2019年8月29日星期四

堅石燒:沒有蕭生的晚上

瓜爺一個短訊,Yoyo約係佢新餐廳食飯,看看時間許可,基本上冇問食乜,就應約。

上次見過Yoyo就係蕭生的中環木槿花餐廳,專食韓牛,那次吃得非常高興,於是佢地嘅新餐廳,不用考慮,即去。

當晚一行十幾人開party咁包左一個角落,非常熱鬧。人多好辦事,最好掃餐牌。

基本上這裡有多種不同的扒類,人多勢眾,試哂所有係常識吧。

這裡特色是以燒熱的花崗石為賣點,加上美國牛澳洲牛韓牛,不同的價錢,不同的品質,任你選擇。



講一講,這裡的地方好cheerful ,色彩繽紛,而且非常多人,七點幾已經座無虛席,而且有非常長的人龍。

多種不同種類的牛肉,有澳洲和牛西冷,有flat iron,有美國大理石,有韓國豬腩片,有美國頂級牛小排,更有蕭生嘅得意之作,韓牛肉眼。


 你可以隨喜好叫唔同size的牛,200/300/400G,最平$78有交易。

最正嘅係,只要加$30,就可以享用小食吧的飯,意粉,沙律和湯。今晚嘅湯係泡菜湯,蒜蓉牛油炒意粉,仲有獨立包裝的沙律,和自由飲,講真,平過金鳳同哥登堡。








乜都唔講,一定要讚嘅係蒜蓉牛油炒意粉,好食到停唔到口。

沙律配不同的醬汁,也是很容易令人吃得過量。


如果你自己怕燒得唔好,仲可以搵人幫你燒。


一定先講韓牛,那油香和韓牛最強的味道,吃下去我還以為自己在馬場洞,好食程度和中環木槿花餐廳有過之而無不及。



豬腩片夠薄身,不會太厚也不太肥,係豬肉貴到不行的時間,吃到咁正嘅腩片,好好的享受,希望不用像上海的超級市場要同人分豬。




Flat iron讓我想起在英國倫敦Henrietta street的Flat iron,質素直逼,價錢也親民。


和牛西冷一定有自己的捧場客,我個人不太喜歡太大塊的肉感,西冷口感一流,當然冇韓牛咁搶眼。




牛小排的感覺較細膩,冇西冷粗獷,女士應該喜歡多一點。





最超值一定係呢個美國大理石,色香味俱全,食200g,加$30,你基本上可以飽到聽朝,呢個係必點!

個人推薦吃韓牛,大理石和Flat Iron,各有所長。當然價錢唔睇,韓牛唔食對唔住自己。


沒有蕭生的晚上,依然多話題,不過因為牛肉太靚,所以幾位朋友都帶了不少威士忌來,威士忌和牛,係另一個層次。

特別送韓牛和牛小排,香港的煩悶都突然拋開。

餐廳也不只有這些牛肉牛扒吃,還有不少韓式的菜式吃,食左幾種如壽司,炸雞和蛋卷都不俗, 如果有朋友不太喜歡鋸扒,都會適合,可以叫下呢d,仲有石頭鍋飯。



呢度絕對適合一班人搞gathering,如果蕭生係到搞下活動,指點下迷津,我相信會比吃牛更吸引吧,應該好受歡迎。

雖然木槿花八月尾會關門,如果繼續食韓牛,呢度自然係最好選擇,聽說瓜爺會再搞局,希望下次可會下蕭生。

不過,今晚沒有蕭生,依舊盡興。



PS唔怕食完好大味,因為呢度有個好幫手,食完記得玩下。

堅石燒 
旺角彌敦道565-567號銀座廣場LG樓

2019年8月28日星期三

夢の丼:廚司發辦丼飯

自從土瓜灣吃過一次後,得知西環開左分店,同一班朋友就係分店新開無耐的時候再來多次。
呢度嘅丼飯全部都以新鮮食材以不用形式融入丼飯中,平時你食廚師發板可能會成日試到好多唔同手法例如汁煮、醬油漬、牛油燒或火炙等等,但呢度丼飯就以呢個形式為丼飯主題。


當晚人多好做事,試咗幾隻唔同嘅海鮮丼飯。



第一個當然介紹係最有份量嘅海皇丼,呢個係價錢最貴但亦都係最好食嘅一個。

有勁大隻嘅屬虎蝦,原隻鮑魚,仲有以昆布包嘅帆立貝,加上三文魚籽,海膽甜蝦肉,仲有非常美味嘅蟹膏甜蝦,呢個啖啖吃下去也是勁滿足。


令一個以餐廳名為主題的夢之丼,夢幻之味,以餐前酒自家製橙醋帶起成個飯嘅甜甜酸味,加上帆立貝,海膽,右口魚邊,牡丹蝦和拆上的從松葉蟹肉,絕對令你印象難忘口感複雜。


每天限定十個的原板北海丼又搶眼又好食,加上勁有氣勢的仙氣,還有三文籽,拖羅蓉和海膽醬甜蝦蓉,一啖飯一啖海膽車落口,個個爽到爆的感覺,絕對好似身處北海道咁。


五重他他丼,就連阿婆都啱食,用上海膽甜蝦肉,拖羅蓉蟹味噌忌廉豆腐,松葉蟹肉加上秘製的三文魚醬,你可以每個味試一下,又或者將五隻味撈勻一次過食享受那個層次豐富的感受。


