翔壽司：簡單壽司晚餐

自從立呑壽司流行，香港出現左好多小壽司店。

以前一定要去大店才吃壽司的日子，現在完全不同了，像尖沙咀厚福街這間翔壽司就是一例。

呢啲小店有一個好處，如果你口痕想食壽司，就可以隨時入去過口癮。

因為前排IG勁多人post過呢間店，那天經過尖沙咀便入去試一試。

簡單叫了兩樣嘢，一個特選壽司盛盒，另一個係拖羅海膽杯。

拖羅海膽杯有點小巧，以馬冀海膽為主，加上大量的拖羅蓉，仲有魚籽，整體感覺不錯，只怪太細杯。

特上壽司盛盒有10種壽司，全部都係受歡迎嘅選擇。

特別講幾件好食嘅，海膽同拖羅頭先都試過，原件食，仲正。

自己放了一點海膽在那個拖羅上mix and Match，感覺更佳。

牡丹蝦，魚籽和帶子品質尚可。

不過其他魚類全部都肥美，例如深海池魚和灸燒金線鯛。

另外真鯛和油甘魚是我當晚最愛，特別油甘魚，油香一流。

講真價錢真係唔算特別貴，最好又唔使排隊。

當然你唔可以同大品牌比，吃過壽司朗都知道，真心平靚正，但以這個小店的水準，如果冇時間排隊，又想過下壽司癮，坐下吧枱都不失為一個選擇。

翔壽司

尖沙咀厚福街5-6號多富閣地下4號舖

上信饌玉： 台北寄來的味道

相信很多人因為疫情的關係都取消了到台灣旅行的計劃，特別係去台北做吃貨如我的朋友，應該好失望。

不過幸好如果要滿足口感，香港都有很多好吃的台灣嘢食，雖然點都同台灣有一點距離，但至少都能幫手解癮。但最直接解決思念的方法應該吃台灣的手信吧，特別在香港你能買到好多台灣食物的品牌，當然最直接的方法就係由台灣訂然後寄番嚟。

上年在大安區行過永康街的時候認識了這個品牌－上信 饌玉，吃過了他們的太妃糖，就愛上了這品牌，在網絡上看到他們的官網也開啟了港澳含運專區，近來大家係網購方面應該玩得出神入化，訂呢啲嘢應該比訂口罩完全無難度吧。

而且店方更有補貼運費的優惠，對於香港的朋友購買來說，好超值。

如果你未試過呢個品牌，值得試吓呢個精緻入門箱，包括了夏威夷潛艇，夏威夷豆塔和堅果棒。

聽說夏威夷潛艇係網路人氣美食王，椰棗味道鮮甜，加上有夏威夷豆，果香豐富，香氣撲鼻。

我也愛夏威夷豆塔，個樣完全係好似酒店食下午茶嘅甜品一樣，以法國鮮奶油制式嘅撻皮又脆又香，加上內有夏威夷豆泊同莓乾的果香，女士至愛。

堅果棒同樣係以大量嘅杏仁造，好似平時食開嘅能量棒一樣，外面包的一層薄薄的糖，更添口感，當然比你吃那些能量棒好吃多。

如果想試其他唔同口味嘅種類，我建議你要呢個爆款熱鎖箱。

當然有頭先嘅夏威夷潛艇和夏威夷豆塔，更有我勁愛的太妃糖，太妃糖嘅奶油焦糖香每粒都甜蜜可口，訂完返嚟我一次過食咗10粒，真係停不了，如果你鍾意拖肥類，一定愛死這個。

香港人最愛的當然有鳳梨酥，內裏有台農17號嘅金鑽鳳梨，而且入面全是勁多嘅果肉，微微的酸又甘甜，和另外一個最愛品牌微熱不相伯仲。

南棗核桃糕聽說也是香港人最愛，呢個係家人全讚好的美味，核桃的香氣和南棗的味穿梭環迴，絕對口感一流。

我自己較喜歡杏仁薄，啖啖都是酥脆和濃郁，送酒最好，仲要係送威士忌，加一支蘇格蘭Ardbeg的泥煤味，不得了。

如果大家有興趣可以參考以下連結:

https://www.3sselect.com/products/%E3%80%90%E7%B2%BE%E7%B7%BB%E5%85%A5%E9%96%80%E7%B5%84%E3%80%91

https://www.3sselect.com/products/%E9%A6%99%E6%B8%AF%E7%88%86%E6%AC%BE%E7%86%B1%E9%8A%B7%E7%B5%84

有興趣就要訂啦，應該有段時間不能去台北，來一點台灣寄來的味道，解解不能去台灣旅行的情緒吧。

FUMI： 宮崎和牛賞味

近來不同餐廳為左爭取生意，紛紛推出不同的套餐和優惠，就算不少中環蘇豪區和蘭桂坊的餐廳都加入戰團。

特別呢排，雖然政府話減少聚餐，但人總要食飯，都冇可能日日喺屋企食，碰巧restaurant week 同black series 都係呢段時間舉行，大家紛紛召喚良久冇出街食嘅靈魂番黎。

我反而就睇準限時優惠，來到想去已久嘅FUMI食佢嘅宮崎賞味套餐，幾個友人吃過都有讚無彈。

幸好到二月尾，還有時間來吃。

你以為冇人出街食飯咩？當晚餐廳卻非常多人，而且個個都飲晒清酒，今朝有酒今朝醉咁樣，同而家嘅疫情環境有一個幾強烈嘅對比。

雖然我哋幾個朋友食飯，簡簡單單，但見個個飲清酒，自己都叫番支house，話明House嘅，雖然不是頂級好飲，但當然人人適合。

前菜已經來過宮崎和牛洋蔥沙律，宮崎和牛片加上了不少調味，加上洋蔥吃又係另一個感覺，配菜嘅蕃茄甜得驚人。

FUMI 一向出名刺身，刺身部份有四種赤貝、油甘魚、深海池魚和甜蝦，我最喜歡的當然是赤貝，不過另外油甘魚和深海池魚都是非常肥美，油份高而新鮮，好快就食完。

鯛魚濃湯異常地白，送上一件鯛魚，味道濃得來精彩。

主角係宮崎和牛肩鐵板燒，絕對係賞心悅目之作，仲要有靚仔親自幫你燒，不過當然戴住口罩個個都靚仔。

係你面前將和牛放上文字爐上燒，燒得非常精彩，火光紅紅，同台北三星餐廳燒北京片皮鴨差不多。

加上點點滴滴的蔥，wasabi和蒜片的調味，輕輕放上牛上，加上燒得剛好，入口即溶，油脂，和牛牛肉香，都平衡得來的味覺，好精彩。

單尾係宮崎和牛壽喜燒小鍋，簡單的豆腐，冬菇加上粉絲，壽喜燒的甜度剛好，加個飯，就是完美。

同剛剛燒嘅宮崎和牛肩不同，我較愛剛才燒過的調味，這件相對單調，但牛味更濃，油香就沒有咁強。

最尾的時令水果全部來自日本，特別喜歡那個火龍果和蜜瓜，沾上檸檬汁後，水果更加令人delighted。

最緊要唔使諗食乜嘢，一個價錢，多重享受，去到月尾都仲有提供，下星期快啲試啦。

同上次porterhouse一樣，聽說這裏星期日的brunch 也是不錯的水準，搵個機會再來。

FUMI 

中環德己立街30-32號加州大廈6樓