2021年6月26日星期六

Pier 1929: 榴槤千金的約定

大家還記得上個月我介紹過嗰個全城瘋搶下午茶Pier 1929嗎?
你以為我繼續講下午茶?佢已經又華麗轉身,有個新theme,如果你喜歡吃榴槤,一定要睇落去。榴槤千金同Pier 1929會係6月30日開始到7月11日,舉辦品嚐馬來西亞國賓級AAA級榴槤嘅活動,愛吃榴槤嘅你千祈唔好錯過。
有冇諗過喺頂級嘅海景下享受到不同的榴槤。仲要有好多個唔同嘅品種,來自西亞彭亨州自家果園的 AAA 級榴槤,全部都是樹上熟且即日空運到香港,新鮮香甜到不行。當中款式包括貓山王、葫蘆、紅蝦等等90分鐘任食,絕對令你流連忘返。
場內仲供應好多以榴槤製成的甜品如榴槤千層糕,榴槤蛋糕,Mochi,仲有我覺得超好好食嘅榴槤芝士蛋糕,不過呢啲就要單點先有,任食套餐係唔包嘅,有興趣任食完榴槤之後買返屋企啦。
相信好快又係會搶到無位,有興趣嘅快快上呢條link。 https://inline.app/booking/pier/myevent
不過我偷偷地攞咗個優惠比大家,可以優先入場同預留海景位置盡享維港美景,仲會即場送一盒貓山王麻糬一盒,只要like post同留言要優惠詳情,就會有呢個優惠。
https://inline.app/booking/pier/myevent
活動日期:2021 年 6 月 30 日至 7 月 11 日 活動場次及收費: (星期一至四)12:00-13:30 $580/位 (星期一至四) 14:30-16:00、17:30-19:00、20:00-21:30;(星期五、六及日)全日時 段 $680/位
PS今次雖然冇靚靚打卡位,但係有啲更特別cute擺設,如風箏、樂器及峇迪等,場內更有香港首個長達 2.2 米巨形榴槤梳化,愛拍照嘅一定不要錯過。 備註:購買 4 人套票加送榴槤 Mochi 4 盒(總值$232)
地址:灣仔渡輪碼頭 2 樓 Pier 1929 電話:3188 9677

2021年6月25日星期五

三郎。燒肉:奇蹟的燒肉店

冇錯,又有新店推介,今次係燒肉店,如果上次你睇完奇蹟的燒肉店,後遺症係keep住好想食下靚燒肉,來這店準是沒錯。
位於尖沙咀嘅核心地帶,係呢個H Zentre地下,地點方便到爆炸,最重要有勁正嘅bar枱同舒適嘅房間,當晚兩個人食,一人一個set再加少少單點,試下個質素先推。
可惜當晚坐唔到bar枱,如果唔係,會有人為你燒埋,個感覺就好似台北嘅大腕一樣。
食至之後,立刻想同friend 再下一城,食再特別嘅部位,夾下不同嘅清酒,你會唔會有興趣?
不如睇下今晚食左乜,吃了兩個不同tasting menu,第一個,先來前菜忌廉芝士鯛魚酒盜,呢個送酒一絕,我本身也想吃梅甘酢溫室番茄,不過芝士同鯛魚嘅誘惑,我不得不承認,無敵,特別愛芝士的太太。
燒肉上場,特選和牛盛合有好多種不同的靚位,當中最愛三角腹肉,個種pink,可愛得很。
牛外橫隔又係野性無限,一條粗粗的吃落去,又有肉感又強悍。
當然如果下次選最愛嘅部位單點可能更佳,對我來講,和牛水準相對好高。
但雞同豚對我來說才是重中之重嘅重點,鹿兒島產豚里脊肉、鹿兒島產豚肋肉、阿波尾雞中翼、阿波尾雞頸、阿波尾雞筋肉就阿波美雞上肉,任選三款,我選了勁正的阿波尾雞筋肉,包你無試過,肉質好甜,彈性好強。
阿波尾雞中翼就係難燒少少,要有耐性,但都好好食。
鹿兒島產豚里脊肉勁精彩,無油脂,大塊都係豚豬嘅個性。
燒野菜都係大路野,冬菇、牛油粟米、日本迷你番薯、日本南瓜、洋蔥同意大利青瓜,叫了粟米同番薯,都好確定兩樣都係日本直送,新鮮鮮甜,特別係粟米,同平日中國來的,無得對比。
飲品選擇反而弱一點,不過飲啤酒還是最好。
另外吃的一個A5和牛料理,選擇有少少不同。
「料亭」的先付,已經告訴你佢嘅認真,前菜幾樣都造得幾特別,特別係個螺肉。
季節魚刺身三款有帶子,牡丹蝦同白身魚,水準尚佳,以燒肉店來說,收貨有餘。
同樣有小田和牛盛合肉三種,同剛剛吃過嘅牛肉部位差不多。
黑豚肋肉又係勁出色,一如剛剛說,豬肉真係好驚喜。
海鮮盛合有大蝦,大大隻嘅翡翠螺同燒鱔,相對普通,全因燒肉太出色。
尾聲的湯同素麵都一流,特別係個麵,我相信如果佢個廚房造多一點料理,更是佳音。
以$880同$550個價錢 ,食到咁優質嘅燒肉同料理,絕對物有所值,趁而家剛剛開未爆場仲唔快啲訂位。
三郎。燒肉 尖沙咀中間道15號H Zentre地下3號舖