上星期，突然一班朋友同事send段片同新聞話我知見報。
全因呢個大部分點心都是$38的抗疫價優惠，當然，大家知道都是新聞見到的事，其實在討論區講關於佢嘅新聞，仲多仲好笑。
例如有客人以為晚市都有點心提供，又有人以為$38任食點心，係一個價任食，前者誤會，我覺得都不算出奇，因為香港都真係有夜茶飲，後者的誤會，我想那位朋友應該諗多左，如果米芝蓮酒店一星食店$38有得任食點心，你應該無得book位，因為輪唔到我地去食。
前晚個page又非常熱鬧，俾一班深色朋友圍堵，和報導之後嘅逸東軒一樣，紅到不行。
算啦，唔好再講無謂野，講番個優惠真係好平，幾星期前剛巧周中放一日假先有機會同家人和朋友去食，而且多人先可以掃餐牌，人人都問我有乜食，不如寫俾大家睇。
筍尖鮮蝦餃，大大粒蝦是當然的事，不過，相對呢個冇乜特色。
朋友之前飲過茶就話呢度嘅帶子蒸燒賣麻麻地，我又覺得唔錯，雖然不是珍寶嘅帶子，但還可以啦，$38，絕對物有所值。
陳皮牛肉球，正常水準，冇乜驚喜，又冇失望。
瑤柱帶子菜苗餃就非常大件而且飽滿，一定不能錯過，即叫即整嘅熱辣辣。
合桃叉燒酥係令人驚喜，本身對叉燒酥興趣不大，不過大家極力推介，試完之後真係冇失望。
叉燒包同酥皮叉燒焗餐包都幾好，可惜冇叫到流沙包，流沙包係所有人都推薦的，如果有機會，試下。
蒜蓉鮮蝦春卷，最容易俾人忽略的作品，好好食，炸得金黃香脆，好吃。
原個馬拉糕，懷舊野，不錯，有蓮香樓吃到的感覺。
鮮蝦腐皮卷都係十分之好嘅選擇，夠熱餡料夠豐富。
XO將蒸鳳爪同麵醬蒸排骨都幾好，絕對是好食的質素。
不過要讚嘅係一大堆小食，呢幾個選擇平時飲茶絕對係頂點以上，相對變得最抵食，而且全部都好好。
最喜歡那個脆皮素鵝 ，蒜泥茄子同芥香雲耳，另外金沙脆豆腐炸得好好。
Xo醬炒蘿蔔糕味道都幾好，不過我就覺得唔夠辣。
最後，講下其他朋友推介話必食嘅嘢，不過事先聲明，呢個冇特價，人人都話個叉燒好食到不得之了，當然勝過香港九成嘅中菜食肆，燒得好而且邊脆又甜度剛好，只不過我想像的超級好食有點點距離，個人最愛還是台北頤宮的叉燒。
由於我哋人多，叫左個炒飯同炒麵，感覺都幾好，當然酒店出品，要求會高少少，但都算合格，最緊要價錢真係唔算太貴。
最尾吃了千層棗皇糕，完美演繹結束今天的旅程。
還有幾個星期可以來試試，到三月尾，大家仲有機會，不過，大家記得星期一至星期五嘅茶市先有供應，不要來錯啊。
沒有留言:
發佈留言