2021年12月22日星期三

GIOVANNI PINA: 意大利傳統聖誕包

仲有幾日就聖誕,你準備好點慶祝未呀?
前幾日收到呢個由主廚 GIOVANNI PINA 所整嘅意大利傳統聖誕包開始慶祝,超級開心。
傳統聖誕包源於米蘭的 Panettone,為意大利的經典聖誕節慶甜點之一。佳節期間,意大利家家戶戶都會吃大麵包應節,麵包師傅以天然酸種進行逾 24 小時發酵,整個大麵包散發獨特的乳酪香氣,聽呢到員工講製作過程複雜,不過作為顧客最緊要係又有氣氛又好食。
聖誕包500g一個仲附送白色聖誕朱古力餅一瓶都只係$280,要1kg都只係$380,當然如果你想得體啲,有個聖誕瑰寶限定禮盒 $1088,又有聖誕包、朱古力 、四式蝴蝶酥禮盒、曲奇(180g)、 三色蛋白脆餅、白色聖誕朱古力餅同意大利氣泡葡萄酒加意大利 Cuoril 低因咖啡粉,送禮超正,收到呢份大禮一定勁開心,有興趣記得快啲去各分店選購。
Pasticceria Giovanni Pina 1920 (K11 Musea) 尖沙咀梳士巴利道18號Victoria Dockside K11 Musea2樓217號舖

中環街市:酒友出沒注意

相對冇咗開幕時嘅熱鬧氣氛,終於有時間可以發掘下中環街市入面嘅寶藏。
記得開幕嘅時候,水洩不通,個個爭住打卡影相,你想俾錢飲酒食飯都冇地方,相反而家,兩個世界,你地想去邊就去邊,坐邊就坐邊。
就好似今晚與很久未見嘅朋友H小姐見面,帶我黎到白蘭樹下威,飲cocktail ,食中式小炒,再轉場飲啤酒,可惜人腳同時間都太少,無得再食其他,到今日仲未食到傳說中好美味的叻沙。
兩個人坐低白蘭樹下,先點杯cocktail,一堆signature cocktail ,看得令你眼花撩亂,我選了IG,健康一點的菠菜蓮,另外她點了生果飛,冇夾過,但顏色極度襯托。
我個杯好適合夏天飲,如果你鍾意類似五青汁,就正中下懷,只不過Gin的強度不太高,如果好strong 嘅Gin,可能要叫佢地加大力度。
六點後,只要坐在白蘭樹下飲野,你就可以叫其他餐廳嘅嘢食過嚟,當晚選擇一喜,主要吃中式嘅小炒,基本上你講得出嘅嘢都有。
當然其實係白蘭樹下都可以叫其他嘢食,薯條漢堡都平到傻,不過今晚想食中式嘢。
豉椒炒蜆,完全同平時喺大排檔食到嘅風味差唔多,有鑊氣而且粒粒都都炒得好好。
H小姐點的黃金炸魚皮同和牛粒,兩樣都係送酒之選,喺嗰刻我已經想去麥子叫啤酒。
我們也愛好辣,喺水煮魚同肉之間,食左水煮牛肉,牛肉當然幾好,用上鮮牛,完全同水煮味道融為一體,仲要有寬粉,$108一碗,平時茶餐廳個價錢都唔得,仲要呢度係中環街市,又有得飲酒又有得坐低舒舒服服咁食,夫復何求。
我愛澱粉質,當然要叫多個煲仔飯食,點了個梅菜排骨飯,如果話俾你聽佢質素超越坤記就當然無可能,但一百蚊內咁平,絕對收貨,特別係肉多過飯。
食飽意猶未盡,再去下場,係wine同啤酒之間,我都係prefer啤酒,點了個甘蔗黑啤,朋友點了經典的手工啤,走出去大堂原來有我有得坐,enjoy聖誕燈飾,都唔錯。
就這樣連環試左三間,就結束是次中環街市之旅,感覺不錯,特別係好似我哋呢類乜酒都好嘅人,不停試就最好,下次再試飲wine同上去食意大利菜ION,當然仲有叻沙。
中環街市Central Market 中環皇后大道中93號

