2019年10月27日星期日

龍苑中菜廳 :秋意來襲


近來早晚終於也有點秋意,除了衣櫃換季以外,還有乜嘢係每次由夏季到入秋必做嘅嘢呢?

如果你是係蟹迷,我相信近來阿拉斯加蟹和大閘蟹的熱潮應該叫你忙得要命吧。

當然一篇文唔可以寫太多,先講時間比較短嘅大閘蟹,今年你哋食咗大閘蟹未啊?如果你平時有留意開飲食資訊,基本上全部餐廳都已經有大閘蟹嘅Menu

每年尖沙咀金域假日酒店酒店,都會有大閘蟹嘅餐單,之前兩年都有食過,今年當然也不會例外。

平日嘅晚上尖沙咀你以為受經濟影響冇乜人?龍苑依然有不少人已經看到消息 ,枱枱都吃大閘蟹了。

前天預訂了的六道菜式大閘蟹優惠套餐,就有優恵價每位498元,享用這個差唔多全大閘蟹宴菜單,記得如果你要過嚟食,要早一日預訂。

一上場便是蟹粉蟹肉高湯燴燕窩,呢個絕對係女士嘅人物, 蟹粉蟹肉成碗係,燕窩也一點也不留有餘力,絕不手軟,吃下去是大閘蟹加上燕窩的幸福。


生拆蟹粉小籠包可以話係絕不能錯過的東西,每粒都晶瑩剔透,而且好飽滿,咬開來睇入邊全部係蟹粉,豬肉反而相對較少,和我在上海新光吃過的蟹粉小籠包有過之無不及。




主角必定是紫蘇蒸大閘蟹,大約五兩重嘅大閘蟹,拆起嚟隻隻都好豐滿,而且蟹膏都係洶湧澎湃,絕對不是外邊吃嘅普通貨色



想繼續添食大閘蟹,每隻只需加100元,老實講如果真係好鍾意食,意猶未盡,才會叫多一隻,我自己覺得個餐咁豐富食一隻就夠。



唯一一個不是大閘蟹的菜色,要數這個鮮淮山胡椒高湯浸斑球,相對較為清新,淮山數量很多,斑球全部都非常大件,如果平時單點可以點呢個菜式都值得食,清新得來好健康。


對我來說,稍嫌個胡椒煲湯湯冇乜味。


另一特色係吉列大蝦球配蟹皇醬伴蒸花卷,大蝦球不會炸得太熱氣,蟹皇醬才是滿瀉到你𠸝唔點醬唔得,相反蒸花卷就有作用,因為可以盡量解散蟹皇醬精華。





平常單尾會好愛的蟹粉燴稻庭烏冬相對失色一點,個人覺得多左點湯,烏冬乾身一點會美味點,蟹粉是多,但就變咗好稀嘅蟹湯。



尾聲的黑糖薑茶湯丸,薑茶非常濃,湯丸不過不失,但軀寒絕對需要的。


飲完後,暖暖的感覺,就算秋意來襲,也沒問題吧。

龍苑中菜廳 

尖沙咀彌敦道50號金域假日酒店低層1樓

2019年10月26日星期六

倚窗閣: 嘗鮮 · 鹿兒島和牛


兩個月前來到倚窗閣吃過一頓不錯的自助餐,本來都沒有想這麼快就會再訪,在FB的群組剛剛看到轉了主題,非常吸引,餐廳今次選的主角不是平時回本首選的海鮮,反而是鹿兒島的和牛。

日本鹿兒島的和牛當然都非常聞名,肉味豐腴較有肉香,油花分佈平均,每一口都是滿滿濃郁的牛香,如果你在香港要吃鹿兒島的和牛,動輒都是五六百蚊一位,仲要分分鐘唔飽。



這個主題其實已經做了個多月,直至到11月,不過如果你喜歡鹿兒島和牛,就一定要先過嚟朝聖一下。

喺呢度食鹿兒島和牛有個好處,除咗靚和牛之外,基本上乜嘢你都可以任食,絕對唔會食唔飽。而且其他食物嘅選擇絕不失禮。今次就用同大家講下有啲乜嘢係必食。



火焰鹿兒島和牛絕對係最搶手之作品,基本上每次出籠必定排隊,大大塊嘅和牛師傅灑上酒後用上熊熊烈火燒後,火花不等人,吃下去已經知道正,和牛的肉香和油分完全激發出來,基本上食幾塊都已經夠回本。




黑魚子蟹肉沙律伴薄脆多士樣子雖然不夠精美,但吃下去絕對是最好味的前菜。

黑松露生和牛薄片伴青瓜卷,用上黑松露配和牛,點會唔好,黑松露同和牛鬥搶味,誰勝誰負,最後都不知道。



三款火焰和牛壽司各有可愛之處,和牛蓉味道集中,加點芝麻口感不同,我自己就喜歡醬油版本,燒過後油香加上和牛的美妙,正。




上次其實已經吃過燕窩藜麥蟹籽龍蝦沙律,今次再下一成,絕對係食完再食之作,燕窩藜麥蟹籽堆在一起,口感多層次,配上龍蝦肉沙律,每啖都掂,強烈建議這個在自助餐長期供應。

