在我身邊的朋友,應該有三成都係做銀行, 而呢三成人有九成都係做前線。
幾乎每一位都曾經有個的問題,就係同客人食商務晚餐, 係大部人覺得最煩的問題,煩不是飯局話題, 係食乜嘢不失禮又好坐又好吃。
我自己有幾個心水的地方,同客食飯係非常無敵的,出錯次數係零, 每一次也有不錯的感覺,同我一個同事形容年金一樣,驚喜未必有, 但一定不會驚嚇。
就如今晚和幾個客人吃的新套餐,龍苑又一次俾你不錯的驚喜。
我忘記了之前有冇在這裡吃過這個theme,有次在holida y inn的自助餐吃過鮑魚theme的晚餐非常驚喜, 今次的盛夏鮑魚宴菜譜,和上次一樣,會令你覺得四平八穩。
最喜歡這裡的位上中菜概念,精緻得很,脆皮燒腩仔伴海蜇頭, 燒腩仔皮脆得可憐,又不是肥得勁恐怖那種, 你喜歡點點肉感就最好,海蜇頭係無得輸,配合旁邊酸瓜勁醒神。
金沙大蝦球勁有火氣,包著大蝦係強勁的鹹蛋黃, 重口味但你又抗拒不了,幸好有菜令呢件事清淡一點。
非常有氣勢的仲有竹笙高湯瑤柱灌湯餃,大大件的身形飽滿度十足, 我不想討論灌湯餃的前世今生或者佢正不正宗,總之餡料滿載, 竹笙高湯的清新自然,是非常合拍。
全晚主角八頭鮮鮑出場,蠔皇原隻八頭鮮鮑伴海參, 鮑魚不用說都知好,海參大大條,加上點點的菜點綴, 雖沒有阿一鮑魚吃過的好,但以這個價錢,收貨,請客絕對不失禮。
蟹肉扒西蘭花可能賣相不是太靚,但我喜歡蟹肉勁新鮮又大件, 拆開啖啖都令你吃得滿意,西蘭花即時成為配角。
如你喜歡吃街邊牛腩,胡椒蘿蔔清炆牛坑腩一定會鐘意, 我最鐘意係個湯有強勁濃濃的胡椒味,蘿蔔清甜無渣, 牛坑腩絕對係頂級,搞到我好想即刻叫碗湯麵, 係高級五星酒店吃地度野,同鬼佬客食最好。
飄香荷葉飯,粒粒靚係必要,酒店出品的飯又點會令你失望呢, 最重要蔥香和荷葉令其更加香氣撲鼻,更吸引。
夏日炎炎最好係吃點冷冷的甜品, 香芒楊枝甘露絕對係做得令人難忘,甜甜的完結了今晚的商務飯局, 整晚留下個美好的結局。
最好的當然係傾得成生意,而成唔成同好唔好食,絕對有直接關係, 呢餐幫不幫到我,你估到啦。