2022年4月15日星期五

A lux:煤氣街燈嘅浪漫時代

有些地方,總是非常浪漫,今日要講嘅餐廳A Lux正正如此。
如果你記得中環都爹利街呢條樓梯,你一定有印象,80年代嘅MV好多曾經喺呢度取景,如果你記得之前相同鋪位嘅Starbucks,那懷舊感絕對令呢個地位有著好深刻嘅記憶。
如今已經進註的 A lux延續了煤氣街燈嘅浪漫時代氣息,主打法國意大利嘅西餐,喺Facebook見到開咗兩三個月時間,喺疫情緩和嘅時候知道呢度仲有一個非常之抵食嘅$880 6 course lunch ,一定要試。
如果有晚市之後呢個Offer應該會改,大家有興趣記得把握機會。如果你覺得,唔駛食咁貴,都有個四道菜 $628一位俾你選擇。 開頭我對餐廳定位有d奇怪,因為附近又好食又靚星級嘅lunch可能食少d course都得,以呢個價錢餐廳應該幾有信心,食完就真係明白,好值得食。 下午12點來到,餐廳都有唔少人,呢到絕對係fine dining 餐廳嘅setting,空間感十足而且用上大部份少女心嘅顏色做主色調。
我相信如果你帶追緊嘅女仔嚟食,雖然唔係乜嘢米芝蓮餐e廳,但係嗰環境再加上美味嘅食物,一定令你哋嘅愛情故事係瘟疫發生嘅時候來愛得更浪漫。
amuse -bouche呢個餐前小吃,係黑色的墨魚汁酥餅,加上蟹肉同蔬菜,加上燈籠椒,那種fusion的清新,令人好開胃,做到佢嘅效果。
再加上麵包點醋,吃得更快慰。
前菜係二選一,我同朋友一人一個,Maguro Tatare,我老婆一定愛上呢個以牛油果為主角的鮪魚塔,最緊要係佢嘅裝飾,如同食Joël robuchon啲靚前菜一樣,一試便愛上。
另外的Beef Carpraccio係C先生最愛推薦,那生牛肉嘅新鮮juicy,有松露香,加上鵝肝襯托,層次更多。
之後嘅Lobster bisque,又係係你面前serve,先放上個Ravioli,係你面前倒個龍蝦湯,一股精彩的香氣隨隨為你發放,龍蝦的濃加上Cognac干邑的香,吃到Ravioli就知呢度嘅意粉真係唔簡單,肥胖的Ravioli入面更有龍蝦肉同蔬菜,幾好食。
Fettuccine,配上紅蝦,係呢期好流行嘅選擇,雖然唔係勁大聲,但係以曾經係Harlan做個主廚嘅師傅係到坐陣又點會令你失望,每條寬條麵都吸收左紅蝦嘅精華,非常有al dente嘅感覺,唯一弱點就係其實個紅蝦都唔係最佳狀態,如果更爽更大隻,成個體驗應該會更好。
Quail,將鵪鶉肉煎香然之後釀入肉卷入邊,呢個絕對係心機菜式,加上鵝肝,絕對係一個好新嘅體驗,而且絕對係當日嘅驚喜。
另一個主菜二揀一,一個係海鮮一個係羊架。我當然係比較喜歡海鮮。
個鱈魚真係冇諗過咁好,外表講真就麻麻。但吃下去才知道其強大的力度,而且個汁唔會太濃,又唔會搶左個味,旁邊除咗有菜以外,還有帶子同蝦,十分精彩。
尾聲的羊架,肉汁同羊嘅香氣,基本上無論吃不吃羊都唔怕,完全沒有任何羊嘅羶味。
甜品方面,有熱情果芝士蛋糕同薑汁cream brûlée,C先生從來冇讚過甜品好食,佢竟然讚不絕口,試過就知原來真係幾出類拔萃,個人會最鍾意cream brulee,因為法國菜應該較少用薑汁,新鮮感極高。
整體來講,我個人覺得一定要食六道菜,記得係21/4前,仲有幾日你試,當然book唔到,遲啲正價再去吧。
A Lux 中環都爹利街13號樂成行地庫M2號舖

2022年4月7日星期四

不止渡船街

前幾日想去大角嘴食拉麵,點知排到抽筋,驚見Youtuber嘅魔力,十分非凡。 揸車經過大角咀當然有其他心儀嘅選擇,蔥仔越南包,相對應該最簡單唔使排隊,又夠快。
呢間傳說好過全港最佳越南包嘅小店深受好多朋友嘅愛戴,幸好今日唔使點排隊就食到。
以多種唔同嘅配料如札肉、烤豬肉、酸蘿蔔、甘筍,芫荽、青蔥、辣椒、肝醬、蛋黃醬等,較特別嘅配料就有豬肉鬆,同平時好似有少少分別,但係最重要最出色係嗰個脆到一個點嘅越南包。
三十元半件,五十一件,冇理由唔食一件,印象中好似平過渡船街。可惜當日有下一站,所以冇加到佢嘅湯品餐同埋其他野食,下次一定有機會再會。當然如果你喺呢度食得唔夠飽,附近仲有大把好嘅選擇。
蔥仔越南包 大角咀櫸樹街52號地舖