2020年3月31日星期二

M kitchen: 還是要向前看...

雄記的關係,近來去荃灣的次數係幾年嘅總和。

可能因為呢排發現去荃灣交通非常方便,於是常常去下商場買

當然,無可能餐餐雄記同米線,荃灣也有好多嘢可以食,本身想食幾出名嘅江湖小棧,可惜,去Donki已經要排隊,還是選一些不用排隊的餐廳吧。

之前看到M小姐的page看到這間餐廳,千色匯的新開餐廳,相信沒有太多人知,知的原因都係因為網上有飲食雜誌拍左video推介佢。

我唔否認係因為睇左朋友嘅推介先過嚟,佢寫得應該不會太差嘅,最重要係價錢吸引,外表包裝都好對辦。


四個人來到,當晚已經係飲食新時代來臨,隔張枱先可以坐,幸好餐廳環境幾大,感覺非常寬敞。

呢排餐廳受歡迎一定係講社會責任,餐廳雖然新開但已經做得唔錯,每位食客都會送一碗增強免疫和強肺的湯水,65歲以上嘅長者更會奉送一支,剩係呢個都抵讚。


坐下唯一的不安,就係餐廳食物選擇太多,Menu也太過雜亂,揀嘢食有少少難度。

前菜點了一客特色龍蝦湯,味道係有點鹹,不過都算係龍蝦湯的原裝味道,湯附上的不是粒粒嘅龍蝦肉,反而是蝦肉,呢度就帶點美中不足,記得IKEA 曾經推出嘅龍蝦湯價錢平好多,都有小龍蝦肉,當然,可能你覺得我吹毛求疵。


但你繼續睇我篇文,你就會明白,點解我會覺得佢應該要有小龍蝦肉都好。

洋蔥湯就十分足料,呢個堅可以飲到飽,而且調味做得好好,你知不是很多餐廳可以做得好,呢度算收貨。


熔岩芝士焗厚猪扒飯絕對係一個大gimmick,以熱溶芝士倒落個豬扒飯到,可惜,要影相呃like或者影video就有難度,店員好快就將過程完成,因為驚芝士凍咗就好難流落去,不過,味道認真不錯,炒飯底加上茄汁,豬扒堅厚,大塊過面,令我想到銅鑼灣嗰間厚切豬扒飯。







外表精緻的原蕃茄濃湯安格斯肥牛肉湯烏冬 ,將烏冬放咗落去原隻嘅蕃茄內,完全吸收到蕃茄嘅精華,烏冬尚可,肥牛也是正常的水準,當然冇楊屋道街市個間咁正啦,不過,吃完後一定要飲個蕃茄湯,好得。






日式照燒鰻魚飯有少少失望,因為我來的時候,本身期望一條鰻魚上嘅樣子,而且要最大嘅size,不過可能鰻魚無乜貨,menu上只有這款,無size選擇,鰻魚都幾好食,係燒汁相對普通了一點,但熱愛鰻魚嘅人無可能不愛。



火焰安格斯牛河絕對係藝高人膽大之作,店員灑上白蘭地,然後在你面前放火,剩係呢個都有誠意有gimmick,用上安格斯牛當然不會不好,條條河粉都幾煙韌,但係炒得比較散,粉也不多,如果份量多一點會更好。





