我說到沙田食飯，佢個樣堂左嚇左一跳，然後得啖笑。
住大圍嘅佢話，沙田基本上係美食沙漠，有乜原因要喺北角走到入去食飯。雖然新餐廳多，但係冇乜特別，全部都係走馬看花，如過眼雲煙。
佢個樣百思不得其解之際，我再話佢知我去為咗一個酒店中餐廳嘅得獎菜式後去，那一刻嘅神情，佢就好似聽到搽牛眼淚可以見鬼一樣。
因為榮獲 2019 香港國際美食大獎才來？也不是這個原因，其實之前來過幾次，說真每次食完後，感覺也超值而又好食，我和幾個朋友就如鐵粉一樣。
特別係人又不太多，往往有寧靜環境又可以食到美食，又點會不來。
特別今晚朋友寫了幾個又新又特別嘅菜式，如果今晚要有個主題我會說是由頭到尾都是名貴吧，一齊睇下有乜特別。
山海傳說呢個名絕對有非常的意境，集合三款清爽開胃的創意前菜，包括彈牙爽口的鮮鮑魚佐以青辣椒醬、花雕話梅瀨尿蝦配鵝肝醬和桂花清香的鮮淮山蓉，聽個名都夠特別。
瀨尿蝦配鵝肝？呢個咁實驗性嘅組合聽好似麻麻，但吃落又不錯。
鮑魚和青辣椒醬？那股野性我相信不需要多介紹。
當中鮮淮山蓉點整都好，加上桂花香，仲殺死人。
原個椰皇燉鮑魚花膠湯，我相信冇得投訴，只要你喜歡鮑魚同花膠，加上椰皇燩過之後，每一口飲到都是精華，可能你會話一餐食咁多鮑魚使唔使咁名貴？但講真，咁平咁抵食，點都食餐好，及時行樂吧。
今晚我地來主要目的係呢個金盤戲游龍，這個贏得2019 香港國際美食大獎 (現代中式熱盤烹調 - 虎蝦)，配上炸得金黃酥脆的炸饅頭，再嚴選原隻 6 頭越南虎蝦肉，配上黑椒忌廉汁和新鮮青花椒，呢個看似平凡的菜式卻令我有深刻印象，特別係個隻虎蝦，無論蝦嘅質素同個烹調手法都係首屈一指。賣相也好，怪不得攞獎，也令我哋不枉此行。
脆皮千層糯米豬絕對是人人喜歡之作，上場氣勢贏哂，當然呢個菜你會想起的是季季紅，但這裡的更勝一籌，千層糯米豬的外皮烤得正好，脆得來可口又香，裡面有糯米、瑤柱及櫻花蝦，口感與層次都很鮮明，特別家加左櫻花蝦之後，仲特別，至少是個在外邊吃不到的脆豬經驗。
個人來說很少吃到玫瑰燻焗龍躉扒這個配搭，也令今晚個主題突然變得溫柔一點，以香氣迫人的玫瑰花瓣燻焗大大塊的特級深海龍躉扒，魚肉在燻焗下吃到的是淡淡幽香，不會是那種強烈死香的香薰感覺，以金箔點綴，更顯高雅的感覺，女士就最適合。
食咗幾個比較口感特別的菜，來個素菜吧。荷塘月色將時令的冬瓜與南瓜球化為一片的荷塘色彩，彷如真實情景般，再配以新鮮蓮子與百合，加上少用的甘筍杏汁，口感更特別，雖然個樣冇頭先咁靚，但因為素菜，合理嘅。
來到相反較為男性化的慢煮黑醋安格斯是我另一最愛，選擇了最好最多肉汁的位置，以美國安格斯厚切牛扒來做主角，用上鎮江香醋慢煮 4 小時後，牛肉的鮮味直頭係表露無遺，而且每口都咬出其醋香和肉香。
窩燒鮑魚雞粒炒飯相對最普通，不過，非戰之罪，只不過前面的食物太過多驚喜，這個咬得太飽食，comment 也不公平，其實炒得很好，完全超過預期。
千絲萬縷燉燕窩外表又係一絕，在吃完多道精美菜式之後，還可以吃到個咁有質素而有漂亮嘅甜品，你話值得放工後由北角來到沙田食返餐晚飯嗎？
本來，第日再見到那位同事，我想俾返啲相佢睇，不過，正如如果你要特登搽牛眼淚先至見到鬼咁膚淺，就代表其貪吃的智慧有很多吧，那何必對牛彈琴呢?
沒有留言:
發佈留言