2016年1月31日星期日

第三百篇- 身體健康

前陣子,有個朋友,佢叫TN,他咳了足三個月,他說久久未試過病得這麼辛苦。

去年,有個朋友,三十多歲,爸爸患上了非常少見的癌症,本身做完化療後好轉,但三個月後,再度復發。

之前我記得因為鼻竇炎做手術後好辛苦然後說過我要身體健康。

個幾月前個個朋友都咁病,公司人人手足口,說好了和HH有個約會postpone了一天又一天,這天來到觀塘的一個地方,和朋友小聚一下,沒有什麼食肆非常吸引的情況下,我們求其係附近找間餐廳吃個飯,然後先再去飲杯野,談談近況。

朋友HH係觀塘之鬼,佢話有個推薦我去食下,呢間係,阿桂老友粉。

未食之前,我老友同我好認真咁講左個故事。

曾經,有個老翁在南寧碼頭買米粉,做的係街坊生意,實惠又沒有租金壓力,買得當然平,日日都有好多工人幫襯,某一天,老翁得知其中一個常客老三得到重病臥床良久沒有來光顧,於是佢用上了精製米粉,加上爆香了的酸菜,肉末,豆豉,辣椒,胡椒粉等等,煮成一碗好特別又惹味熱騰騰的米粉,送到老三牀邊。

阿三食完,出一身大汗,然後病情好番好多,第二日竟然好番,老三對老翁感激不盡,之後廣南就流傳左呢碗佳話,傳到廣西,於是成就了南寧的老友粉。

HH好鐘意睇戲,我以為佢同我吹戲水,我看看餐牌,妖,原來就係呢度嘅老友粉。

佢帶我黎,原來係前排咳左好耐,雖然唔係食老友粉好番,但呢度嘅故事令佢有點發人心省,知道我前排驗身肥到有脂肪肝,佢話佢希望呢個故事同我分享。

我當然知道這個重要,這也是原因我為什麼今晚和他見面。

人,真係好化學,開頭幾個故事,我知道身體健康,好重要,前排藍亦邦病左咁耐,佢話更領略了佢寫個首身體健康的重要。

老友粉,你放低背後的故事又好,唔鐘意聽呢啲戲劇情節也好,今天我就想介紹佢,因為真係好食而又有特色。

招牌南寧老友粉,呢個碗上場的時候,酸菜,蒜頭,豆豉,蕃茄,肉片,時菜,一堆滿滿的放係你面前,氣勢就像我平日非常喜愛長沙灣那間米線,點知,你原以為呢個令那個碼頭工人病到可以起身的米線有乜咁勁的時候,吃下去原來真係有其特殊之處。



首先,喝一口湯,酸菜,蒜頭,豆豉加在一起,那個口味鮮和辣,湯料又香口又辣,絕對是開胃驅寒之選,我特別愛蒜頭和豆豉的重味。


那一口米線才特別,米線中心是通心的,長長直直的一條吸盡了那一口辣辣的湯,米線的煙韌是我吃過最精美的,係咁出色的湯底下,更是如虎添翼。









酸菜和不肥不瘦的肉片陪伴了米線令成碗粉多了幾個化學作用,熱辣辣的美味,我想起了那時老三應吃得好感動。

還有點點的生菜,基本上每口都是美味,無論菜酸菜,蒜頭,豆豉,蕃茄幾樣combination 做成的辣,鮮,甜,味,令你病到口淡淡都會開胃番。



好戲還在後頭,朋友吃的這個酸辣炸醬辣腩肉蓮藕粉,那個味道更佳更好吃。腐竹,韮菜,酸菜為主的配料當然適合我自己的口味,腐竹,韮菜多到爆,最重要係蓮藕粉,如果剛剛吃到的老友粉夠特別,這個蓮藕粉如平時你見到的水晶粉煙韌,那個粉,吸盡湯的精華。





不過相對個湯,呢個像是雲南米線的味道,沒有老友粉個湯咁特別。

但係佢個炸醬做得不錯,酸辣和腩肉份量是剛好,沒有平時一些雲南米線的油膩。



除了主食外,這裡還有很多小食推薦,我們就像老三般開胃得很,兩個男人,閒談間都叫了幾個。

惹味口水雞,平到笑的價錢,但雞有好多件,口水雞當然係辣辣的惹味,雞肉的滑溜叫你無得彈,就算雞皮也不想錯過,唔肥唔瘦的雞最叫人難抗拒。




我們都老了,為了少脂肪,一塊起兩塊止的雞皮就好了。

這裡都是健康的選擇,山渣蘋果茶是我們今晚的選擇,十幾蚊一枝,新鮮又自家製,好過飲可樂汽水。



口水豬肚絲也是給人送酒之選,雖然今晚暫時沒有酒精,但那個豬肚絲唔係好肥,又好有嚼勁的口感,口水的惹味和芝麻辣椒蒜花的混合起來,自然令人心悸動,加上豬肚絲個底有好多芽菜係底,吸盡所有的辣味,吃完再吃口粉,我想起那刻老三為什麼可以從病魔中癒復。





