前晚談起尖沙咀凱悦的活龍蝦，就想起剛剛上星期吃過尖沙咀另一長期受歡迎的Holiday inn酒店自助餐，一年一度的龍蝦主題，今年又番黎啦。
時光飛逝，去年叫好叫座的主題，今年捲土重來，誓要叫你再次有個難忘經歷，去年訂不到的朋友，又可以再黎食啦，不如睇下今年有冇新野。
海鮮還是重頭戲，凍蝦，青口，長腳蟹和人人都愛的凍龍蝦，每次出龍蝦，吸引左一大班fans排隊，如果你一樣係熱愛龍蝦嘅朋友，一定要睇實。
以bistro on the mile 的價錢，有肥美的生蠔任你攞，仲要唔使點樣等，唔使等佢開，鍾意食幾多就幾多。
而前菜有好多係龍蝦主題出品，龍蝦忌廉芝士卷，龍蝦蟹肉蝦咯嗲，龍蝦配芒果莎莎醬和龍蝦卷，全部都好靚，唔係淨係得個樣，仲要全部都幾好食。
想不到係龍蝦都好多元化，龍蝦茴香沙律，雜菓龍蝦沙律，泰式柚子龍蝦蟹肉沙律，龍蝦橘子沙律， 龍蝦牛油果沙律，種類之多你會覺得好驚嘆其創作力，一定有款啱你口味。
刺身有三文魚，吞拿魚，鯛魚，八爪魚和次次必食的鮑片，不過吃得龍蝦太多，今日就連刺身，都冇乜興趣食。
蟹肉龍蝦湯，是不能容忍不飲個夠的，不要問，只要飲，濃郁香醇，加塊餅乾，更是美事。
粉麵檔的喇沙，看你有沒有癮要食澱粉質吧。
燒牛肉及羊扒是穩贏嘅項目，還有有骨肉眼扒，加上燒火腿，食肉獸嘅天堂。
這裏的燉湯一向享負勝名，今晚佳麗有花膠螺頭燉雞湯，唔飲兩碗都對唔住自己，同蟹肉龍蝦湯，要攞返個平衡。
其他熱葷如芝士焗龍蝦， 炸大蝦，龍蝦肉卷意大利粉，仲有龍蝦海鮮薄餅，熱食差唔多樣樣都用上龍蝦，誠意十足。
估不到連熱食都有中有西分隔，不過同樣係龍蝦為主，用上龍蝦嘅中菜有高湯龍蝦蒸蛋，滑到可以直接呑。還有好惹味的薑蔥炒龍蝦鉗，粒粒靚的龍蝦帶子粒炒飯，當然少不了蒜蓉粉絲蒸扇貝 ，這個bistro on the mile 的all time best。
個晚特別仲有個薑蔥蠔，好肥美，好大隻，好低調，如你見到千祈唔好錯過。
甜品方面一樣咁有氣勢，麵包牛油布甸、野莓蛋糕、熱帶水果焦糖蛋糕、咖啡牛奶朱古力撻、日式芝士蛋糕、香蕉檸檬撻、鮮果忌廉蛋糕、朱古力脆脆蛋糕、意大利芝士餅、芒果蛋糕等等，仲有其他生果，咖啡和茶，就這樣享受你要的完美句號。
當然，仲有少見嘅炒雪糕，八點一出，人人都好興奮排隊攞。
如果你同樣愛龍蝦，誠邀你來這個俱樂部享受全晚由前菜到尾聲一樣在龍蝦懷抱裡一樣的晚上。