凍海鮮自助餐一定有,即開生蠔有幾種,全晚開個不停,法國和紐西蘭各有特色,另外加拿大雪花蟹腳、翡翠螺、智利藍青口、紐西蘭青口及鮮海蝦都叫人喜歡。





另外一個亮點,係用上了多種不同新鮮海鮮整嘅海鮮湯,個湯好鮮甜,而且件件海鮮都可以再吃,一定不能錯過。





即場供應的西班牙乳豬釀飯,裡面熱辣辣,外邊豬皮焗到勁脆,記得聽到鐘聲,即刻要去排隊。

刺身和壽司基本上一定有得供應,不過唔想食太飽,都係要刺身算。



仲有其他熱葷好似扒呀,魚嗰啲BAU唔使講。




剛剛吃完冇耐自助餐,甜品不想重複,甜品選擇我就食一啲上次冇食過嘅嘢,上次掛住食月餅,今次就食返幾個人氣甜品。


不過即場整嘅火焰雪山,基本上每次都要影,每次都要食,今次也不例外。



今次吃了這裏即場整的班戟,感覺幾好,選芒果味應該是最穩陣的選擇。


還有我選擇嘅大多都係即整嘅甜品,另外食嘅疏乎厘,也是四平八穩一定冇投訴。


最後因為這裏的有提供新的哈根大師雪糕味道,當然要試試,食番杯好過要出去自己買,愛茶人士必試。



當然還有其他好多唔同嘅蛋糕,仲有拿破崙、朱古力噴泉同其他數不盡嘅甜品選擇,但和牛嘅力度太強,今晚吃不了太多。

當然而家仲有唔同嘅OpenRicee-shop優惠,記得睇清楚邊個最適合你嘅人數先食得最抵。

有興趣就快啲搵你要嘅package來吃鹿兒島和牛啦。

倚窗閣 

尖沙咀彌敦道19-21號九龍酒店2樓

2019年10月20日星期日

品粵: 沒有Openrice的餐廳才更令人雀躍


之前寫過澳門的葡國菜,來到澳門當然不會淨係食一餐咁簡單。

巴黎人係我最少去嘅一間酒店,相對認識較少。不過F先生就介紹這裏有間餐廳,非常精彩。

品粵,就是在food court附近的一間很低調的中菜餐廳。

同香港一間日本sake pairing 的餐廳一樣,這裏沒有OpenRicerecord ,相對不是太起眼,亦不是太多人知道,但好特別,有得飲夜茶。

來到當然粵菜夜茶也不能錯過,每樣也叫了一點。





先吃前菜,小吃叫了兩種,招牌口水雞和八味豆腐粒,招牌口水雞非常辣就說不上,但味道幾好。豆腐粒炸得剛是不太熱氣的感覺,但外脆內軟,豆腐依然保持滑度, 是非常好送酒之作品。


我應該係大鄕里,第一次試到麻辣燒賣的震撼,大大粒蝦肉同豬肉再加麻辣原來係咁震撼,刺激感一流,愛燒賣的人不會不吃,回到香港才知道,原來麻辣燒賣這個配搭很普遍,枉說自己係燒賣達人。


上海小籠包,非常漲卜卜,咬下去裏面嘅湯汁同豬肉嘅鮮味熱辣辣,相輔相成承。



朋友係素菜之人,薄皮素粉果好似幾正,不過我冇食,剩睇幾靚幾飽滿。經佢講完後,我後悔我冇食到。


來澳門不吃葡撻反而吃蛋撻,是否有點奇怪?吃過酥皮蛋撻才知,原來澳門不一定葡撻最好吃,這酥皮蛋撻直逼檀島的水準。


澳門賭場酒店裏面的餐廳大致都會供應一些名貴嘅食物,這裏雖然以夜茶和晚飯為主,但也有不少走高檔路線的食物。


雖然今晚冇特別賭錢贏錢,但也想對自己好一點,叫了一個福臨門,包括了鮑魚、魚翅、花膠、遼參、燕窩。

先來椰皇鷄燉翅 ,魚翅和燕窩再加椰皇燉,我想也不用寫太多佢有幾好,出嚟感覺充滿椰皇嘅香氣和清新,而且魚翅大塊,燕窩之多同賭場籌碼一樣,一點也不吝嗇。



蠔皇扣南非五頭鮑魚伴遼參是另一主角,遼參嘅粗獷,爽而彈牙,南非五頭鮑魚炆得絲絲入扣,送飯一流,呢個時候,點可以唔叫一碗飯。


意猶未盡,想叫多些粵菜來吃,金莎蝦球併柚子脆蝦球係喜愛熱氣小食人士嘅最愛,炸到脆脆的外層包著又爽又大粒嘅蝦球,柚子味不重,但那一啖吃下去嘅滿足,絕對欣賞。



最後叫了椰青布甸做甜品,呢個都係一大驚喜,椰青味激強,布甸又滑,好滿意,雖然係一個冇乜難度嘅甜品,但我也很欣賞。

品粵:545號 5F 巴黎人購物中心