2019年12月29日星期日

鬼金棒: 如你是芫荽迷


拉麵好像是永遠停不了的風潮一樣,呢排又重燃起來。

Afuru 金色不如歸,我武者羅同時在香港插旗,鬥過你死我活,而且仲要全部都係名店,又話係乜嘢第一又話係雞湯專家又話有柚子味,愛拉麵的人從來在香港都不愁寂寞。

前牌幾間剛到香港的霸嗎和鬼金棒當然也再擴大版圖,其中鬼金棒剛剛在尖沙咀開幕,從未吃過鬼金棒,我就一於要試試。

如果你和我一樣,都愛芫荽愛得要死,來這裡準是沒有錯。

因為就係看到朋友文小姐在佢個Facebook page 出左個post,看到那碗芫荽滿滿的拉麵就叫我有興趣。

一個人經過來個快飯最好,不用夾時間,又不用理人想食乜。

無理個Menu有啲乜嘢特別,冇考究鬼金棒最出色係乜嘢拉麵,就揀咗芫荽辣麻味增拉麵。

店好多位置,應該不用排大隊,點菜都是用電話QR code






由於今日有啲肚餓一個人都食咗個小叉燒飯。

好老實如果你喜歡芫荽,淨係見到咁多芫荽,再加辣辣嘅湯底其實已經好夾好開心。


最緊要個湯又唔算係好油個隻,character不是非常突出,但也算是有辣香,就算你唔太食得辣都會接受到呢個味道。


叉燒非常大件,肥瘦分明,食肉獸最愛,不過我個人覺得乾了一點。


麵條爽,掛湯不錯,加上芫荽同芽菜,一口吃下去,是最簡單好的吃法。


叉燒飯就單調一點,相對冇拉麵咁得別。



加支茶,解膩一流,簡單滿足。


看到隔離枱有個特製辣麻辣拉麵,好似好正,不過無空位了,留待下次帶太太和朋友再吃。

如果你是芫荽迷,不用考慮來吃一次吧。




鬼金棒 
尖沙咀金馬倫道20號地舖

2019年12月27日星期五

蜀客:海景辣聚


唔知點解,聽過呢間餐廳嘅名,你一定會有一個深刻印象。

蜀客呢個名自然會令你諗起中學時讀過嘅荊軻刺秦王或者係廉頗藺相如列傳,好有古色古香嘅中菜feel

如果你記得前幾日我寫過嘅Dama雪糕,蜀客就exactlydama隔離,如果你兩間都有興趣,你可以先食完雪糕再吃川菜,又或者吃完川菜再去吃雪糕。

香港食辣野嘅地方好多,但係又有情調又有海景又有靚裝修嘅地方不多,蜀客一定係首屈一指

當晚和美女媽媽H小姐吃飯,加上幾位男士,在勁闊敞的海景房來個川辣小聚。



前菜有頭抽珍菌,這個絕對是入門小吃,珍菌嘅香氣,送杯cocktail 一流,如果可以選擇Dry martini 絕對有化學作用。


另外鮮椒海鮮滙就係叫你入局的entry level,帶子蝦同魷魚用上鮮椒來浸和調味,下酒又係一流。

之後上場嘅怪味鵝肝,已經話你知呢度有幾好食,鵝肝煎得勁脆,川菜的怪味是褒義,指口感複雜但又十分和諧,鵝肝嘅油香,辣醬,雜亂又令人迷魂,絕對係令人想入非非。


之後嘅黃湯燩花膠,係我近來飲過最好嘅花膠湯,那種滿佈骨膠原的甜美,成個口都係甜和膠質,花膠絕對大塊,質感爽而又彈牙,一碗我覺得太少。如果下次再嚟,這個一定要再點。


水煮桂花,不能不吃的川菜口味,每塊切好嘅桂花魚都非常肥美,水煮不是狂妄嘅辣,加上厚厚嘅薯粉吸盡所有花椒八角等材料嘅香氣,而且不算太過油,就算你唔太食得辣,都好容易接納。



我和當晚吃飯的K先生都認為牛肋骨來講應該係全港最好食就係夜上海,今晚呢個牛肋骨絕對貼近夜上海嘅水準,加上不同的香料,風格更多方面,牛肋骨嘅軟綿綿口感,令人陶醉,當然,夜上海有好嘅地方,呢度也有自己嘅優點。



臨時加點的辣子雞絕對係搶眼之作,基本上吃不停口,最慘係H小姐的朋友還推介了我們用上比利時的手工啤酒來送,帶有清新的幽香和像威士忌的質感,碰上辣子雞就是一流。




全晚的主角應該就是這個泡淑蒜香龍蝦,那個樣子非常貴氣,和後面的海景相映成趣,每件龍蝦肉當然係又爽又彈牙,但碟上的泡椒和醬汁更加搶手,我也忘了怎樣形容呢個美味,和平常吃的海鮮,就是與別不同,要整新鮮海鮮有幾難,但附上令人難忘的辣,就是不同。



