去完北海道回來染上的惡習一定是雪糕，無辦法，基本上北海道任何雪糕都咁好食，唔日日食對唔住自己，於是番到黎都會好想食雪糕。
香港其實也有不少美味的雪糕品牌，其中一間非百味堂莫屬，要治療呢個癮就搵番啲有番咁上下嘅品牌。
以前剩係得Pop up ，而家分店多好多，K11 Musea就有佢哋最新分店。
呢排一定要講嘅就係佢地新推出嘅幾個新產品。
之前百味堂與韓國著名的麻油品牌芳油堂合作，推出百味堂 X 芳油堂麻油牛奶雪糕，還記得這個雪糕可以話係非堂深刻，麻油配公仔麵就試得多，點會諗配雪糕，不過，原來用上黑豆嘅豆乳牛奶雪糕，再加上獨特的麻油撞落去個化學作用真係好得，味蕾都會懷孕，而且個麻油香到令人一試難忘，直頭想即刻買返支番去煮麵。
由於個雪糕太好食，自然就想就咁試吓個黑豆豆乳雪糕，不過今次用筒食，貫徹佢一路嘅作風，脆到不行的雪糕筒，加上了強烈的黑豆，芝麻等多種榖物的香氣，這個是你不能錯過的。
另一亮眼甜點是韓國海南甘薯牛奶雪糕，熟我都知我好鐘意食蕃薯，呢個番薯雪糕完全係意料之外咁好食，色澤鮮黃的烤地瓜，令我想起Donki，加上百味堂最聞名的100%有機牛奶製作嘅鮮牛奶雪糕，而家食就非常適合。
最後一個要提嘅雪芝酪，咁細個甜品，一人一件都得，特別係愛傳統乳酪製品嘅朋友一定鍾意，奶香好強烈，味道甜得來又好有口感，加上旁邊嘅鹽花，唔好以為係影得核突，實質係擺盆，其鹹甜的配合做得好好，絕對係下午茶送咖啡嘅佳品。
呢排生活太苦，快啲過黎嘗一口甜啦。
沒有留言:
發佈留言