2019年6月26日星期三

水佬榮:再一次坐航母

很久之前已經試過去水佬榮,試過一大班人吃火鍋,料又靚,價錢尚算正常,而且地點方便,絕對係一個不錯的朋友聚會最佳選擇。

當然大家都知道香港實在太多打邊爐的地方,而且很多地方也非常高質。

要吸引到我來幾次當然其質素有返咁上下,不過我覺得重要唔剩止係嘢食好食,仲好有趣。

航母海鮮盛宴, 一年多前已食過一次,那次印象也非常深刻,咁啱吃壽司時C先生問我有冇興趣來這裡吃個晚飯,當然答應,特別係一年四季也是打邊爐的時節,無需要考慮。

今次最正係安排左五樓一個私人房間,空間感更多更舒適,六個人食飯,又有得睇電視,最啱一班朋友或者一家人來吃。

我們五個人吃這個航母海鮮盛宴,湯底選了經典的水佬榮辣汁湯底,由於今晚有女士不好辣,因此就選了小辣就算。

先來一杯檸檬薏米,下火同去濕,打邊邊最好。


 混醬當然少不了。


另外可以在呢個餐裡面選不同的打邊爐材料,我們都是嘴刁的人,當然要些少見同靚的材料,安格斯特級肥牛,新鮮牛仔粒,一口梅菜豬肉丸,手打蟲草花雞肉丸和相對普通但人見人愛的炸響鈴卷。





講番個航母海鮮盛宴, 相比起上次,今次外型更加揼本,完全係一隻航空母艦咁嘅造型,非常有趣。


有一大批海鮮係呢一個航空母艦上邊,鋪滿大半張枱,非常壯觀。






加上湯之後,蓋上那個頂,裡面的食物熟了的時候那煙通便會出煙。


非常好玩,啱晒一班朋友玩下食下又一晚。








海鮮有多種,鮑魚,青口,花蟹,大蜆,貴妃蚌,扇貝,墨魚仔和蝦,每樣的海鮮都非常新鮮,我個人特別鍾意鮑魚,大得來不會過韌,貴妃蚌和扇貝的鮮甜也令人印象深刻。






牛肉也好靚,丸類也很特別,梅菜豬肉丸非常出眾,牛仔粒肉味也夠。



不過要數最吸引人的應該是煲裏面的蔬菜,無論冬菇,生菜和西芹,都像吸血鬼,吸收了水佬榮湯底的日月精華,我全晚不停吃,最正係多到食極唔完咁。


尾聲來個烏冬和出前一丁,各有愛好者,不過今晚我較鍾意公仔麵,和那微辣湯底完全match哂。

食咗一晚,價錢也只是二百多,和外面靚少少料嘅邊爐質素有得fight,但價錢相對值租又咁有趣,你又怎能不試坐這航母呢。

澳門台山水佬榮火鍋專家 
佐敦佐敦道37C-37D號佐敦中心3-4樓

2019年6月24日星期一

Mr & Mrs Fox: 狐狸夫婦的新裝

Mr and Mrs Fox 這間餐廳,我去過好幾次,每次都和不同的朋友去過,記得當時候勁期待去的原因係因為有個好靚嘅Bar,那種英式的風格令我諗起<閃靈>那間bar,當然這裡一點也不haunted。

每次來都有不同的感覺,可能同唔同嘅朋友吃有不同的化學作用,想起了從前在鰂魚涌工作的一位朋友,總係會有點若有所失,不過正如我說,可能就是連朋友的緣份也差點。

當然同桌食飯也講緣份,有機會就要珍惜。

今晚來正是和新朋友C小姐,她是我的師妹。剛巧她說Mr and Mrs Fox 換了新風格,提議一齊來試下,有人約又唔使自己諗,何樂而不為。

雖然食品的風格換了,但這間餐廳的所有裝潢完全冇變,還是保持係英倫風,還是很適合風花雪月,我經常想,如果這間餐廳開在蘇豪,應該火爆得多。

這裡的cocktail 都幾有趣,最喜歡係朋友的這杯,附上炸豬皮,可愛嗎?


麵包也是熱辣辣的溫度,配上牛油,也是不錯,雖然不是自家製,但也值得試試。


先來三個前菜,Tuna Crudo, Fox “Chopped” Salad 同Home smoked salmon。


煙三文魚係我最愛,那個煙燻過的香味在口內久久不散 。呑拿也是很可愛,味道濃烈又夠鮮,另外的沙律,絕對不是你平常在西餐見到的那些菜的選擇,我告訴你一定會有大驚喜,來到必要試。



的確前菜上菜那刻,你會知道那個風格已經完全不同,之前吃過的前菜都是比較小巧精緻,但剛剛吃到的前菜就好像是美式風格一樣,大件夾氣勢,你會想起在紐約車廂內見到的肥佬,或者特朗普在貿易戰裏的氣派。

