常常去食自助餐都是油尖旺或者香港區一帶, 對我來說荃灣絕對是個甚少踏足的地方,不過Y小姐約吃飯, 當然欣然赴約,沙頭角都去。
約到去荃灣吃飯也正合我心意, 因為就係去我從未去過嘅如心海景酒店,Cafe Circles, 早在幾年前前女友住那邊就已經聽過這餐廳的自助餐又平又靚, 係一家大細的必然選擇。
“極級美食”係今晚的自助晚餐主題, 簡單鮮明,總之就係食好嘢,仲要係極級嗰隻。
首先餐廳係非常大而且舒適,飽覽180度的開揚城景和藍巴勒海峽 景致,(in case你唔知乜嘢係藍巴勒海峽,除咗荃灣同青衣隔着的海面, 個名靚到不行,睇食評仲學埋通識,喺邊度搵),一入去的長枱, 係我看過其中一間自助餐中最有品味的setting。
坐低便出去行轉,沙律海鮮甜品熱食位置鮮明, 攞嘢食非常好而且方便, 不會像有些餐廳連攞嘢食都好容易撞到你隔離那位朋友, 地方大果然不同。
一坐底就吃點沙律,凍肉煙三文魚,就連海鮮都係前菜, 拆了的蟹腳,令人吃得方便。
刺身方面最喜歡北寄貝和味付螺肉,其他各類刺身也不少。
本身坐低便飲了碗蘑菇湯,但Y小姐跟我說泰酸辣蝦湯最正, 當然聽她說整番一碗,必然推介。
吃了幾樣東西後,餐廳便送上一客芝士白汁焗半邊龍蝦伴香煎鴨肝, 波士頓龍蝦係濃郁的白汁調配下還是每啖肉都又甜又爽, 法國鴨肝煎得非常甘香。
然後最令人驚喜的係每八位客人食自助餐會有一客斧頭扒送俾你, 即場係你面前切,就好似我寫高級扒房一樣感覺良好, 牛扒當然濃味,不用係出邊排隊攞牛扒,有私伙counter, 點會唔高興。
不過我覺得最好的反而係即場烹調的櫃檯,酥炸珍寶蠔生菜包、 肉蟹煲、籠仔荷葉蒸龍脷柳,還有那個粉麵檔, 我叫了一碗蟹柳魚蛋粉,那些蟹柳就如手指一樣大條, 絕對不是求其敷衍你的。
前菜的海鮮通常都係我重點推介,但可能這裏其他地方太出色, 反而到而家先講,青口,翡翠螺,蝦,小龍蝦,這些基本必備, 質素也不用質疑。
熱葷更加是令我驚喜,意粉薄餅燒餅咖哩串燒羊脾扇貝應有盡有。
通常文章尾段說的都不是重點主打,但到這裡我還可以如數家珍, 好吃的還有焗蟹蓋,還有我從未在自助餐見過的魔鬼魚。
仲有好像拳頭咁大隻的燒蠔,吃一隻已經非常飽, 小心唔好諗住回本要食幾隻,必定負擔不起。
甜品選擇也很多,牛奶布甸、雪耳杏仁露、 栗子蛋糕和意式芝士蛋糕,還有朱古力噴泉和大量生果,Häage n-Dazs雪糕是常識,咖啡茶任飲。
咁多嘢食,係冇信用卡折扣情況底下星期五六日都是478一位, 加埋那些乜折乜折,都只是三百幾,平到咁又咁多野食,去邊搵, 仲唔係荃灣最強?