2019年10月20日星期日

Kiki麵:那一口台北的感覺


去過台北的人,大概都一定知道Kiki麵,就算你冇親身去過大安區食麵,你都應該試過買來做手信吧。

還記得兩年前,買到一包kiki麵都是艱難事,到現在周街都有,連香港都分別開了兩間分店,大約除了是這個品牌的成功外,還有是這個品牌的真正美味很受歡迎吧。


我自己反而在台北未食過kiki麵店,反而吃過原創立嘅原始品牌Kiki餐廳,那次吃過多種四川的地道小吃和菜式,加上不少的台灣風味,感覺非常不錯。


大約都不用太多介紹這個品牌,香港分別喺中環嘅IFCK11Musea開新店,加上多位名人紅星支持,在香港成為風潮應該不是一件難事吧?

剛剛去完旅行回來,只想吃簡單的一餐便飯,搭船到尖沙咀,心想不如來試試朝聖一下?

K11的分店運用了一個庭院概念,感覺非常清新,一種家的感覺,設計時尚。而且除了kiki麵以外,也有一個Kiki茶檔,門口還有充滿古早味的麵車,頓時這裏成為一個台灣角落。


和太太兩個人,每人一碗麵,一杯飲品,一個甜品算吧。本身個餐其實可以以$148叫一個麵加小食加飲品,但不算肚餓,我比較想吃甜品多一點。



有兩款指定尖沙咀分店才有嘅麵,我們叫了其中一個,就係燒素雞白木耳拌麵。


另外一個紅白丸子千層腐皮番茄湯麵都很吸引,不過好像來到吃拌麵,好一點。

燒素雞非常美味,加上了辣椒粉,非常香濃,加上有好多爽口嘅白木耳。





最正嘅仲有其他粟米和冬菇,同樣沾上辣椒粉,加一口拌麵送,一流。

麵質非常乾身,每條沾上了點點辣椒粉,更開胃。

我點左非常出名嘅蒼蠅頭拌麵,相對冇燒素雞拌麵咁乾身。用上香蔥辣椒豆豉,香味雖然冇咁強,但惹火得多。






飲品方面叫了黑糖珍珠冬瓜鮮奶和愛玉青檸冬瓜茶。

愛玉青檸冬瓜茶不錯,青檸酸一點應該比較好,愛玉夠多。



黑糖珍珠冬瓜鮮奶是較佳的原因,係因為完全不甜不像那幾間黑糖飲品點一樣甜到不行,而且呢度嘅珍珠係真係幾好食。

餐牌有兩個甜品,一個係伯爵戚風蛋糕配黑糖珍珠,另外一個係仙草珍珠。當然,兩個都殺。



仙草珍珠就係典型嘅台灣味,要投訴嘅係太細碗。




伯爵戚風蛋糕配黑糖珍珠就絕對係驚喜之作,就咁睇個蛋糕你以為自己去咗一啲好靚嘅Cafe

伯爵茶香勁濃,黑糖珍珠有咬口,戚風蛋糕的軟綿綿口感一流。

吃完後,更加想念台北,那一口感覺,很台北,百多元的價錢,就不太台北了。那一刻,你立刻想飛去台北。

不過現在要多留守香港,支持下本地經濟吧。

KiKi麵店 

尖沙咀梳士巴利道18號K11 Musea 4樓406號舖


沒有留言:

發佈留言