2020年8月29日星期六

不要對我尖叫,日常茶間,:人生就像一杯茶

由戲曲中心第一間分店已經第一次接觸這個台灣品牌,到中環分店飲過幾個暖身暖心嘅冬日飲品,我當然很喜歡這個文青風嘅台式品牌,知道大角咀在下一城又開新店,經過就支持下。

呢間新分店同之前有少少唔同,除咗飲品之外,佢仲為大家準備咗新鮮酥香同熱騰騰嘅嘅pastry,俾啲新鮮感大家。


三間分店,最有空間感最靚應該就係喺大角咀嘅呢間分店,可能你會覺得大角咀都係非常嘅老嘅舊區,但當一眾新樓如利奥坊逐漸改變大角咀嘅市區面貌之外,呢個台灣飲品店落戶係呢度就更加有先見之明,加上呢排好多潮流食店落戶大角咀 又點可以唔去下。


今日要介紹嘅除咗佢嘅飲品之外,不能錯過的還有我覺得幾精彩嘅酥點。


店內處處都是打卡位,到到都有人生哲理語錄,喜歡影相嘅女孩子千祈不能錯過。





新飲品我最喜歡就係鮮芒果冰茶,賣相好吸引,唔知點解好容易就令我諗起許留山,可能係成長關係。不過呢杯芒果冰茶恰到好處,不算太甜,加上佢嘅阿薩姆紅茶底,仲有珍珠base做陪襯同處處吃到嘅芒果泥,夏日最適合。




另外一杯是蜜桃烏龍嘅水果果香更加突出,而且用上佢哋自家嘅烏龍茶茶香嘅濃郁同非常Juice嘅水蜜桃果肉一拍即合,愛水蜜桃味道嘅朋友一定不能錯過。




最後係同樣分店限定嘅特色茶飲鮮蘋果茉莉,用上糖漬左八小時嘅蘋果就知道呢度嘅飲品充滿心機,加上較清淡嘅茉莉茶,果香又滿滿,味道有多重不同嘅層次感。


看到佢地嘅pastry櫃,見每件選擇唔多,我就估應該幾受歡迎,先點了芝士哞哞包,我諗呢個都唔使點樣介紹,因為愛芝士嘅人一定會食,而且個包做得非常香脆,而且芝士味濃郁無比,一個字,得。




另外洋焗蔬酥同平時嘅酥點有唔同,因為平時嘅酥點可能都會以肉作為主角,呢度就以蔬菜為主,又係好香好誘人,完全同平時以肉作主角嘅酥點一樣迷人。



最後因為呢度嘅果肉太精彩,我選擇吃多件泰芒酥酥,小巧嘅泰芒酥酥,其實日後都可以食得晒,但全件都係芒果果肉,而且外層有鬆軟嘅酥皮,加一杯鮮芒果冰茶,大概這就是完美嘅幸福。



就這樣,過了一個簡單的下午,時間雖然難過但可以讓自己放鬆起來,就如餐廳其中一個打卡位,人生就像一杯茶偶然會苦一陣子,但不會苦一輩子,香港人,共勉之,時間幾難過都會過。





不要對我尖叫,日常茶間, 
大角咀嘉善街18號利奧坊二期地下G704號舖

2020年8月24日星期一

BAMBOO THAI:唔係唔打卡呀?