如果你曾經覺得這裏的嘢比較細碟,你過來一定會改觀,廚師就好似特朗普加關稅一樣,最少三成。

Steamed Mussels & Clams,碟上的蜆和青口又甜又鮮,都不是重點,下層有點米,口感特別,你不能不吃,那口感我想起日本新潟米。


重有1.2kg的Tomahawk絕對是今晚的最佳主角,燒過後的斧頭扒,剩係上場已驚歎全場,氣勢如虹,絕對叫你驚豔,牛扒呈嫩紅,又有炭香又有肉香又有肉汁又軟又嫩,邊位更帶脆身,絕對是燒得非常精美。




配一杯house red wine,完全係無懈可擊。

食魚最能夠食到其大廚的水準,Whole lemon sole 的魚以強勁的檸檬來調味,魚肉香而且嫩滑,酸度適中,一點腥也沒有。



就算不喜歡吃羊的我對這個Australian rack of lamb非常有好感,羊肉絕對抵讚,羊肉絕對是剛剛好的medium rare,羊肉帶點血紅而肉質鮮美,羶味也不算太重,食得過癮。



吃得牛扒當然不能錯過side,由於我們今晚咁多人,所以叫幾多個也可以,選了Butter mashed potato /Charred broccoli /Creamed spinach /French fries /Mac & cheese ,基本上最常見的全吃了。





我最喜歡的就是菠菜和薯條,特別係薯條完全食到停唔到口,點上那個牛油薯蓉,感覺更佳。

吃完意猶未盡,當然要食甜品,Baked Alaska絕對係呢度嘅得意之作,很久之前已經吃過一次,當時候比較小巧的小山丘而家份量Double左,亮亮的火光令你心心眼,加上酒香,燒得有點焦香,但內裡是非常的甜美,說真,不愛甜品的我也抗拒不了。





換了新裝的狐狸夫婦的新裝,絕對是華麗得令人難忘,大份得來又不會是求其的美式餐廳味道,加上如果桌上的朋友談得愉快,我又會想起快樂頌的歌詞,這應該是這一個美麗的夜晚。

Mr & Mrs Fox 
鰂魚涌糖廠街23號地舖

2019年6月16日星期日

三餐冰室: 為香港打氣

香港人的comfort food ,除了是雪呑麵和米線外,我想最常見的應該是茶餐廳。

久不久就一定有一間新餐廳喺附近,特別係一些旺區,平均一個月有一間新嘅餐廳,絕不過份。

說真,呢排網上媒體也冇乜心機講飲講食,不過,寫一篇東西為香港打氣又係另一講法。

很多朋友前排都係呢間尖沙咀新開嘅茶餐的打卡,就連羅蘭姐都係座上客。


這間三餐冰室的位置,正正在漆咸道科學館對面,之前有一間非常文青的咖啡打卡店,成日都想朝聖,點知未朝已經執笠。



呢一間都係打卡店,一於試下啦。

這間茶餐廳和平時的不同,非常專注係早餐茶餐,晚市的飯餐也多選擇,反而炒粉麵選擇就唔多,唔同外間的茶餐廳包羅萬有,不過專注有專注的好。

下午和兩個朋友來吃,簡單吃點東西,旁邊的朋友,食完也有要事走,港人為自己發聲,出發前食返代表香港嘅茶餐廳都好應該。


香港當然要食茶餐,一口炒蛋一口多士一口沙嗲牛麵再加杯熱奶茶,應該是港人最常見早餐核心價值,畢竟我們不離地。

千祈唔好笑,我們都好認真,我們不是月入十幾萬的離地高官,大約我們應該大部分人都是嚮往自由的自由西。

近來怨氣太強,飲杯冰下火先。這裡有特別的奶茶紅豆冰,另一杯紅豆杯,還是一如平常的味道,就像我們從前自由包容的香港。



莫講50年不變,20多年香港變化就如一個男人結婚不夠七年已經十分痕癢一樣。

幸好,食物不是政治,只要有人繼續懂得煮這種茶餐,那個傳統就可以繼續。

這裏唯獨是炒蛋真的是較為普通,不夠滑,蛋味也算濃郁。


沙嗲牛肉絕對是傳統來自長沙灣深水埗那些舊式茶餐廳的味道,那股香和花生醬的味,還有那近乎鮮牛肉的質感。


還有朋友叫的牛柳餐,又是好深刻的水準,直頭係非常無敵的,比那些港式扒房,做得好好,牛柳的軟淋淋又有咬口令人難忘,而且一百多的價錢咁大份好平。


仲要個餐有湯有多士送,你喜歡更可以加錢叫意粉和飯。



唔夠就當然要叫,唔好鬼鬼崇崇,食完先叫,或者叫完個侍應未諗清楚又叫返人行返轉頭,一陣佢會話:邊個搞我後面。


原來你係為咗叫多碟意粉。

同店員傾開,才知道三餐的意思,吃完才知道原來是以老闆的名稱來命名外,英文的Sam,中文的三。對我來說,反而是顯示香港人的努力更有意思,上一代,我們為三餐努力打造香港,叫我們有今日的香港,就是香港的特性。


今天,香港的年輕人,三餐不理都要上街,為將來打拼更令人感動。

是否更有風骨呢?一百人有一百個不同見解。

只知道,香港加油,我們都只想香港好。

三餐冰室 
尖沙咀漆咸道南115號達成商業大廈地下