2020年4月19日星期日

喫麵YumMee:和你一起飛遍亞洲

上次一個人在這裏,一個人吃了一碗龍蝦海鮮湯麵,感覺不錯。

有朋友留言話叻沙好出色,於是同自己講,有機會再試。

一個人力量有限,食唔到幾多野,一直想再試多一兩樣野,多朋友嚟試可以食多幾款唔同嘅麵。

有睇過我之前嘅介紹,都知道呢間YumMee主要係提供亞洲好多種唔同種類麵食嘅餐廳,如你都係船麵、越南牛肉河、台灣牛肉麵、叻沙fans,我相信你冇可能抗拒呢個地方。


今次朋友P小姐帶我同三個朋友過來,四人剛剛好,在這個冇得飛的日子,大家喺呢度就好似飛遍左亞洲一樣。

女仔一定喜歡這裏的呃like飲品,一人一杯,一個柚子梳打,一個珍珠奶茶,當然也是珍珠奶茶取勝,柚子梳打可能你諗起首爾,但我卻喜歡曼谷。




叫了兩個小食,其中一個係我吃過而推介嘅蝦餃,蝦餃內容嘅豐富很少見,大概冇諗過呢類餐廳嘅點心竟然會咁出色。



慢煮豬腩肉配酸辣醬,好正好惹味,個醬汁唔係太難就算唔食辣都要試,味蕾立刻去了曼谷。


曼谷牛腩船麵,真係一流。尤其是送上嘅豬皮,魚蛋和牛腩,還有那船麵湯底,我在幻想,吃完後就可以來個泰式按摩,然後吃個芒果糯米飯。



新加坡海鮮喇沙,那個椰汁香叫我嗅到了亞洲嘅旅行氣息,那種感覺就如置身在新加坡或馬來西亞一樣,可能你會吃得汗流浹背,可能你會因奶香和椰香吃到好飽,但那參參就是叫你感受到那地道的美。





還有大量的魚蛋、魚片、蝦和青口,同上次嗰碗龍蝦湯麵一樣好得。


海南雞飯從來都是香港一個好受歡迎嘅菜式,呢度冇君悅酒店咁正,但價錢平好多。




可能呢樣野就冇咁有旅行感覺,但技巧取勝,我記得上一次都未有海南雞飯供應,雞肉不錯,特別喜歡佢嘅油飯同埋佢嘅三色醬汁。


海南雞好大份,雞肉嘅嫩滑,雞皮也不可以錯過。

台灣牛肉麵又真係幾特別,個藥材香好吸引,我諗呢個係最令我最懷念飛行嘅滋味。




牛肉嘅腍和麵嘅彈性都係上佳,加上大量嘅蔥同酸菜,我想起了西門町嘅劉山東牛肉麵,我又想起我未食過新分店嘅林東芳,我又想掛住洛陽街附近嘅建宏或小吳,一堆牛肉麵店,不過好彩喺呢度,搵返少少安慰。


還有越南嘅牛肉河,相對我去越南嘅數量無咁多,思念也隨之而少,不過碰巧上星期朋友K跟我說胡志明市原來唱卡拉OK時都有得食越式牛肉河和火鍋,而且飲酒係極之平,食呢碗牛肉河時令我對越南嘅幻想空間更大。


睇完呢篇文你係咪仲想飛?不過抗疫緊要,而家冇得飛就嚟呢度用味蕾走遍全亞洲止癮先。

喫麵 
尖沙咀梳士巴利道18號K11 MUSEA1樓136號舖

Corner 18: 安心任食

酒店任點任食的晚市套餐大行其道,似乎已經成為潮流。

朋友叫我去吃的Corner 18,佢試過一次,佢話佢嘅任點任食就好似平日喺酒店食A la crate咁精美。

於是,在未有限聚令之前的晚上,來了吃餐簡單的晚飯。

最欣賞呢個Group嘅酒店全部餐廳都會送洗手液,就算係政府有規定之前都已經做緊,令人安心。

先來精選麵包,W小姐力推,不過我就沒有興趣,唔想嘥位,不了。


刺身合盛或冰鎮海鮮做熱身,按人數而定,今晚的刺身和海鮮都不錯,回本當然係食蟹腳同勁大粒嘅翡翠螺。


刺身有幾種,都是較為普通的例如三文魚、吞拿魚、墨魚等單唔係太貴嘅價錢,我要求也不會太高。


前菜和沙律有多種選擇,意大利雜菜沙律配黑醋汁、巴馬火腿配蜜瓜、自家醃製三文魚茴香沙律和菠菜巴馬臣芝士溫泉蛋,每樣都不錯,而且真心精美,款又靚,最好係唔使攞你,要點幾多就攞幾多係你面前。