當我看到這個火山排骨,我已經將呢間野加咗落我嘅to-eat list

泰國野從來都不是什麼花拳繡腿的吸晴菜式,除非係fine dining,好少睇到張相會咁震撼,吸引到你去食。


就因為呢個火山排骨來到,在那個沒有晚市堂食前的晚上,我來到了,好彩,如果唔係,成個月都無得食。


位於朗豪坊的一間餐廳,非常容易搵,就喺正戲院隔離。


晚飯嘅時候,都幾多人,而且餐廳非常之開揚,我正坐係商場外,空氣非常流通。


朗豪坊印象中唔係好多泰國餐廳,之前好似就係同UA合作嘅餐廳。


坐底就要點火山排骨,兩個人吃的關係,只點了一個小的,不過我估大嘅會震撼好多。


火山排骨都唔使點樣特別講,愛蔥愛吃肉愛吃辣嘅人都一定鍾意,餐廳俾埋手套你食,非常之細心,用手豪氣地將排骨大大啖,可以俾你成個野人咁,正。





呢排愁雲慘霧,人人都唔開心,我都想要杯長島冰茶伴我安睡,蘇梅島冰茶,有同樣嘅效果,濃烈嘅酒精,涼爽嘅快感,如果呢杯野喺曼谷飲就好。



老婆選的九層塔青檸梳打,最適合下火,我話你知呢杯野好好飲,九層塔香得令人上癮,我飲完杯長島冰茶,足足叫多左兩杯,真係可以飲上癮。



牛油雞翼,牛油香和蒜蓉香都令你對呢度嘅雞翼,愛不釋手。



冬蔭功唔會係好大碗,酸辣嘅均衡拿捏得很好,唯一覺得唔好嘅就係佢唔係用有火嘅鍋黎上係你面前,吃得慢感覺會唔夠熱,不過料足味道好。




馬拉盞炒通菜,不錯,吃得到那種鑊氣,可惜油多了一點,不過依然是一個不錯的菜式。



最尾的泰式大蝦炒金邊粉才是最精彩之作,金邊粉嘅煙韌程度係我吃過的數一數二最好,配料精彩,大蝦又爽口,為咗呢碟炒金邊粉,都絕對值得再返嚟捧場。




泰菜水準來說,絕對不錯,特別熱愛打卡嘅人,唔使諗一定要試。


Bamboo Thai 
旺角亞皆老街8號朗豪坊8樓02-03號舖

2020年8月18日星期二

雞先生:招牌海南文昌雞

行過美景街,見到一間新嘅小店,雞先生。

名符其實,以雞為主打。無堂食,主打外賣,最適合而家嘅環境,行過正好今晚可以斬料加餸。



佢嘅招牌海南文昌雞,有全隻半隻你選擇 ,雖然主打文昌雞,當然還有其他選擇,例如有特色的巴東牛肉,娘惹牛肉等等。



我叫了海南雞外賣半隻,雞肉滑得來又嫩,雞皮都不算太肥,件件都幾好食,而且半隻份量足,價錢可接受。




最出色係醬汁,平時你食海南雞一定會有三色醬,但呢度有四色,同平時嘅醬汁亦都有少少分別,最精彩的口水雞辣醬同沙薑醬,用黎點雞撈飯都幾好。





另外有一個要推介嘅係笠飯,呢個充滿海南特色嘅選擇,喺香港亦都唔多見。包得好靚嘅竹卷,包得好靚嘅飯,內𥚃用上大量蒜蓉香浸過嘅油飯,還有竹香,飯身雖然有點硬,點下佢地提供嘅醬汁,好有得色,幾好食。




我特別喜歡襯佢嘅口水雞醬,辣得來好開胃。


由於今晚本身已經有其他餸嘅關係,冇再試其他客飯。不過,以呢度出色嘅醬汁,都幾期待佢嘅巴東牛肉同娘惹牛肉。



呢度嘅員工都幾有禮貌,而且好有衝勁,本身都未必想食個笠飯,但係佢力sell介紹底下先會試。



係呢個咁艱難嘅環境,尤其是小店真係要支持下,而且仲要新開,如果你喺呢頭住,不妨過來食個飯加個餸。



雞·先生 
土瓜灣美景街2號地舖

2020年8月16日星期日

TA-KE竹日本料理:懷石料理買一送一

我終於試哂佢所有嘅買一送一套餐。

以性價比來講,鐵板燒同廚師發辦質素最佳而且最抵食。


懷石料理唔係唔好,但係嚴格來講呢度嘅懷石料理絕對唔係你想像中嘅正宗嘅懷石料理。


只不過係一個包含咗燒物煮物炸物嘅套餐,如果你好似我咁最後先食懷石料理,可能會有啲失望。


不過以大約連加一$500嘅價錢都真係可以接受,講真平時一定唔係呢一個價。


呢個又係本身到816號,而家延長到月尾,有心人快啲訂位啦。


可以分享吓懷石料理嘅相片同嘢食俾你睇吓,有興趣嘅話就試吓啦。


前菜 APPETIZER 巴馬火腿沙律、日本蠔醋啫喱




燒物 GRILLED DISH 日本和牛




煮物   SIMMERED DISH 龍蝦伴濃蝦汁




炸物 DEEP-FRIED DISH 蝦雜菜餅天婦羅




冷麵 CHILLED NOODLES 蟹素麵





甜品 DESSERT 季節雪葩 Seasonal Sorbet



PS鐵板燒同廚師發辦真係超爆,好快full,要食就快。


竹 
銅鑼灣恩平道28號利園二期地下G01號舖

2020年8月15日星期六

Involtini Italian cuisine:在家中煮意粉

睇網上不少人都支持左呢個意粉煮食包,依家要日日喺屋企食飯嘅我當然唔放過呢個機會,係屋企都可以支持下。

你諗吓平時一位難求,但而家係屋企就可以食到Involtini嘅意粉,係幾幸福嘅事。


每日接單時間早上10點,可以送貨可以自提。



全部意粉嘅煮食包已經準備好,跟住網上教學,基本上人人都可以係 Involtini Italian cuisine嘅大廚。




最經典嘅西班牙紅蝦手造幼麵,傳統卡邦尼手造幼麵,蟹肉意瓜三文魚子粗麵,今次試哂所有名物,怕唔夠食,可以再自己加幼麵粗麵。





當然除咗意大利粉之外仲有T骨牛扒,原隻黃油燒春雞,仲有超濃郁燒野菌湯,隨你鍾意食乜都得。


最好嘅如果你睇完網上教學都唔識煮,重有服務專線,老細會盡量解答你所有問題,真係白痴都可以做大廚,whatsapp 64676534,美味意粉等緊你。





仲有可以煮完後將你嘅製成品影幅靚相,可以參加比賽,贏咗仲可以有Involtini Italian cuisine coupon




有興趣大家記得去佢哋嘅Online Store睇吓落order:


https://www.involtiniconcept.com/online-store



Involtini Italian Cuisine 更改

銅鑼灣駱克道459-461號 The L. Square 11樓