡面,你想像到其鮮味嗎?是眾海鮮的混合令你感受到海洋的氣味,而且價錢唔貴,絕對係精彩。





呢隻雞翼,睇個樣以為普通,包著的你是意想不到的珍品,吉品鮑魚是也,用上了酒來漫煮鮑魚,其酒香一流,match埋一起出奇地夾,好似据扒咁据起雞翼而裡面有鮑魚,我羨慕的是其師傅腦袋無窮無盡爆發的創作力。




北海道粟米 $108,八月到十月先有的一個材料,我夠膽說,這是我吃個最好食的栗米刺身,冰凍的栗米粒粒鮮甜無渣,如果你看到呢度又係栗米愛好者,講多無謂,快啲訂位,感受栗米為了口腔帶來的新感覺。日本北海道粟米,和你平時食開的完全不同。



S2特色火焰卷 $138,呢個上次朋友給我看過,然後同我講呢間餐廳幾特別幾特別,可惜當時我冇理佢,才知道原來佢先係站在潮流尖端搵食,呢個火焰卷,剩係外邊個火已經告訴你佢嘅創意為了你們而來,壽司味道上雖然沒有什麼驚豔,但看到又怎不會想來一試。




芝士魚餅係以銀鱈魚包著日本水牛芝士所造的一個菜,你以為係普通食物,但我想講佢完全不肥膩,越吃越滋味,唔會好似其他的什麼乜餅乜餅食到咁瀉,芝士又暖到入心,喜歡其單調而多樣性的味道。



冷竹炭麵$108,我唔知點解對著竹炭的物品有特別喜好,呢個冷竹炭麵給我的感覺就像爽朗短髮的女生,無添加,不做作,加上那冰冷感,自是清爽。



黑松露鵝肝安格斯牛柳$288,我沒相信呢三樣東西配在一起會是什麼樣子,安格斯牛柳當然是恰到好處,黑松露和鵝肝的配對下卻不會說勁油膩,負負得正,大概就是這原因。




磯燒岩蠔又係繼續那個海膽旅程,燒岩蠔已經夠野味,面上不像是大陸加蒜加蔥,這裡的是大大塊的海膽,吃到這裡,你以為自己去左西貢,食的是那些海膽宴,不過,相對以海膽來說全晚我最喜歡的就是磯燒岩蠔。






我雖然不是什麼好叻的食家,但麻煩的我總不吃三文魚,朋友說了好多次呢度三文魚有幾好有幾好,於是我便叫了,誰知,個三文魚好特別,今次不是來自材上春樹的森林,而是北海道的土炮三文魚,其鮮甜度高,冇三文魚的高油份,你吃得出是完全不同的感受,我也幾確定沒太多香港人食過這種口味的三文魚,叫吧,一定沒有錯的。



食左咁多樣嘢仲食主食,無辨法食得太開心,你自然想試多少少,黑松露忌廉意粉配西班牙風乾火腿,呢個無咁得別,但我還是喜歡個意粉醬汁,把黑松露玩得出神入化,每條意粉也有絲絲的松露香,火腿也是上等貨色,估不到係呢個以日本菜主打的地方都吃到這樣高質的西餐類。




終於去到甜品,焦糖燒菠蘿,呢個菠蘿一開落去都是清甜無比的暖暖的菠蘿汁,燒得一點也不乾,而且juicy,吃到這裡已滿足到不行,還能投訴嗎?



大概,食完咁多嘢食後,你會感受到這裡無窮無盡的創作力,喜歡煮食如我的你能不羨慕別人的腦袋是那麼的豐富跳躍嗎?我想,來吃晚飯一次,你腦袋的創作力都會提高了不少,還有美食的當前,你有什麼原因不來試一下這些新嘗試呢?