當然要吃一點菜,菜都要吃辣才是正事。不過這個干鍋手撕包菜非常friendly ,絕對係友誼小姐,你不會吃到強勁的辣味,就如點頭之交,人見人愛。


單尾的成都擔擔麵,絕對不會像平時一樣花生醬滿屋,辣和麻各佔一半,麵非常爽和彈牙,聽說有人半年不吃澱粉質,吃了一啖以後也把全碗麵吃掉,可想而知,威力幾強大。



甜品各有所好,分別點了鍋巴配芒果雪糕和鹹蛋黃雪糕配米通,個人絕對支持鹹蛋黃雪糕,其香味和口感絕對像極鹹蛋黃,米通也炸得非常爽和脆。



吃到呢一刻,完全冇投訴,只係有機會想再食多局,可惜,P先生聽晚有局,我去唔到,只能看相片,輕嘆....


蜀客 

尖沙咀梳士巴利道18號Victoria Dockside K11 Musea 4樓412-413號舖

2019年12月26日星期四

Casa Lisboa: 葡萄牙的狩獵菜


聖誕時間,寫番一啲冬日菜式吧。

葡萄牙菜從來在香港都不是一個流行菜系,就算想食,你都會覺得係澳門食更好。

或者香港冇一間好impressive 的葡菜地方令你覺得好食,咁係唔係呢個就係事實,非也。

就如女孩子左手帶無名指介指是不是一定結左婚,也不一定,你唔做Know your customer 程序點會知,可能好多男士唔問多兩句都會冇左好機會,特別見到靚女。

就如你想食葡菜就一定馬交,唔好玩啦,就係中環,有盡所有最好的歐洲菜式。

位於中環雲咸街的葡萄牙餐廳 Casa Lisboa,食客也可以品嚐多款正宗的傳統葡萄牙菜式 ,碰巧有新興而且非常少見的新派葡菜(Contemporary Portuguese Cuisine) ,和你吃過的都有點不同。

你看得多歐洲電影都知,好多歐洲人都喜歡狩獵,冬天是葡萄牙人傳統狩獵活動的最佳時間,這個狩獵傳統亦對他們的飲食有深遠影響。從狩獵中得到的肉類和各種在秋冬季盛產的食材結合,這些傳統家鄉菜式就是這樣而來。

兩位精於葡萄牙料理的年輕大師 Jesus Pascual Fábio Pombo 精心設計了 4 道全新的秋冬季葡萄牙菜式,這個下午就和三位新朋友品嘗。

這裏的Cocktail聞說都非常有名,不過吃葡萄牙菜又點少得sangria ,飲呢杯野才似吃餐正宗的葡萄牙菜呢。



餐桌上的麵包,叫人特別喜歡,開胃一流,加上店方提供的一些醬汁,你會不停吃到飽。



先上場的是橄欖油炒蛋配紅蝦菇菌,用上傳統的馬介休,菇菌和最美的紅蝦,最重要炒蛋用上濃烈嘅鴨蛋,整體立刻非常出色。我隔離的F先生,可能佢食中菜多,歐洲菜未必啱佢胃口,但呢一個菜式佢就食得十分開胃。



紅蝦的甜和濃烈,叫人難捨難離。



鵝肝半熟蛋白汁薯泥賣相一流,叫人垂涎欲滴,讓一眾食客都可以感受其創意和藝術,香煎嘅鵝肝加上半熟蛋,底下配上松露和強勁的黑松露,撈埋一起一定愛上。





獵人鷓鴣批,個批焗得好香,入面有澎湃的鷓鴣和菇菌的配搭,吃的時候要沾上隔離嘅松露醬,那香氣味道完全是另一個層次。





野豬栗子鍋,這個絕對是冬日菜式,令我想起西藏有同樣嘅野豬藏香豬,西藏嘅豬更加舊日皇室嘅貢品,這個不知為什麼有著東方的色彩,可能如果食野兔嘅話會歐洲一點,但野豬的味和栗子出奇地配,你會吃到那食材的原味和添上栗子後的層次。



葡萄牙獵人鴨飯同我認識嘅葡式飯完全不同,平時食嘅焗飯非常大份,但係呢個比較小巧,煎得勁香又有肉汁包圍的鴨吃到不住叫好,加上粒粒靚的飯加上鴨湯來煮,特別香。我看到面前的Y小姐,想起如她穿上歐洲的宮廷裝,就算無名指帶上了介指,應該也會很受男士歡迎,個個排隊約她狩獵再吃這個鴨飯。



最後的甜品美得像熱帶森林的一角,只可惜我和F先生不太肚餓所以只能觀賞,就如看美女一樣,只看就得了。





尾聲飲多一杯cocktail ,酒不醉人人自醉,這個下午難得社會有點寧靜,我想起歐洲人而家可能有人會準備狩獵,然而我們香港市民係要準備口罩 full gear去抗爭,香港式嘅狩獵,我就覺得這個社會有點哀傷。


Casa Lisboa Gastronomia Portuguesa 

中環雲咸街63號巴力大廈2樓