那個美味,已經有兩個星期,當我睇相時,我還懷念著那口美味。

原來阿桂老友粉仲有私房菜,下次可以一試。

尋晚食飯見到TH,他依然是咳,我和他說過這個,我說我想同佢去食,因為我想佢可以身體健康,我希望可以做佢嘅老翁,十幾年的兄弟情,大概就是這樣。

我也希望,看到呢到的你,無論乜樣年齡,也可以維持健康的身體,健康無價,最重要,有好的身體才可以慢慢走下去,錢,工作,家人,愛情才會得心應手。新一年農曆年又到了,下星期天氣又涼番,保護下自己,才可以愛錫身邊的人。

就算身體健康不夠,希望你也個像老翁的人在你身邊。


PS你應該有試過係張床到病得好辛苦罷,以此篇文章送給你們,祝大家身體健康,希望大家繼續健康地吃下去,第三百篇,特此紀念。
















阿桂老友粉 Ah Kwai Friend's Noodles
觀塘康寧道64號地舖

生於斯

雖然我年紀不是很大,但係經歷呢幾年非常大的時間巨輪轉變,很多食物的風格都唔同左好多。

特別係一些傳統古老的美食,麻甩的金錢雞,大大舊的臭豆腐,那些不是煎釀三寶的炸魚蛋,有幾多人懷念這些小時候的美味,現在,時移世易,這些食物越來越少了.....

來過holiday inn 這裡吃幾次的酒店自助餐,我反而無食過呢度嘅中餐,聽說過龍苑都係尖沙咀其中一間中餐的出名食肆,而且朋友介紹呢度新推出左一個香港舊味道的theme的主題,於是,生於斯,長於斯,懷念斯的情況下,今晚,我來到了龍苑吃過晚飯。

今晚主力都係食左幾個懷舊菜式,我們都不是十分年青的九十後,雖然全枱最細係我,但吃下去這些一點一滴也有老香港老味道的感覺。

傳統,團年夜飯都會食啲賀年野,但今天晚上,主題唔同左,走懷舊老線年夜飯又如何呢。

香露肘子燉菜膽湯,呢個係傳統,但絕對是可以登大雅的堂的湯品,放低未開蓋已經贏左半條街,湯頭的甜美不是你家媽可以出品,皮不算太厚的肘子膠質重、瘦肉又多,常帶皮烹煮的情況下,肥而不膩,燉菜膽是那個像葡萄成熟的老練美,還有大大舊juicy的磨菇,全個湯叫你從疲倦的工作中的身體完全醒過來。





東江炸大腸,這個是傳統街頭的小食吧,我想冇乜人會認為這度是高檔食物,但師傅卻做得異常high fashion ,沒有太多肥膏的炸大腸油份唔多,做得好還在是大腸之下有非常鮮甜的菠蘿伴碟,怕肥的你可以吃多件中和油份,但由於油都唔多滴,我就咁食菠蘿也很快樂。






鬼馬牛肉,我想起了之前在那個甘味館同樣吃過這道的美味,但這裡的不同之處係味道清淡一點,雖然以我的認知,此味應該以濃味為佳,但係那個牛肉新鮮得彈牙又惹味,這種有特色的菜式,絕對值得你專程來吃一下。




百花蒸釀豆腐,那個滑滑的豆腐加上了蝦膠,還有點點的清菜伴碟,伴上那蒸豆腐的豉油係最好送飯的武器,可惜今晚個人有少少唔舒服,食得唔多,唔係我會送上最少兩碗白飯。






鹽焗珍肝,我還是想起小時候那些車仔檔的鹽焗內臟的滋味,當然這個菜式如東江炸大腸一樣都係可以以唔同嘅形式去包裝,平有平食,貴有貴食,今晚鹽焗珍肝嘅體現絕對係又靚又得體,用上錫紙包上的,開出黎勁香,原來除了雞肝外還有雞腎,我個人較喜愛雞腎,鹽焗得惹味又精彩,你唔會吃得停。







如果你認識這醬燒琵琶鴨,你應該知道係呢隻鴨非常聞名,$218半隻都係非常平的選擇,冇番啲心機同手勢點樣將隻鴨整到琶咁燒,琵琶鴨燒得皮脆肉嫩,一件件令你垂涎欲滴。




可能你會想,點解四五個人食飯,點解會食咁少,原來,呢度只係上半場,下半場更是精彩。

木桶豆腐花,是我今晚的最愛,滑滑的豆腐花,更勝平時幾間出名的公乜公乜。





鯉魚杏汁木瓜糕,樣子係精美的,像翔翔如生的鯉魚最適合就是這些新年日子去食,雖然時間還早,但絕對有喜氣洋洋的氣氛,雖然我唔特別喜歡杏汁,但木瓜糕那可愛的texture,絕對係那你唔鐘意杏汁都會食多兩口的。



懷舊龍鬆糖,$48 四件,你可能說是貴,坦白說,我覺得物超所值,我沒有吃過這樣好吃的龍鬆糖,龍鬆如絲般幼滑,並不是平時你吃的那麼平凡和鄰家,這類的龍鬆糖絕對是不同級數。




最後,我們還來了兩客的芝麻球,一個係芝麻味,一個係菠蘿味,菠蘿味絕對是創新得新,但我還是喜歡傳統的芝麻多一點。



近來很多客人朋友襯新年都開始回港吃團年飯,有番下咁上下年齡又懷念香港的舊菜式,可以過來一試,唔一定要食一圍圍的蒸魚炸雞乳豬,一些特別的選擇,有時叫生於斯的你感覺更難以令人忘懷。


龍苑中菜廳 Loong Yuen Cantonese Restaurant
尖沙咀彌敦道50號金域假日酒店低層1樓