2019年2月7日星期四

Café on the PARK:珍饈百味慶豐年

九龍區的自助餐去過很多,唯獨有幾間未去過的,一路在我心儀的wish list裡。
皇家太平洋酒店,雖然不是九龍酒店行業最top的大名, 不過我有不少朋友說自助餐不錯, 就是因為這個原因,我一直想試試柏景餐廳

剛巧新春有一個新theme,珍饈百味慶豐年,又點會唔試下,和幾個朋友一起,當作團過年。

地址係尖沙咀中港城,地點就在海港城隔離,交通一定方便。

地方非常闊落,而且攞野食非常方便,海鮮區,甜品區,飲品區,熟食區都有明顯分別。

首先推薦,係呢個新春先有嘅撈起,今年食撈起食咗幾次,不過最得意最可愛,首推呢個撈起豬豬,以三文魚,甘筍絲,香油,青瓜粒絲,花生粒,薄脆,酸梅醬,象徵年年有餘,鴻運當頭,財源滾滾,青春常註,遍地黃金,甜甜蜜蜜,一齊撈,又好玩又熱鬧,喜氣洋洋。








另外特別菜式有呢個桂花炒花膠絲,花膠口感極佳加入雞蛋瑤柱和銀芽,少啲功夫都炒得唔好,送飯或就咁食都一流。菜式金光閃閃,寓意金銀滿屋。


另外過年一定不能錯過好湯水,呢度有名貴嘅花膠螺頭燉雞,充滿骨膠原,煲足六個小時,當然不能不飲,就如同枱的I小姐,飲左兩碗,養顏值即刻爆燈。

海鮮的陣容不錯有龍蝦鉗,翡翠螺,小龍蝦,蝦等等,而熟食方面更有大大隻的焗波士頓龍蝦,吃兩隻,點會不回本。












還有即叫即整的藍青口和蜆,那個檔口又係特別受歡迎,記得排隊。

其中另一樣令我深刻的係這裡嘅即煮意粉檔,兩種醬汁,幾種意粉同唔同嘅海鮮肉類俾你選擇,熱辣辣又好好味,出奇地令人好喜歡。


另外一個新春獻禮,好適合新年食,鮑汁煎釀海參,用冬菇,蝦米,蝦肉和豬肉釀入海參,煎到熟透,加上美味的鮑汁,可以話係自助餐少見的揼本之作。



熟食還有燒烤檔的羊架,牛肉,魚柳,牛扒,咖哩,不同的湯品和粉麵炒飯,不過老實講吃那幾個新春賀年的菜色已經叫你回本又飽到滿足。



其他賀年菜式還有豬手,火腩蠔豉,和九層塔海鮮,只怕你個胃冇咁多位。

飲品最欣賞有呢個detox嘅水,我飲呢個都已經滿足,還有其他不同的蔗汁飲品等等任你選擇。



甜品方面,自助班戟,紅豆糕,蛋撻,豆腐花,蛋糕應有盡有,款式雖然不是好誇張嗰隻,但都足夠填補愛甜品的人的心靈。







不過最令人滿足的一定係呢個美顏花膠燉鮮奶,我相信無論男女都鍾意呢一個口感香滑無比嘅滋音養顏的甜品,大大件花膠,老實說,幾百蚊一餐,你係外邊的餐廳邊食到咁多又好味又名貴嘅嘢,呢個又係回本必選。

一個簡單的theme,珍饈百味慶豐年,可以滿足你對海鮮,新年菜式,和滋音養顏的需求,仲要係自助任你點任你吃,新年咁食法,唔開心就假。

希望大家今晚食嘅開年飯都同我呢一餐一樣, 食得開心,寓意來年豐衣足食,如果你睇完都覺得有興趣,一於黎緊新年時候過嚟試吓珍饈百味慶豐年。

柏景餐廳 
尖沙咀廣東道33號中港城皇家太平洋酒店園景翼2樓

2019年2月6日星期三

Cafe Kool:自助餐慶新春

農曆新年前後最適合的團年開年活動,一定係一齊食返餐勁嘅,最簡單又唔使諗,個個人都食得開心又點會少得自助餐。
每逢佳節,每間酒店的自助餐都出奇制勝去做一個theme最好係又啱食又多嘢食,而且適合節日,剛剛喺九龍香格里拉吃到的一個自助餐我就覺得非常適合新年嘅節日氣氛。

Cafe Kool的自助餐就為你準備咗一個別開生面的狂想曲,餐廳邀請了所有廚師去炮製他們家鄉的招牌菜,每個來自世界不同各地的廚司都用上當地的特色去炮製菜式來讓你感受到當地獨有的文化風采,就算你不是香港人在這裡過年,吃到正宗而又美味的食物你都會感到有賓至如歸的家的感覺。

先講我最喜歡的食物,來自星馬的喇沙,相隔了幾個月之後這類的喇沙湯好像更濃更有椰香和香滑,更有龍蝦鉗,吃到好滿足。





印度酸辣灌湯球絕對係另一個特色,你在坊間的印度餐廳吃這個前菜,絕對不便宜,而且這裏更有不同的配料任你放進這個酸辣灌湯球裡,印度烤雞和咖哩等等當然不少得,這絕對是你不能錯過的一個區域。

還有數知不盡的薄餅,印色雜菜卷,印色烤魚,印度羊肉卷等等,如果你係印度迷,你一定會唔捨得呢個咁吸引嘅counter

=
這裏的海鮮陣容依舊非常無敵,堪稱九龍之霸,麵包蟹,凍蟹,鱈場蟹腳,皇帝蟹,蝦,藍青口,東風螺,龍蝦鉗和波士頓龍蝦,最吸引係有好多蟶子。











日本方便點少得到刺身,三文魚籽,比目魚,北寄貝,魷魚,八爪魚,三文魚全部都有高質素,不過,最令人垂涎的是這逢星期六日有即劏呑拿魚,那些拖羅你睇都知迷人,即劏看到嗰個氣勢特別高興。












法國生蠔有得任你攞,當然要好似食海鮮一樣咁多。


意大利餐廳廚師當然也不遑多讓眾所周知香格里拉的意大利餐廳有名到不行,其廚師又怎會遜色呢,紅酒燴雞和蒜香蜆意大利麵雖然看似十分普通,諗起都吃落就我虎藏龍,其他的海鮮飯和燒肉的處理也是必吃的,記得要留位。






東南亞菜式都有多種,巴東牛肉,馬拉炒麵,一定有樣適合你,最驚喜嘅係有加多加多沙律。


中菜有香菇炆鵝掌和來自中菜館的叉燒和其他燒味而且仲有不少的點心,點心櫃隔離還有大量的蒸海鮮。









燒烤部分仲有好多牛肉,羊肉,燒雞翼等等。





甜品方面有這個乎里班戟,即叫即整,仲要有甜品大師傳係你面前幫你整,其他麵包布甸榴槤慕絲桑梅泡芙草莓慕絲餅栗子塔今川燒等,還有白朱古力噴泉,陣容強大。







講左咁多,今個星期過年同周末要一嘗不同的美味,遊世界過不同家鄉新年,就快點來cafe kool

Café Kool 
尖沙咀麼地道64號九龍香格里拉大酒店閣樓