以前食泰國菜就一定會去九龍城，不過出名的都已經連鎖化，小店又不是間間好，隨時有踩地雷嘅危險。
對我來說，有時踩得地雷多，連鎖店都比較穩陣。
於是今天和一班朋友來銅鑼灣吃泰國菜的時候，本身想找另一間銅鑼灣的私房菜小店，但最後還是退堂鼓，選了一間連鎖店。
金泰子有三間分店，之前喺佐敦同太子都見過，不過就係未入去試過。
知道銅鑼灣也開了分店，今日找個機會過嚟試吓。
連鎖店經營的餐廳，正常價錢也不會平到哪裏，但這裏的價廉物美令我有點驚奇，完全是大店一樣的格但走小路的價錢。
最大嘅驚喜首推這個八人餐，$1188，平時就算係九龍城呢個價錢都唔知食到啲乜。
食泰國嘢，無論食乜嘢之前叫一碟生蝦刺身係常識，吃完就知呢間餐廳對唔對路，當然合格。
另外前菜有兩款沙律俾我哋任揀我哋揀咗有青木瓜沙律和柚子蝦沙律，兩款都辣味四射而且十分開胃。
係冬蔭公同椰汁海鮮湯之間，我當然會選擇冬蔭公海鮮湯，辣就普通，但係酸度非常強，大熱天時飲，特爽，我最鍾意飲到成身汗嗰種感覺，排毒一流。
我最喜歡馬拉盞椰菜苗，椰菜苗新鮮，炒得野性魅力十足，不過椰菜要加$10，要注意。
另外點了泰式檸檬酸辣鰽魚，選這個的原因因為覺得這類的菜式做得不錯，特別係酸辣嘅菜式，所以放棄了明爐烏頭，魚肉得而且夾雜了強勁的青檸檬香，吃得人心曠神怡。
呢個餸最精彩係個汁，我特別點了一個蒜蓉包點青檸汁。
加錢點了燒雞，燒得精彩的程度直逼九龍城的泰式燒烤，最愛的泰國小店。
不過最令人驚嘆嘅係呢個粉絲大蝦煲，粉絲多就不在話下仲要一人一隻蝦，隻隻都好大隻，有肉又有膏，全枱都大讚。
另外特別點了少見的炸蝦皮蛋，其他泰國菜都唔係成日見，呢度竟然有，未試過嘅值得一試。
最後的芒果糯米飯和千層糕，沒有前段的驚喜，但老實講以呢個價錢我完全冇投訴。
沒有留言:
發佈留言