2021年11月10日星期三

Coffee or tea: 六本木還是代官山的茶餐廳?

觀塘嘅裕民坊,你會有什麼回憶?
可能你會覺得,而家嘅裕民坊,活化之後基本上已經搵唔番以前舊有嘅回憶,但在如六本木的商場嘅街角,有間非常特別的新cafe Coffee or tea。
Coffee or tea 的老闆們和我都係食茶餐廳長大的,早餐午飯下午茶晚餐都可以食,而呢間完全係好似平時中西環出現又靚又多潮人去嘅打卡餐廳,食嘅嘢都係茶餐廳嘅美食,但係同樣非常之打卡,IGable 嘅女士就算唔鍾意食茶餐廳嘅嘢食,都一定會好鍾意呢度。
講得係cafe,唔似以前茶餐廳通常都係飲奶茶出名,呢度反而咖啡聞名,因為咖啡豆都非常講究,以前茶餐廳嘅咖啡通常都非常難飲,但今日嘅就好得,一杯dirty就已經睇得出奶同咖啡嘅種諧,呢度另外仲有一種係加咗椰奶嘅coconut dirty,喜歡呢個味道可以一試。
另外勁適合打卡嘅烏龍鴛鴦,直情就係舊式嘅鴛鴦,只不過佢加上烘焙烏龍茶同西方精品咖啡嘅結合,以手調方法加上汽泡代替花奶,同時飲到烏龍茶嘅香同咖啡嘅濃。
我最鍾意食沙嗲牛肉麵好多讀者都知道,呢度既然係主打一定要試,即場炒嘅沙嗲牛肉,用上少見的牛冧肉,仲要用三種唔同嘅沙嗲醬來混合而成,配上煮得好爽嘅即食麵,好得。
潮流教主葛文輝都讚呢度嘅雲朵牛蛋治,用上好少見嘅拖鞋包,加上雲朵look嘅梳乎里蛋白,低溫煮嘅蛋黃,同好送麵包嘅鹹牛肉,絕對係勁正勁靚嘅菜式。
蔥花蛋多士烘底,做到咁正,睇樣都知好,不過當然無雲朵牛蛋治咁屈機。
朋友點的焗豬扒飯加太陽蛋,可惜太飽,佢嘅吉列豬扒炸得又金黃又脆,加上呢個滑蛋,而且係用新鮮蕃茄做茄汁,呢度更用咗水蜜桃,整體感覺好特別。
呢個絕對係好似日本Gram食到咁嘅菜式,超美味嘅晚煮pancake,煎得脆脆嘅焦糖香蕉,加上蜜糖汁同忌廉,呢個尾聲一流。
你完全冇諗過喺觀塘會有一間咁靚嘅Cafe,可以打卡之餘,又食到本地茶餐廳嘅食物,帶嚟嘅係舊日香港嘅回憶,但身在六本木或者代官山都食到香港茶餐廳嘅嘢,又有幾多機會?
Coffee or Tea 觀塘協和街33號裕民坊YM² 1樓101號舖

沒有留言:

發佈留言