2021年8月24日星期二

嘉寶漢堡: 心癮

都怪互聯網惹的禍,朋友介紹了剛剛開張的Boy N burger,突然10萬個想食漢堡包。
剛巧經過尖沙咀,看見了嘉寶漢堡係寶勒巷嘅新分店,無乜人排隊,基本上唔需要考慮,即刻買外賣。
記得之前起碼要排半個小時嘅漢堡,而家唔使十分鐘就可以食到,的確感動,芝士牛肉漢堡以前水準穩定。
但係最驚喜嘅反而係呢個孜然香辣羊堡,我相信冇乜地方可以做到呢個咁港式嘅美味。


下次坐低再慢慢enjoy,我仲好懷念呢度嘅炸燒賣同雞翼薯條。


嘉寶漢堡 尖沙咀寶勒巷9-11號和益中心地下

花月庭:暑假合家歡

因為《比得兔2:走佬日記》的關係,花月庭推出尋兔樂園自助晚餐,每次有轟動主題出嘅花月庭都會引起一班自助餐嘅粉絲紛紛來打卡,我當然都不例外。
最搶眼又點少得期間限定的比得兔主題甜品區,如果你睇過電影,戲入面經常出現的墨綠色農夫車就係正餐廳中央,當然都唔少得造型超靚嘅甜品,基本上又係打卡都有排打,絕對係一場目不暇給嘅自助餐,相信暑假帶小朋友嚟食餐自助餐一定會樂而忘返。
海鮮依然係重點,龍蝦,生蠔,蟹腳等等都叫你食到唔停得口。
由於今次太多嘢食我都冇特別點壽司刺身,反而食咗好多熱葷同咖喱,片皮鴨,和牛同牛扒絕對精彩。
次次都唔會錯過嘅粉麵檔,加埋個冬蔭功湯絕對好食過唔少嘅泰式船麵店。熱葷我特別喜歡佢嘅燉湯,每位敬送嘅蠔皇鮑魚,仲有焗扇貝,樣樣都係回本大過天,不吃不可。
最特別嘅竟然係有壽喜燒,印象中好似冇乜自助餐提供過壽喜燒,絕對不能錯過。
另外鵝肝,炒蟹同埋好多日本串燒都係好受歡迎嘅項目,加上全部以彼得兔做主題嘅甜品,例如香蕉朱古力撻,紅菜頭奇亞籽棒棒蛋糕,比得兔藍莓蛋糕,紅桑子番茄白朱古力慕絲蛋糕,黑芝麻拿破崙,太陽花馬卡龍棒棒等等,唔剩係小朋友睇到開心,女士們都一定鐘意。
有興趣記得快啲訂位,呢個自助餐做到九月底,一定夠時間朝聖㗎。
花月庭 旺角太子道西193號帝京酒店2樓

2021年8月22日星期日

Starting over: 一個早餐帶你去英國

呢間mark左係我個google map到很久的coffee shop,今日終於有時間黎到。
在大館隔離的蘇豪區,完全好似去咗英國嘅Notting Hill一樣,一大堆的餐廳,全部都有異國氣息,看得人花多眼亂,當中以藍白為主嘅starting over,非常搶鏡。
最吸晴就係呢個懷舊電話同埋入邊幾個打卡位,星期日的下午,好彩無乜人,就食左個悠閒嘅早餐。
一餐早餐就帶你去咗英國,在COVID後嘅時間,就咁就當去咗旅行。
一人一杯咖啡,太早唔想飲酒,如果唔係,呢度嘅cocktail都幾吸引。
Espresso Mojito 用上薄荷同檸檬,在30幾度嘅週日下午,最怡人,不過呢杯係無酒精的mojito。
SOE boom 係expresso同Ginger ale mix在一起,係另一種咖啡嘅美。
好耐無食個呢啲咁健康嘅bowls,選了Verano Beach,有火龍果,菠蘿,香蕉,奇異果,椰子,基本上呢個價錢呢個味道絕對唔似係中環嘅出品,絕對令人想起外國嘅早餐店。
我點了Full English breakfast有蛋,煙肉,茄汁豆,sourdough,蕃茄等等,整體都幾好食。
不過我看到隔離嘅意粉似乎吸引好多,下次一定再有機會,吃意粉再飲cocktail 。
Starting Over Espresso 中環奧卑利街17號地舖