2019年11月17日星期日

栢景餐廳: 爐端燒的晚上


酒店的自助餐一向求多元化和多變性,兩三個月轉話題完全唔容易,最重要要有新鮮感,又要講究食材,少點諗頭都唔得。

近來係皇家太平洋食過自助餐後就幾鐘意,主角係好受日本人歡迎的爐端燒,自助餐食爐端燒咁特別?平時係香港食正宗嘅爐端燒要好可以好貴,因此更覺得呢度抵食。

爐端燒起源自日本東北部仙台市同最多美食嘅北海道,當時漁民捕獲新鮮海鮮後燒熟後,便會把食物放在船槳上傳遞給客人品嚐,漸成為一個文化。

之後,「爐端燒」演變為於居酒屋的一個重要形式,在餐廳內即席為食客烤製指定食材的烹調方式,到而家基本上係日本文化佔據一個重要角色。

今次酒店不惜工本準備左日式爐端燒烤爐,為賓客即席提供多種的爐端燒美食,琳瑯滿目的海鮮選擇多不勝數,包括波士頓龍蝦、 鱈場蟹腳、大蝦、帶子、鱈魚、燒鯖魚、秋刀魚,扇貝等等基本上,三心兩意的你一定吃不完。




波士頓龍蝦嘅正係全晚都有人排隊,我都未見過自助餐係咁,點可以唔食,比平時吃冷盤的更好。


鱈場蟹腳勁大條粗壯,大蝦大隻又新鮮,鱈魚和秋刀魚都是魚迷一定要吃的,鱈魚魚油香到個點,正。




扇貝也是非常豐滿,又係食左幾隻。


蔬菜種類有茄子、粟米、 日本甜薯、鮮冬菇、大蒜、秋葵、枝豆、銀杏等等,如果你吃得太多海鮮想食多點菜,都有選擇,我介紹不能錯過有銀杏同大蒜,燒得好又不會太乾。


爐端燒部分一人送一隻北海道毛蟹,有卡就有一隻,食落蟹味濃郁,當然呢期流行阿拉斯加蟹不同,不過呢個係呢一個滋味。



另外任食有鵝肝燒飯團,呢個絕對推薦,我想起了大腕的燒飯團,絕對一樣咁好食,鵝肝一大粒,夠濃同飯團好合拍,燒得金黃香脆的外表,同那個爐端醬汁,是令人會想吃完一件再一件。

最正係師傅會有時以船槳送上滋滋冒著熱氣的爐端燒美饌,絕對是少有客人的體驗。

另外還有幾個特別的小食在爐端燒部分提供,日本清酒入饌的菜式包括錫紙清酒煮蜆和日式清酒煮咸牛舌,小朋友可能未必愛吃,但牛舌嘅厚身和肥大蜆肉大小又點可以抗拒。


講下其他特別食物,壽司同刺身當然有,不同多左回本海膽手卷和軟殼蟹手卷,如果呢排無幫襯元氣食軟殼蟹,一於係度食返夠本,另外呢度希靈魚都值得多吃,少見嘅厚切。






海鮮一向係呢度重點,今晚當然依舊不錯過,最喜歡瀨尿蝦,其他長腳蟹,凍蝦,凍蜆,青口當然有幾多吃幾多。




熟食嘅燒牛扒,蒸鱔,海鮮湯同即煮嘅粉麵檔,前菜當然不能錯過,當晚吃過的都是不錯的選擇。









甜品特別要講嘅係梳乎厘,特別愛上綠茶香味,可以話係吃過最好的一個酒店自助餐甜品,剛剛整完出來嘅熱辣辣,一定要試。


仲有每次都有的不同種類的蛋糕,中式甜點,豆腐花,葡橽都唔駛多講,食左先算。






講咁多,自助餐價錢成人一至四都係六百幾,提早一日經酒店官網訂座仲可享高達 55 折優惠,當然所有價目以原價另加一服務費,但咁平真係好值得食,要感受下爐端燒,呢個價仲要任食,唔黎就浪費。

