與台灣和中國不同,香港火鍋的多元化很少見, 大概係我地快速步伐同嘗新為主,因此,係火鍋方面, 潮流沒有停過,一個又一個接力, 我地連大家樂都可以有自己的火鍋文化, 就知道我們是多麼的熱愛打邊爐。
今晚來到火鍋本色,一間幾個朋友都試過的火鍋店,位處西環, 係區內火井和潮福外的一個幾好的選擇 ,價錢和格調都走高格調的路線。
今晚有點特別,小弟來得遲, 來到朋友已經把大部分的食物都準備好,如果今晚有個主題, 我會將佢改名為新曲加精選。
大概你知道什麼係新曲加精選,如果你有首新歌又想賺快錢出碟, 通常都會出隻咁嘅碟,大件兼抵食,同時, 如果你是剛剛喜歡那歌手的一個入場機會,讓你聽多啲,知多啲。
今晚就好像一個回顧,回顧這幾年黎火鍋的新曲加精選。
1.蒸海鮮
大概也不用怎樣介紹,君不見潮福氣勢由九龍中去到港島西, 那些什麼肥牛中華都加入戰役,為的就係蒸海鮮嘅熱潮, 呢度嘅蒸海鮮唔係一層一層去, 反而係全部近時間的海鮮都放在一起,好處係吃得快一點, 壞處係始終每種海鮮都不能以最佳狀態示人。蟶子,鮑魚,大花甲,港式咸鮮魚,藍青口,中蝦,桶蠔,波士頓龍蝦,你係第二度應該冇呢種陣容, 最重要價錢好平,而且蒸海鮮質素絕對不差, 用呢個做主打絕對係明智。呢首新歌,好聽得很。
2.加拿大海膽刺身
這應該是現在火鍋的最佳拍檔,刺身又怎少得呢, 就如我去高流灣基本上係食刺身,火鍋其次,這裡的海膽大大件, 毫不客氣你就可以把大件又肥美的海膽吃掉, 味道如那個食完田舍家食左廿幾萬一晚的朋友般說:甜到想喊。
3. 空運生蠔
通常有刺身就有生蠔,來自法國的生蠔半打擺係你面前, 由於等了我很久,怕生蠔不新鮮, 我們就像機器般幾秒便吃完那些蠔,海水味的濃郁,蠔的肥美, 絕對及得上在蠔吧所吃到的。 而家大熱嘅火鍋店都仲有將生蠔都用黎蒸,令我回味到不行。
4. 壽喜燒
這個絕對係一個近來好hit的item, 大概那些火鍋店甚至係走omakase的店都有壽喜燒, 呢度都有呢個選擇。今晚吃了A4和牛壽喜燒, 鹿兒島縣的黑毛和牛當然是美味無比,壽喜燒的湯頭非常甜, 大部分人都會喜歡,蔬菜,蘿蔔,芋絲便是精彩的item, 配合壽喜燒的甜美,我們又怎不吃清光。
5.粥底火鍋
如果要說佐敦的那個來自塔門的小店粥底火鍋最正宗, 但要排隊食絕不是那麼容易,呢度都可以滿足你的選擇, 這裡的粥底火鍋較為raw一點,沒有像壽喜燒的高貴味道, 將那些和牛配合粥底火鍋係另一個感覺,就像美女遇上了野獸, 把那和牛的狂野揮發出來。
6.豬仔
近來的火鍋開始有一些都著重以豬為主角, 再不是平常那種次次都以牛為主角的風格,的確, 豬都有一個非常高檔的樣貌神態,特別係呢度嘅豚肉, 西班牙黑毛豬頸脊,牛頸脊你食得多,豬應該真係較少, 同樣豬味頸濃,每淡都係充滿那油脂的成份,雖然冇牛咁好食, 但吃呢隻西班牙牛毛豬的肉可以以半成熟去食, 絕對係像牛般以最好的狀態去品嘗,半成熟的黑毛豬頸脊, 嫩口得黎有絕對優勢,比牛來得清新,雖然沒有牛的濃, 但絕對是靚豬,配合壽喜燒的湯頭,配合得很。
日本黑豚腩肉相對冇咁精美,但配合粥底就更一流, 不過同普通豚肉比當然略勝一籌。
7.特別的丸給特別的你
而家好流行吃特別的丸,唔特別唔食, 你見全部丸都唔再係簡單的牛丸魚蛋了,呢度嘅丸唔錯呀, 又多選擇, 當中選了松葉蟹膏墨魚丸同墨西哥香辣牛肉丸係幾多驚喜, 特別係那個松葉蟹膏墨魚丸,一口吃下去滿是松葉蟹膏的滋味, 呢個我覺得如果你喜歡蟹膏,你一定會愛上。
8.餃餃陣
雖然沒有叫很多不同的餃類, 不過這裡的白菜豬肉餃和香草帶子餃都唔錯,如果你喜歡吃餃, 叫一個餃陣都可以,特別推薦香草帶子餃,香草味濃帶子爽皮又薄, 可以一試。
9.潮裝
呢度嘅裝修絕對係火鍋界一個代表,其黑漆漆的主色調, 還有那sake陣,仲有係高高的樓底以唔同嘅鑊去裝飾, 其VIP房坐得好舒服,可惜今日呢班朋友唔飲酒, 如果唔係應仲hyper。
10.飲勝
從來沒有飲品只有酒,今晚相反,沒有飲sake, 飲自家製菊花茶同酸梅湯,絕對係火鍋的好拍檔,起碼可以下下火, 沒有酒的晚上,健康一點,飲勝,為對火鍋的執著乾杯。
今晚的新曲加精選應該是近年打邊爐的潮流最好的回顧吧, 原來乜都試去打邊爐原來係一個幾好的經驗, 如果大家都想試下新曲加精選嘅方式打邊爐,一定要選對地方呀。
火鍋本色 Hotpot Instinct
西環堅尼地城卑路乍街144-148號金豪閣1樓
沒有留言:
發佈留言