2022年1月8日星期六

鮨竜:黃埔新鮨店

試左普通晚餐才omakase 是皇道吧,當我知道黃埔係鮨文以外開左新鮨店之後都幾興奮。
至少價錢唔算貴,相對出面亦都容易訂位,而且呢間餐廳亦都有平價嘅選擇,有少少似尖沙咀嘅十和田感覺。
當晚同屋企人試咗最簡單嘅晚餐set,$400有找同食個omakase差唔多,有前菜有壽司有甜品,未知好唔好食,但係已經先拔頭籌。
平時食嘅沙律,就已經話俾你知佢沒有誠意,平時沙律好少見有刺身,呢度反而係俾白身魚刺身沙律你。
由於冇坐吧枱,只係普通食飯,壽司一次過上,但係呢個價錢來講我又冇乜要求。 黑鯥,加上其燒過的魚皮,點上了剛剛好的豉油。 深海池魚,無出面嘅厚身得霸道,薄身卻依舊有強而有力的油香和質感。
間白,厚身的白身魚,味道濃郁而有特性,呢個係真心幾驚喜。
中拖羅,唔係一味死話有油脂,絲絲油份和無痕的給你舌頭經歷拖羅後的餘震。
白蝦,碎碎的鋪滿整件壽司上,無那些大蝦吃下的鮮甜霸度,但好特別。
大拖當然比中拖更好更精彩啦,不用多說。
馬糞海膽,通常都係當日高潮,同樣表現出色。
帆立貝,勁好刀功,呢個係睇到師傅表現不錯,值得試下廚司發辦。
喜之次,燒過後,油香強烈,但好彩食完唔太飽。
赤貝,正常水準,相對冇前面出色。
最尾加件呑拿魚手卷,又有甜品,呢個價,合格有餘,下次廚師發板見。
鮨竜 更改 紅磡必嘉街120號黃埔天地第三期百寶坊地下G9號舖

2022年1月2日星期日

鮨央泰: 等到你了

由年頭喺新假期已經知道呢間餐廳開幕嘅消息就好期待。各個朋友一開左你又去佢又去,個個壽司達人都俾左自己意見,而家無乜人講我先寫番個感想啦。
我自己個人覺得還可以,以海港城來講,呢個價錢都唔算太貴,剛剛開幕嘅時候其實就去左,當時水準合格有餘,當然聽返朋友講過咗兩個禮拜後去,感覺又完全唔同。
當日接待我雖然唔係最出名嘅日本岩央泰的入室弟子金子司,反而係本地師傅之一,但係感覺又唔錯,亦都非常好傾,開場時候已經攞咗成盤熟成嘅青森大間出黎,都幾吸晴。
Lunch 有兩種,一個$780全壽司,一個有多四種刺身,$1180,未知咩情況,食平嘅先。
先上場左口魚,簡單而不失霸氣,開場食最好。
之後嘅深海池魚,雖然不是勁肥美,但調味,厚度已經不錯。
少見的鰆魚,入見唔算太腥,白身魚一貫比較淡身嘅作風。
虎山縣白蝦,一堆白蝦係你口入面嘅味道真係好滿足。
春子鯛,又叫鱲魚,相對又係市場少見,加咗少少檸檬皮嘅粉,味道更特別出色。
呑拿魚醬油漬,入口感受到的同中拖一樣的感覺,雖然只是赤身,但係個味道絕對唔輸蝕。
中拖羅,入口油份夠,肉質嫩滑得來又富有彈性。
大拖羅,油香當然最強,不過有少少筋,如果三樣嘢揀,最出色嘅我反而覺得係吞拿魚醬油漬。
手吊池魚,可以話係最鍾意嘅其中一件,手吊嘅特別肥美。
筋子加上脆嘅紫菜後,鮮味更勝一籌。
北海道根室的海膽,甜度一流,本身想就咁放喺手到食,不過聽師傅話,用返最正常同最傳統嘅食法。
海鰻相對我覺得普通,未必係你喜歡嘅類型,同我係築地壽司大食過嘅,差得好遠,呢件係失望的。
Tamago玉子相對唔錯同幾出色,聽師傅講用咗好多嘅唔同方法試左十次八次,但呢次感覺幾好。
最尾師傅送多件慢煮北海道八爪魚 ,不錯,感受到如果叫貴set應該都會幾好。
當然仲有麵豉湯同甜品,甜品最有特色,因為係wasabi雪糕,呢個係最有印象嘅一個甜品,當然未必個個啱,但如果你可以吃辣,亦都接受到Wasabi味,呢個一定令你印象難忘。
總括我覺得不錯,但係當然唔同時間唔同師傅唔同漁獲都會有好大分別,因為身邊嘅朋友有人食過第二次話係完全另一個世界,想知真實嘅情況就真係要自己去先試到啦。
鮨 央泰 Sushi Hisayoshi 尖沙咀廣東道3-27號海港城港威大廈地下G111號舖