都應該一段時間沒有試過同一班朋友星期六日來一個champagne brunch，自從疫情後，好似都無機會食過。
可能因為好多酒店之前都取消左自助餐或者brunch，朋友係brunch迷，佢睇完IG，搵到一間好正嘅推介，佢叫我去試下，就係前排疫情還未有咁勁嘅時候，我地幾個朋友就去左試呢間Joia。
Semi buffet的價錢，$328一個有main，有勁多海鮮，沙律，凍肉，甜品的前菜任食，價錢平酒店都幾多，而且仲要地方完全唔失禮，Joia就正正係圓方入面，喺呢個地方嘅價錢來說，絕對唔貴。
星期六的上午1:00，疫情嘅關係，好彩唔算太多人，我哋都係兩個人兩個人分枱坐，空間感好寬敞，而且雖然唔係話有落地大玻璃影射到陽光入店內，但感覺好舒服，好有渡假感覺。
海鮮主力有大蝦龍蝦同青口，款式就唔係好多 但係三樣都真係唔錯，特別係個大蝦真係勁大隻，同龍蝦差唔多。
沙律同凍肉嘅款式都有好多種你揀，隨你喜歡。
我個人最欣賞肥美到不行嘅煙三文魚。
最正嘅就係係佢哋嘅芝士選擇，特別愛呢個blue cheese，送麵包餅乾一流。
意粉中我最愛呢個Linguine pasta, lobster ragout, light spicy tomato sauce and basil ，不過好野一定要加錢，加$68無乜所謂，個意粉個texture 相對係最好，今日吃過的意粉中，最鍾意呢個。
Penne pasta 相對冇個龍蝦意粉咁出位，但係充滿辣椒蕃茄同蒜蓉幾香都叫人幾難忘。
朋友愛黑松露就讚呢個Homemade veal and truffle ravioli好好，但我個人來說對ravioli 嘅要求好高，記得那個時候喺意大利讀書食過好好食嘅ravioli ，在香港就從未試過搵返同樣嘅味，我只能說普通，不過以蘑菇和小牛肉為主力叫女士吃得高興。
本身我對呢個菜式無乜期望，Roasted spring chicken with pancetta, potato and red onion, rosemary sauce，不過見到佢個雞皮烤到好脆，食落去感覺都唔錯。
Pan fried Seabass with Mediterranean sauce煎得勁香，不過如果俾我揀着我都係覺得頭先嗰雞處理得比較好，呢個反而比有姿勢但實際冇咁出色，有啲位我覺得有少少腥。
人多可以試兩種，雖然我哋個個唔同枱，Mushroom cooked ham, tomato, mozzarella就最得我心，嗰種脆同埋芝士拉斯係薄餅最好嘅感覺，愛肉嘅人一定鍾意呢個多少少，始終有肉嘅薄餅感覺好好多。
Pizza Margherita with fresh cherry tomato and basil就會適合愛素嘅人，始終無左肉成個Combition都冇咁吸引，不過呢個Margherita都算夠strong 夠濃味。
愛酒的可以選擇Free Flow Special 都係$198，Selected Special Wine by Glass ，例如Le Rughe Prosecco Brut NV /Rondineto Pinot Grigio IGT2018又或者Rondineto Rose DOC 2018 都係五十幾一杯，當然如果你係我好似我咁飲開酒嘅朋友，點會唔free flow香檳。
咖啡或茶都有提供，我選擇咖啡，再加送多種不同的蛋糕和甜品。
我很懷念brunch 的時間，到底幾時先可以回復正常。
沒有留言:
發佈留言