爸爸通常係一家支柱，聽過幾個朋友都會搵相對靚同豪華嘅餐廳同爸爸慶祝，同母親節嘅風格有點不同，如果母親節是溫馨的代表，父親應該是踏實一點吧。
碰巧前幾日和老婆講開去邊食父親節飯之際，突然想起這間餐廳非常適合。
通常爸爸級都喜歡中菜，而且大多喜歡吃傳統老派的中菜，說真，中菜要做得好要做得紮實，而家又有幾多。
連續九年米芝蓮一星的餐廳，是否好選擇呢？應該夠慰勞一下你嘅一家之主。
可以吃到一些現在少見的菜色，仲有名貴的鮑參翅肚，呢個陣容夠唔夠招呼爸爸?
先來一杯紅酒是常識吧，吃傳統中菜以2012 的Margaux先開啟味蕾，是happy的。
蒜豉炒田雞腿，用上新鮮田雞，學阿翁話齋，一定係要識得郁，生猛無比的田雞才像樣， 蒜豉炒不會太過重味，又不會搶走田雞的鮮味，田雞肉好滑又彈牙，雞腿有彈性，有點野味，有強烈的香氣， 外間去不到這水準。
椒鹽嘅菜式吃得多，椒鹽珠婆參你見過未？珠婆參又叫白石參或白瓜參，其腹部有兩排用來移動的疣足，好似豬婆的母乳，因此得名，豬婆參多產於太平洋、澳洲及印度，今晚的珠婆參來自澳洲。
油泡生曬吊片的確是很新鮮的感覺，你未吃過這樣的吊片，以40公分長來自南澳的吊片爽口彈牙，油泡過後，好爽又有彈性，而且味道很清淡，送是晚的紅酒或勁冰凍的白酒都好。
點上自家的蝦醬才是王道，不過可惜冇得買返屋企，唯有今晚點多啲。
別名為仙鶴神針的鴿吞金山勾翅，絕對是今晚一大主角，以妙齢乳鴿包著靚靚嘅翅，這手功菜又係有預備好幾個鐘。
翅己經要發17個鐘才ready ，再煮足45 分鐘才放入去乳鴿裡，那個醬汁絕對係非常好送飯，每一我條魚翅亦都吸了醬汁，和乳鴿合而為一，又是另一道高潮菜。
不過當然，由翁生主理又點少得蜜餞28頭吉品鮑，配上清灼芥蘭遠，吃的是日本吉品鮑，聽翁生講他們一定嚴選日本的吉品鮑，因為質量俱勝，淨係睇翁生煮已經絕對是一種賞心樂事，煮好後的吉品鮑溫度質感剛剛好，配上清灼芥蘭遠，還有個鮑汁，和剛剛仙鶴神針上的汁邊樣好絕對是很難選擇，就像媽媽和爸爸問你會錫邊個多啲一樣難答。
這個也不是高潮位，阿翁炒花膠才是勁度十足，以印度十頭花膠加上蛋、蟹肉、金華火腿等，將花膠炒至出水，再放乾花膠，然後加上配料以溫火炒，又係看翁生煮已經看得出神，吃下去蛋黃的香，花膠的彈牙，火腿的鹹香，蟹肉的嫩滑，我以為鮑魚已經夠出色，點知呢個花膠仲厲害，怪不得城中很多名人都指定要這個菜式。
尾聲的剁椒蒸海班球以新鮮石斑入撰，剁椒蒸和蔥香，為這個石班班球的美味打成一片，那豉油完全是畫龍點睛，令我勁想叫一碗白飯來送。
當然沒有叫白飯的原因是因為叫了富豪裏蒸糭，豆多糯米少的黃金比例口感非常豐富，另外蓮蓉梘水糭，煎過的表面更加美味無比，又不會太甜，吃這個應節之作比平時什麼炒飯炒麵更加好。
甜品又係好壯觀，南北杏雪耳燉木瓜清甜得很，用上橙黃色勁甜的木瓜，在這個夏天一定滋潤得很，女士最適合。
精緻四式甜點包括馬拉盞、笑口棗、迷你蓮蓉包、煎堆仔，我喜歡的一定是這個迷你蓮蓉包，傳統的蓮蓉不會死甜，包身不薄不厚，一啖剛好。
如果送一餐由頭到尾都是經典傳統的中菜給爸爸，應該冇乜人會抗拒，要訂位當然要早，不過若然係父親節已經有節目，再約過時間來好也好，畢竟不一定是父親節再孝順爸爸，愛他的，幾時帶他來吃也是好日子。
睇緊嘅你有興趣不妨將呢條link俾爸爸睇吓，佢一定會想食，佢冇興趣食你話我知，我請返你食。
富豪酒家
尖沙咀彌敦道132號Mira Place食四方4樓402號舖
沒有留言:
發佈留言