2019年3月20日星期三

海灣餐廳及海灣咖啡室:此刻最強

每逢幾個月總會有一餐自助餐令到自己十分驚喜,繼上次在金鐘的JW萬豪吃過一餐令人難以忘懷的自助餐後,今晚又再有同樣令人吃得滿足又幸福的一餐。
無獨有偶,同樣是萬豪的出品,而且係呢幾個月最火紅最多人關注的海洋公園萬豪酒店。

新開了一段短時間的海灣餐廳及海灣咖啡室,在萬豪酒店剛剛開幕的時候,我曾經看過一下這裏的自助餐,因為當時公司有優惠,所以看看會唔會好抵食才買那時的優惠套票,可惜當時的陣容並未留下深刻印象。

今天來吃過這裏的自助餐的時候後,方發覺回頭已是百年身,當時如果買了那個優惠,我一定會食完再食,買兩次都唔夠,同不同的親戚朋友分享過後,他們都不約而同有興趣來吃,因為這裏的自助餐實在太吸引! 

感覺就像點解唔一百蚊買騰訊一樣,我而家好後悔當時無把握公司的優惠。



不過而家遇上喜歡的自助餐,不如想想及時行樂再食多次好過,就而家推薦一下當晚吃過的東西。

第一樣我會大讚的一定係即叫即整嘅龍蝦counter我相信你去食自助餐食龍蝦一定食過,但係活生生嘅龍蝦新鮮原整蒸原隻切原隻食你又試過未?甜度新鮮度不用多說,淨係看到長長人龍你已經知道不能錯過,成本之高昂你吃兩件都可以翻本。


第二個好sharp嘅位係車仔麵,可能你會問:車仔麵?唔係呀,你係咪講笑呀?但係當你知道呢度嘅車仔麵餸菜嘅選擇時,你會好後悔問過我呢個問題。最普通嘅選擇就係呢個以可持續海鮮做嘅大魚蛋,然後其他陣容有花膠冬菇海參等等,咁豪華嘅車仔麵你試過未?未食過要試下。





海鮮不嬲係自助餐的回本大計,呢度當然一點也不失禮,先講刺身選擇,八爪魚帶子赤蝦北寄貝希靈魚深海池魚吞拿魚油甘魚,吃了幾種刺身都對辦。


壽司也有不錯的水準,選擇也非常多元化。


另外冷海鮮counter海蝦,鱈場蟹,藍青口,翡翠螺,蟹,花甲等等,最重要係全部海鮮都係可持續海鮮,食得安心得來又為世界環保理念出一份力。






這個和牛的counter有好正嘅牛肉之餘, 仲有選擇多樣化的調味,連芥末都有多種,什麼青胡椒,蘿蔔,法式,干邑,蜜糖,香草檸檬海鹽、蒜蓉海鹽、野菌晶鹽、迷迭香晶鹽,煙燻海鹽,目不暇給,食牛都食得招積。





如果和牛不夠喜歡,還有燒羊架和燒牛肉。


不過,我好另一個私心推介,係呢個鴨肝牛肉漢堡,我好少推介漢堡類的東西,因為麵包從來不是我喜歡的類型,但這個食完一個你會想繼續食,鴨肝和牛肉做得出奇地夾。




湯品又係精益求精,松茸菇螺頭燉瘦肉又係搶手之選擇,飲兩碗絕對是常識吧。

燒味絕對不是省油的燈,有米芝蓮星廚師燒過嘅叉燒你又怎能錯過,又厚又甜燒得又juicy,如果你只能吃一次燒味,相信唔食對唔住自己。


熱食還有一個很搶鏡的,係蝦籽撈麵,當然冇最喜歡長發麵家加上豬油咁正,但喺酒店可以食到咁精緻地道嘅中式麵,非常不錯。


老實說,淨係頭先個高級車仔麵同呢個蝦籽麵,如果胃口不大的你都真係面對一個幾大嘅人生交叉點,到底食邊樣好呢?

仲有其他熟食如pizza 燒春雞,西蘭花XO醬帶子,蒜片牛肉粒薑蔥霸王雞,黃金蝦等等,皆非常美味。





沙律和凍肉盤選擇又係非常多, J先生推介我食的牛肉沙律和蘆筍也是一絕,記得預留位置俾佢地。




甜品的部份也不遑多讓,我反而已經不是寫其美侖美奐的蛋糕, 我驚喜的佢有勁薑嘅糖水同湯圓,同佳佳品質有過之而無不及。


另外有那個外型一流的雪糕機,雖然之前在北角某間酒店都見過,但這裡的驚喜是有三個非常正嘅品牌雪糕雪條俾你任食。










而且這裡的cup cake ,朱古力,心太軟都特別來得美味又可愛。

如果覺得甜品陣容未夠,仲有jelly Belly機,驚喜不斷的程度,近來數一數二。



我想我也不用再寫太多,就是剛才說過的也夠原因你來一下吧,再加上這間酒店是城中話題之作,還不過來住一個週末,然後吃餐此刻最強的酒店自助餐,才有話題呢。

海灣餐廳及海灣咖啡室 
黃竹坑黃竹坑道180號香港海洋公園萬豪酒店海灣地

2019年3月14日星期四

在一幻拉麵過白色情人節

3月14日就是白色情人節,你有冇準備乜嘢慶祝活動呢。

源自日本的白色情人節可能未必很多人留意,但不同的商店在這天都有不同的活動來讓一些重視這個節日的情侶慶祝這個有意義的日子。

剛巧上星期去了一幻拉麵,除了吃一碗經典的蝦湯拉麵之外,還買了這個一幻拉麵 x 八天堂首度合作推出期間限定白色情人奶油包



本身去食拉麵都冇諗過有甜品吃,見到有個非常吸引的海報才知道原來一幻拉麵和這間廣島名氣甜品店聯手合作,出咗呢個非常美味的奶油包。


用上上佳的麵包着北海道白朱古力的奶油,滿滿濃郁的奶油香在口中縈繞不散,就像沐浴愛河的情侶般。



難得和老婆吃到這個甜品,特別滿足,即場吃完後,上左癮,直頭要買多個返屋企。

呢個promotion會直到331日,想同另一半慶祝或者想表示愛意俾你地嘅老公或男朋友,快點過來。


最重要價錢只是每個$22,又抵食又得體,最適合愛日本美食之人。

當然,如果你係男士,女友老婆又鐘意白朱古力,當然也不要錯過。

特別喺海港城分店對住海景食拉麵加呢個甜品,應該特別好Feel

期間限定就睇完文把握機會啦。


一幻拉麵