柏景餐廳 

尖沙咀廣東道33號皇家太平洋酒店園景翼2樓

2019年11月6日星期三

寬巷子:海港城二刷


自另一麻辣大哥正式來港,似乎台灣的火鍋熱潮喺香港又再次發熱發亮。


台北倒是去過,其任吃鴨血和以麻辣湯送飯是我最常的做法,係香港都幾令人期待,不過,我更有興趣嘅係無老鍋可以喺香港落戶。

火鍋癮起又想食,最就近嘅當然去食嚟自台北嘅寬巷子。

近來尖沙咀食飯相對較方便,找個地方和朋友談天說地當然最好。



我特別喜歡尖沙咀海港城啲店,有無敵海景之餘,地點方便就腳,而且價錢一點都不貴。

當晚和幾位朋友食飯,特別痛快,幸好大家也是同途中人,吃飯也吃腦,聽聽不同人的見解,才更有自已的想法。

二刷的概念,當然要是吃一點前未食過嘅嘢,你曾經吃過嘅好食,當然要再食。

選鴛鴦鍋是必然的,大家鍾意食乜就乜,你喜歡辣食辣,喜歡不辣就不辣,這才是民主。



左邊東方美人,用上40斤豬骨和10斤豬手,慢慢火熬製而成。雪白色的豬骨濃湯加上很多蔥、蒜、花椒和胡椒調味,再用紅棗、蓮子和百合,聽都知好保。

紅泥小染則以鮮花椒、豆瓣、辣椒等十多款香料炒香,然後加入中藥材調製,以麻帶辣,令人更開胃,加上大量的鴨血,一吃難忘。

飲杯白苦瓜汁,一流送火鍋,其他多種酒類和飲料都好吸引。




玫瑰松板用上新鮮的松板豬肉,以一個特低溫度,令佢更立體,求把玫瑰松板達到更立體的花朵效果,以每塊豬肉片都一定要由人手將肉片切好,仲要擺得靚,少點功夫都唔得,聽說要訓練半年的廚司才可做這菜式,可見一班。




整個花可以放下吃,吃到松板豬肉最正的滋味,而碟上也奉上蛋白漿,增添了其嫩滑的口感 ,豬肉更加昇華了一個層次。

我未吃過枝仔冰,成日都想試,充滿成個盤係冰上,看似是條條雪條一樣,以墨魚肉去打成的花枝漿,加上豬頸肉和蝦肉,菠菜粒等夾起來,口感特別和多元性。有晶瑩剔透的效果下,吃下去又美味,又靚又好食。


之前來都無留意到有這個冬甩子。在台灣,原來很流行吃甜甜圈,這餐廳的大廚就經歷過這個台灣的甜甜圈熱潮,所以非常有創意地將冬甩變成一道火鍋菜式,相信香港打咁多邊爐都未必試過。

外形完全一樣的冬甩子,用上南瓜、甜豆、蝦肉和花枝漿得做成像麵包的面,加上堅果、葡萄乾、腰果碎和蜜餞,吃時會感受到乾果的酸甜,更會有果仁的香氣及口感。加上辣味嘅湯底,吃得更令人覺得有趣。


杏香野菊是寬巷子開業元祖菜式,我第一次在士林分店食過,以杏仁片和菊花作為藍本。廚師以火鎗輕輕地將杏仁片的外邊燒焦,令花更具立體感,再用上紫玉米做花蕊,茄子包住花托,成個花都吸收湯汁的味道精華,今次再吃,同四年前在台北吃,一樣咁好。


花團錦簇又係另一經典,好似花藝師藝術品,下流少少其實係花式雜菜,但靚到咁,點會有投訴。

牛軌糖以原隻墨魚自家取出的墨魚汁,再加上花枝漿、花枝塊、木魚絲和咖喱製作,口感勁得以,而食耐少少,你會巧妙地吃到其混入左軟骨,當然係常見雞軟骨,傳統牛軋糖裡面的堅果的脆口口感就在這刻感受到,絕對色香味齊全。


第一次吃鳳梨酥,這菜式啓發自台灣手信大家一定知,外層是金黃色的豆腐、用上花枝漿和蝦漿造成,內餡則用新鮮鳳梨(菠蘿)自家慢火煮成濃郁的鳳梨漿,帶有自然的菠羅鮮甜和嫩滑口感,吃下去,真心食鳳梨酥咁嘅味,驚喜。


另外打邊爐點可以唔食牛,叫澳洲和牛和溫體牛,最愛係溫體,雖然無台南個種raw,但還是有味過澳洲佳麗。






其他的牛毛肚,手工麵,雪呑等都是水準以上。

二刷的寬巷子,同上次吃過的另一麻辣品牌,一樣咁保持品質。

令我更期待十一月開幕的另一麻辣大哥。

不過這裡好得是要一定得閒就過來打下邊爐就是了。

寬巷子 
尖沙咀廣東道3-27號海港城海運大廈地下OT G57號舖