前排日日就係忙搵口罩、搵消毒、搵洗手液，由於屋企附近供不應求於是就去屋企附近區搵。
九龍城區都算幾多野補給，而且亦有好多嘢食，去買嘢時候順便醫肚，喺九龍東區好多人嘅選擇。
剛巧行過本來諗住食魚蛋粉，但係買洗手液時見比浜滝，諗起係天后食過呢間野，記得唔錯，而且book mark左呢間係九龍城嘅餐廳好耐。
擇日不如撞日，於是就入去試吓。
呢間主打居酒屋，主廚都係日本人，拉麵、刺身、壽司、串燒、鍋物，酒不同嘅美食美酒都有。
由於疫情關係，都唔想坐得耐，於是試少少簡單野就算。
坐低先食一個前菜，螢光魷魚，不得了，晶凝通透嘅樣子，入口超濃味，好新鮮。
叫了個近江牛肉沙律，出色嘅一定係近江牛啦，牛味夠，沙律只是配菜而已。
呢度嘅極辛地獄拉麵非常出名，聽聞辣度一流。
上枱嘅時候熱辣辣因為有熱石係麵入面，麵質不能說勁好，但掛住熱到不行嘅湯，衰極有限。
而叉燒不算太厚，拉麵旁邊亦都附上兩件餃子，味道不錯。
不過，我幾鍾意個湯，辣得來的野性不會有叫人叫救命的感覺。
另外老婆選了浜滝牛油果拉麵，牛油果？感覺會不會太奇怪？
我試了一口，又不會太奇怪，牛油果令個湯多了個層次，感覺不錯。
另外要講，隻蛋都做得不錯。
同埋個湯都維持非常之暖，只不過因為舊熱石嘅關係，碗麵就唔係好大碗。
今次簡單試到佢嘅品質同天后分店差不多，相信疫情過後，值得來吃一次full menu，認真試一次全居酒屋嘅經驗。
說了很久的期待，好彩無失望。
沒有留言:
發佈留言