疫情蔓延，食肆都經歷了翻天覆地的轉變，特別係自助餐，因為鑽石公主號嘅關係，人人話：不了。
於是市場開始有半自助餐出現，希望令人安心，大家保持距離，減低風險。
當然，昨天政府規定的四人飯聚更加令人唔想出去食飯，令食肆更加雪上加霜。
對一個喜歡講飲講食的人來說，無疑更加慘。
不過除非你係要隔離，大家都有可能會出下街，食下飯，有機會出去就支持下餐廳，優惠通街都係。
就如呢間我從未去過嘅Walter Bistro，原來係觀塘Holiday Inn的出品。
不如就一齊睇下新嘅半自助餐有乜玩法。
第一位$398和第二位$219，之後更加全單八折，呢個價錢，都幾平，因為平日一位酒店吃a la carte都最少二百幾，仲要有咁多野海鮮前菜壽司刺身自助任食，真係割喉優惠。
海鮮部分通常都係由餐廳攞出黎俾你，呢度就會送上海鮮拼盤，有法國來的蠔，龍蝦、蝦、蟹腳、青口和翡翠螺，全部質素都幾好。
前菜可任食的還有壽司，有多種不同種類俾你揀，三文魚、呑拿魚、鰻魚、北寄貝、油甘魚、蟹柳、海蝦、玉子等等有十六種壽司。
而刺身有四種，呑拿魚、三文魚、帆立貝和油甘魚俾你任點，絕不失禮的質素和份量。
外邊還有不少的湯品，熟食如咖哩、沙律，芝士和凍肉等等，隨你喜愛任吃。
Main Course有好多西餐廳A La Carte嘅選擇，樣樣都做得好精彩，呢d先係主角，也是我想推薦的。
最有感覺的是這個Confit French Duck Leg, White Bian Cassoulet以油封法國鴨脾為主角伴法式焗豆，呢個係平時法式多見的主菜，鴨脾外表脆到不行，肉質肉汁豐富，以酒店格局，二百幾食到呢個主菜，都已經夠平啦。
我最愛另一個係Boston Lobster linguine with asparagus ,lobster bisque，波士頓龍蝦扁意粉配露筍龍蝦汁，好simple 的美感，龍蝦夠彈牙又大隻，意粉條條有鮮甜的龍蝦汁，濃到像龍蝦湯般。
外表麻麻的beef cheeks with mashed potatoes & seasonal vegetable都不錯，燴牛面淋到一個點，放入口好似淋到化開咁，個醬汁味道都好搶鏡，配菜如薯蓉和蔬菜都不錯。
西班牙黑毛豬扒配普羅旺斯雜燴擺盤又係好靚，豬扒質感夠好，而且好有豬味，普羅旺斯雜燴係乜東東？其實係雜菜盤，不過係普羅旺斯特有名字，食野仲有得學野。
另外這個Roasted Beef Tenderloin with seasonal vegetable的烤牛柳又係較硬朗和普通，我較愛燴牛面的細膩。
Pan-fried Seabass with Mashed Potatoes不只有香煎鱸魚，仲有隻帶子係上面，煎得勁香，不過相對剛剛幾個出色的主角，呢個就普通了一點。
尾聲的甜品，我沒有吃太多，朋友都說不錯，特別是水果好新鮮。
幸好我地係最多四人食飯消息出台前吃這餐飯，才可以吃足咁多樣美食，換著而家，最多只能吃四款。
可能好多人覺得而家出街食都唔係幾負責任，但有時可能有需要食或順便食埋先番屋企的話，剛巧你又係呢區都值得來啦。
老實你話超級好食就肯定不是，但以一個咁抵嘅價錢喺酒店食都算唔錯，和爸爸媽媽家人來吃，一定值。
沒有留言:
發佈留言