雲壽司: 同壽司郎一樣咁快

唔好俾個標題誤到，會同壽司郎一樣咁快嘅原因係分店開嘅速度，絕對唔係等位速度。

當全世界都講緊Donki個壽司店，你就知道香港人幾咁鍾意食壽司，食個壽司要買飛攞籌等兩個鐘小時等閒事，香港人為左食，真係不惜一切。

有時壽司個癮起，我寧願選一些立食壽司店，至少揀一啲水準唔會太差嘅，就好似雲壽司。

我記得第一次食雲壽司應該係銅鑼灣，由於水準都唔錯從又要有得坐，食過兩次。

今次見到太子有分店即刻去，又係叫咗一個午餐嘅壽司set，再加一個吞拿魚蓉飯。

午餐有湯同沙律，質素就相對普通但係有誠意。

壽司set都有唔少嘅價錢貴少少嘅選擇，例如赤貝，海膽，拖羅等等，食個咁嘅set都係二百到，都唔錯。

食唔夠就搵時令野叫，點了燒過的左口魚，油份香又脂肪度高。

魴鮄魚，有人話未食過咪試吓囉，其實點會未食過，佢應該唔係好記得佢有另一個名。

吞拿魚蓉飯勁正，好大碗，最重要價錢好平。由坐低食到埋單都唔使45分鐘，壽司郎點得？