2021年12月21日星期二

ToriHachi : 和友台晚飯

北角好坐吃串燒的地方不多,要選一個好的地方同朋友小酌兩杯,談天說地,更難。
今晚約友台潮生食飯,當然不能失禮,要小心選擇。


朋友介紹的ToriHachi,看樣子應該不錯,本身呢個餐廳,有想過約另外一個友台朋友去,不過為免佢多投訴又有誤會,於是還是叫潮生最好。


去到仲竟然見到某餐廳的老闆係度食飯,我想應該不會太錯。


先上場嘅雞皮、十勝芝士,以薄脆炭烤雞皮配上北海道十勝的芝士,個樣子的確覺得好新奇,店員介紹佢話入口就會有陣陣炭烤香味,我吃下去嘅感覺第一時間諗起嘅係魷魚遊戲,芝士味不大,但的確吃到雞皮嘅脆口,我覺得gimmick上真係100分 ,好吃與否就見仁見智。

沙律係個呑拿魚千層,七層包含藜麥、吞拿魚腩蓉、新鮮青蔥、青蔥芝士、牛油果、柚子醬油和三文魚籽,咁覆雜又俾心機絕對值得欣賞,食落去嘅口感都唔錯,絕對係比到你新鮮感嘅一個沙律。
海膽多士,放在烘脆的酸種麵包多士上,加上新鮮的日本海膽同一層薄薄嘅魷魚,多重口感同時刺激你,呢個係絕對又靚又好打卡嘅選擇。
當晚食嘅正統串燒不算特別多,燒雞頸係我最喜歡其中一串,蔥花切得勁細,調味都係剛剛好,不過如果雞頸燒得脆口一點應該會更完美。
一定要食的還有雞肉丸子、荷蘭醬,其實呢個就好似平時出邊見到嘅免治雞肉棒一樣,只不過點嘅唔係蛋黃,雞肉滿滿,點個醬汁後,特別開胃。
櫻芝海老用上日本北海道天使蝦,比較少見嘅選擇,蝦肉雖然唔係好似越南大頭蝦嘅彈性爽,但係味道好細緻,再加入滿滿一層的北海道芝士,而櫻花蝦同日本大葉將各種嘅味道再加強同多左兩個layer層次。
栗米日式天婦羅的美味關鍵在於薄麵衣,吃得到食材的原汁原味且不油膩,ToriHachi的粟米天婦羅酥脆香甜,絕對好適合送酒。我未食過Yardbird ,唔知佢好食成點,但係如果來食炸粟米又訂不到,來這裡也是不錯的選擇。
簡單燒過的A4和牛,加上wasabi同炸蒜片,就係最original 的原美味。
冰見烏冬,你有冇聽過呀?你google一下就知原來呢個烏冬都幾有名,我唔知佢係咪同樣來自海津屋,因為聽講海津屋嘅烏冬中最出色,Q彈可口係佢嘅大特質,而且扁身又帶點厚度,係唔錯嘅掛湯之物。
唯一不好係個湯真係太清,如果掛一啲濃味白汁或者咖喱,成件事應該會更好,不過呢個烏冬都真係唔錯嘅。
最中鵝肝雪糕、車厘子醬係我最期待的,雪糕下面有最中竹炭脆餅,百份百的法國鵝肝,用傳統製造雪糕方法,入面有榛子及自家製的車厘子果醬,加上靚靚嘅朱古力脆花,整體感覺好好。
ToriHachi 鰂魚涌英皇道728號K11 Atelier地下G03號舖

2021年12月12日星期日

段純貞:悲傷牛肉麵

本來約食京都勝牛,但係我同友人講話一定要食返碗悲傷牛肉麵先得,所以我哋嚟咗段純貞。
友人影左張好悲傷嘅相,當日有人話我無梳頭,所以我無影到我點悲傷。
新推出嘅犇牛四寶麵,牛肚、牛腱、牛筋、牛嫩五花乜都有,食盡所有最正嘅部位。
個人大推牛筋,真心大大條,好有骨膠原。
當然仲有其他點心,但係都冇佢嘅牛肉麵咁吸引。
段純貞牛肉麵 銅鑼灣謝斐道535號Tower 535地庫B01號舖