最尾的流心紅豆西多士,幾完美的句號,$45份,相對同頭先龍蝦湯一樣,價錢就貴左一啲, 當主菜都是$60-$120的時候,呢兩個相對貴左。




西多士煎得金黃夠靚,可惜太飽,如果唔係太飽,食芝士西多士應該個感覺更正。

還是要向前看吧,沒有了雄記,還有其他餐廳,荃灣好吃的多的是啦,呢間絕對係抵食而又夠潮的選擇。

M Kitchen 
荃灣眾安街68號荃灣千色匯I期2樓2032號舖

Dear Lilly: 我的無所事事

聽過這間下午茶多次,可惜很少機會星期六日在中環區出現,碰巧上星期六上班的關係,下午難得在港島區,就不如到訪這𥚃試佢個tea

以一個美妙的環境,高格調的地段,tea set一位也是一百五十,我從來不是afternoon tea朋友,但在這裏悠閑渡過一個下午嘅時間,是物超所值。


朋友W小姐大讚這裏的環境和服務水準,的確,你估不到係IFC有咁靚嘅環境,但係消費咁低,剩係呢點都不能不認同。

本身個日要到港島區晚飯,又唔想過番海,又冇得去戲院睇戲,冇得做Gym,似乎tea係一個最好選擇。

於是,來到了Dear Lilly


在你無所事事百無聊賴的下午,吃件三文治,嘆個茶,我想應該是大部分人最愛的模式。

周末三點,餐廳都差唔多半滿,大部份客人以女性為主。


餐廳裝修不錯,特別那個心形枱廂座位,依家隔離就最啱。

或者你可以坐窗邊,欣賞中環景色。


不用想太多便點了一個afternoon tea set,不用想的生活,是最幸福的。


茶和咖啡的選擇很多,糖和奶也有提供,典型的英式風格。


男士的佳音,鹹點特別多,三文治都有四款,四款中我最喜愛蘇格蘭的煙三文魚,其醬汁配搭鬆軟嘅麵包,一流。



其他幾種如cucumber and rose pepper cream cheese coronation cornfed chicken and raisins 也算不錯,最普通應是hens egg tarragon mustard





老實講,淨係食三文治都好飽,當晚飽到晚飯也冇乜胃口。






scone係英式下午茶的主角,當然要吃,做得幾好,其clotted cream strawberry jam各適其適,我就喜歡雙管齊下。

甜點方面有四件,最經典的opera frasier heartsreligieuse chuoxraspberry Tart,全部都見慣見熟。


surprise應該 raspberry Tart,樣麻麻但酸甜得宜。


Opera就較甜,但佢樣真係做到美輪美奐。


frasier hearts中間雖然充滿vanilla mousse ,但也不會死甜得要命,對甜品接收能力不高的的我也覺得不錯,算非常成功。


就這樣無所事事,過了幾個小時,欣賞中環嘅無敵景色,加上不停吃吃吃,個晚飽到晚飯都唔係好食得落。

可惜,個日要揸車,如果唔係加$70,飲杯香檳,個下午應該更加寫意。


下次要試下夜晚黎,佢個酒吧,好似幾好,但你看到IG這地方全是辣妹,你可能奇怪,我點解會來下午茶。

無辦法,人生,總有好多錯誤,鬼叫同老婆來食tea咩。


Dear Lilly 
中環金融街8號國際金融中心商場4樓4010號舖

氷屋: 關上門後的另一扇窗

大約有看Facebook都知,呢排大量餐廳結業或者停賽的消息,呢排想要把握朝聖機會,都好難分配時間。

而且政府都勸喻冇乜必要唔好出街,有啲餐廳忍痛割愛都要放下最後見面的機會。

前天在J小姐的facebook看到了雪ノ下結業的消息,這間一直在我口袋裏期待已久的甜品店,做到最後今個星期,到現在為止都未食過,冇理由唔去試吓。

難道要等到下次去京都先去食?放工過來順便一吃吧。

可惜未夠八點,已經沒有了我想吃的pancake

上天關上你一度門,就一定會為你開啟一扇窗,我看到對面的Shari Shari Kakigori House竟然冇人排隊,我同老婆講,不如食啦。



不用想太多,都好容易可以order,太多Best seller,如你未來過,要穩陣唔出事又一定好食,首推抹茶忌廉焦糖刨冰,$88一個,如果你未食過,你一定會覺得好貴。


五分鐘不用便上枱,食要跟返店方的指引。


你只有20秒鐘可以影相呃like,品嚐佢最好時機應該係一上枱即刻食。

由上到下咁食,內到外,抹茶呀,忌廉呀,焦糖呀,還有內面的焦糖脆脆和餅乾,吃入口當然是精彩,每口都是幸福。


如果你像我一樣,吃不到雪ノ下,來吃一口刨冰吧,你一定不會後悔。


特別係平日好多人排隊,而今晚完全不用排隊便可以吃到的美味,這扇窗,值得打開,當然除非你非吃pancake不可。

Shari Shari Kakigori House 氷屋 
銅鑼灣希雲街14號地舖