S2 Kitchen
中環威靈頓街51號地下A舖

2015年10月29日星期四

不談公事,只談風月

朋友說這是浪漫的餐廳。



對,你說得對,這是非常適合情侶來的餐廳,有漂亮的裝飾,有微暗的燈光,有那些典雅的畫,價錢又不貴,具備所有溝女的條件,係女都會喜歡的地方,至少,膚淺的我相信是。

特別係,當我來到第一轉,看到餐廳門口那些用蠟筆畫的手繪圖,全都是黎呢度食飯嘅客人畫的,我在想為什麼沒有人畫上那經典的I love u,或marry me,我覺得就算求婚示愛也絕不失禮,如果你像我這一種窮人,以一個靚價在有環境優質的地方,其實真係唔錯,點解冇呢?難道個個都咁有錢。





不過,今晚和我來卻是同事,浪漫又點,只會係劃蛇添足,得物無所用。





枱面有蠟筆,枱布就係畫紙,如果要我們寫,我唔係寫什麼連綿情話,我會說的是希望大家工作順利,遠離是非。

大家吃飯的時候都說訴說著公司的人和事,以自己的時間來說,其實真係唔化算,特別係這些浪漫主義的餐廳,可能我幻想下你是我的太陽,那麼我會覺得呢餐飯會值得吃一點。

呢度有好像行政晚餐般,你一個餐我一個餐,餐係會包括湯,前菜,主菜,咖啡茶等。

餐湯有兩種,我選擇了洋蔥湯,雖然不是像外國勁濃的那一種,但洋蔥味也是充滿係成個湯裡面,加上熱燙的餐飽,令人有個滿足的開頭。





煙三文魚沙律,喜歡肥美的煙三文魚,魚油味不是很強,但肥大肉厚就是了。而那個沙律,新鮮嫩口的沙律菜配上嘅係啤梨,一個你完全冇想過嘅沙律組合,清新開胃絕對係你意想不到,配合沙律汁,我後悔我的主菜不叫一個牛扒,因為我胃口突然大了好多。




北海道帶子鮮蝦扁意粉配白蘭地龍蝦汁 $280,我自己的選擇,雖然牛扒和豬扒都非常吸引,但番工番到連胃口都冇乜嘅情況下,我選擇了要這個意粉,雖然吃完個前菜有少少後悔,不過叫到意粉黎到個樣又唔同講法。








賣相非常吸引,北海道的帶子煎得微暖,碟上的鮮蝦就如凡星般散落於碟上,帶子煎得剛好的質地,在熱度接近體溫的觸感是很細膩的味覺,鮮蝦也算爽口,最喜歡的卻是那些扁意粉的質素,從來我都覺得煮扁意粉較有難度,好難拿準最好的時間,不過,呢個意粉有剛好的韌度,而且佢把那些醬汁都完全吸進,每條都有白蘭地和龍蝦汁交錯的瞬間,絕對係一個美味的意粉。

炭燒西班牙黑毛豬鞍配忌廉煙肉椰菜,焦糖蘋果及砵洒汁,呢個名字絕對不像是中國的菜式名字,每樣配搭全部都像張學友要講你知你的故事一樣,西班牙黑毛豬鞍的質地剛好,豬鞍的肉就好像那些中國燒肉一樣,啖啖都係肉,當然就如所有黑毛豬都會充滿香氣的特點外,佢成功之處係加上了砵洒汁的焦糖蘋果,配合那些黑毛豬鞍一起吃,幾大舊都唔覺得滯,而且那個焦糖的甜剛好把那些肉感都消去,是煮的手法已經值回票價。









朋友細食,主菜都由我去清理,她反而吃多的是甜品,我草草只吃了幾啖,沒有什麼特別,始終不是我的專業,我還是喜歡鹹食多一點。






咖啡或茶,這樣是最自然的結尾吧。地點配合,在這個幾舒適的環境,要吃一餐快樂的飯不難,看看你的人物,時間是否合適,只是今晚和同事食飯,和這類的氣氛就是有點格格不入,大概,對的時間不僅要找到對的人,還要找對的地方。



我們還是,不談公事,只談風月吧。


洋蔥 Onion
銅鑼灣耀華街3號百樂中心19樓