最後是呢個拖羅丼又係勁正,有大拖,中拖,赤身漬,蔥碎拖羅蓉,玉子漬再加上火灸赤身,呢個應該係最有油份,吃得最飽最豐富。

除了丼飯以外,另外也有提供壽司吃,有幾個選擇係極度推薦,蟹皇醬燒蟹膏豆腐係吃完必定會想encore之作,那蟹皇醬和燒蟹膏完全係遮蓋了那件豆腐的味道,只吃到濃濃的蟹香,不能錯過的作品。


頭先講咗幾次嘅蟹咁正,因此沒有錯過蟹棒,果然成條蟹棒粗壯得很,口細都不能一啖吃掉全件,加上火炙,更正。






左口魚又係精彩,還有沾上蟹膏的大蝦,油甘魚也全部質素好高。



另外串燒也不錯,燒物當中以鰻魚最好,最肥美,要了一個串燒鰻魚,再加一個醬汁燒鰻魚,好有口感。



其他串燒不錯,點叫都得,又唔貴。

值得吃完再去,何時再來?我已經是土瓜灣分店的常客啦,西環的朋友經過就試吓啦。

夢の丼 
西環西營盤皇后大道西513號尼斯花園地下A舖

2019年8月27日星期二

富豪酒家:米芝蓮遇上中秋

話咁快又差不多就到一年一度米芝蓮的日子,開始有不少關於米芝蓮文章宣傳大肆報導,當然少不免又要開始估有星冇星。

而餐廳有冇東西好做?可能會準備下有米芝蓮評審到訪,又或者加緊做好自己,保星或追多粒星,才是皇道。

不過,有實力餐廳,又邊需要煩,富豪酒家反而係今個月為慶祝連續九年摘米芝蓮一星殊榮,再加獲頒法國國際美食協會會員認可餐廳會章殊榮,及獲飲食天王2018年頒獎禮獲頒《鮑魚天王》殊榮,三囍臨門下,阿翁就係呢個時候,為大家推出米芝蓮星級豪宴賀一賀。

今晚來到,主要就係食呢個餐單,加上提早預祝中秋節,一齊睇下有乜好食。

活龍蝦鮮果沙律你以為冇乜特別,但原來用上本地活龍蝦之後整個沙律都會與別不同起來,龍蝦味特爽特濃,加上新鮮生果,那新鮮完全令你有深刻印象,包保你未試過咁高質嘅沙律,可見阿翁還是不停創新。



錦繡三式拼盤有蜂巢海鮮球,翡翠海斑卷,黃金鵝肝卷,用喜歡的是內容豐富的海鮮球,另外班帶子金菇芹菜冬菇包的海斑卷也令人深刻,黃金鵝肝卷咬下去爆出來的是熱辣而兇狠的鵝肝,F先生話咁佢想太多因膽固醇含量超標,我也不理,一口便吃下去。







環保不吃翅,通常會飲的取而代之就係原燉花膠爵士湯,爵士湯相信不需要多介紹,用上靚料螺頭蜜瓜雞腳花膠,採先煲後燩的方法,出來的鮮甜,無辦法不珍惜每口的美,那花膠,吃下去是幸福的滋味。




28頭吉品鮑魚伴遼參用上岩手吉品鮑和腍到入口溶化的遼參,加上那個典型的醬汁,吃飯吃麵也一樣夾,阿翁整鮑魚的品質是無可質疑,正等如你不會懷疑Gordon Ramsey整威靈頓牛柳。





最精采的還是這個蟹黃官燕焗龍蝦吧,以官燕和蟹黃來伴龍蝦,無一樣唔名貴,無一樣唔出色,近朱者赤近墨者黑,當一班好野放在一起,成件事會衰嗎?就如今晚和我吃飯的人。



黑松露配牛扒配得多。用雞扒入撰則非常少見,醬煎雞扒是精彩嘗試,特別是雞扒不會因啖啖肉而不夠嫩,黑松露香也令佢特別搶鏡。


雞湯浸時菜苗,清新得令你會嘗到像少女的甜美可愛氣息,那嫩綠,今晚就屬於我。



富豪海皇炒飯用上不同的名貴食材來炒,每粒都是貴氣的代名詞?也不用都說,就是吃炒飯的技巧你已經夠滿足。



陳皮湘蓮紅豆沙和精美甜點兩款相對都有水準,不過今晚嘅目的反而係一班朋友中秋節聚下,當然不能錯過阿翁的月餅。




阿翁嘅月餅,稍為加熱一下,外層酥香嘅皮同那奶黃流心叫人醉到,再送杯紅酒,大概這就是最好的團圓活動吧。

第一炮的中秋慶祝,先預祝大家中秋節快樂。

富豪酒家 
尖沙咀彌敦道132號Mira Place食四方4樓402號舖