中湯西湯各有喜好,我較喜歡今日嘅蘑菇湯。




主菜就有好多選擇,肉眼扒、西冷扒、意式烤乳豬、燒美國豬、燒春雞、香煎鱸魚柳。

醬汁選擇有黑松露醬、黑椒汁、紅酒汁、蒜香忌廉汁和香草檸檬汁,不同嘅扒配上唔同嘅醬汁,你可以有幾十種唔同嘅食法,好有實驗性。

飯和意粉類就有煙肉芝士忌廉意粉和雜菌意大利飯給你選擇,我自己就較為鍾意個意粉,意大利飯相對就普通。



不過我諗呢個係個人口味問題,我兩個朋友同我意見剛剛相反。

講下主食,真係好多都有驚喜,加上蒜香忌廉汁嘅春雞又滑又正,要食。


美國豬就用上了香草檸檬汁,點上檸檬汁後,特別開胃。


肉眼扒超級正,首選黑松露醬,配上芝士和火箭菜,咁樣酒店 a la carte如果售$200都好合理,但係而家任食,你話驚唔驚。

西冷扒都當然唔錯,不過如果你比我選擇,我會選擇質素好一點,肉味重一點嘅肉眼。




意式燒乳豬又係好迷人,豬皮脆得很,非常之好,平時自助餐嘅質素,絕對無咁好,勝過很多蘇豪或意大利嘅西餐廳。


真心,香煎鱸魚柳最沒有驚喜,最普通。不過當然如果你唔太鍾意食豬牛雞,呢個會係你唯一嘅選擇。


最喜歡這裏有手工啤酒,星期五嘅晚上食咗咁多正嘢,當然要啤啤,慶祝TGIF


甜品都有很多,哈根大師雪糕是常識,其他雜錦鮮果盤,Tiramisu意大利芝士布甸,Apple Crumble蘋果金寶等等,我簡單喜歡要嗰生果盤就夠了。






可惜太飽,無位食雜錦芝士盤,如果唔係叫支紅酒送都得。

係屋企宅太耐,出去食下野都應該,stay home 係重要,不過支持下經濟都好緊要,如果吃得安心,久不久可以一試吧。

Corner 18 
天后英皇道18號如心銅鑼灣海景酒店1樓

2020年4月18日星期六

粵: 得一小時也要吃的點心

通常返工食飯,都好少選擇飲茶,特別係好似我呢啲得一個鐘頭食飯嘅打工仔,要飲茶,太奢侈了。

不過近期唔同嘅餐廳都出減價戰,北角城市花園嘅酒店都加入左戰場,粵推出嘅係半價點心,一籠最多廿幾蚊到四十幾不等。

平時得一個鐘食飯,一定唔會去飲茶,因為根本唔夠時間,但呢個價錢咁吸引,真係唔去試吓都對唔住自己。

不過好彩星期六日都有,如果唔想趕頭趕命,可以週末去食。

想知有啲咩食可以睇吓呢條link:


最推介係豬潤燒賣,呢啲手工心機菜式,都係咁平就好抵食,粒燒賣大到不得了,豬潤令我想起漢記水準。



薑粒雞包仔只係$32,但係我吃過最好嘅雞包仔,個味勁薑,雞肉和薑粒粒粒性格鮮明,大推。


醬皇蒸鳳爪同豉汁蒸排骨,都係水準以上嘅作品。




另外都好喜歡粟米墨魚餅,墨魚滿載又足料。



最後好鍾意個XO醬煎腸粉,平時你係米芝蓮嘅酒店餐廳食呢個點心冇五六十都唔使落樓,而家$34,仲要擺盤勁靚,想點。


有興趣嘅就快啲訂啦,聽講好爆,好多人就算一個鐘食飯都會嚟飲個快茶,住北角或者係北角工作嘅朋友仔,心動不如行動啦。

粵 
北角城市花園道9號城市花園酒店1樓