冇得出街，唯有吃外賣，不同嘅餐廳同酒店都推出左優惠，讓大家足不出戶都可以吃到餐廳出品。
今日就試左帝京軒「原味粵饌」嘅外賣美食，多款「原味粵饌」外賣及外送美食俾你選擇，多款不同的精緻菜式，一定適合你。
最重要，個包裝真係好靚好有誠意，好少外賣咁精美。
我自己最鐘意金不換青咖喱鮑魚走地鷄，前陣子喺帝京軒食過佢嘅咖喱就知道真材實料，加上滑滑嘅雞同名貴嘅鮑魚，係公司食呢個一定惹同事羨慕目光。不過最重要，個咖哩真係好好送飯。
帝京秘製海南鷄飯，加上不同點心，又有灼北京菜心同秋葵牛肝菌小耳送，唔會剩係食肉。海南鷄飯仲要細心咁有唔同醬汁俾你，油飯粒粒靚。
XO醬鮮蚌炒米粉，又係一絕，炒米粉嘅感覺就好似食緊本地台灣新竹米一樣，仲有勁大粒燒賣，又有沖繩嘅黑糖糕點心，老實食，外賣食得咁刁轉，真係少見。
如果你惠顧套餐，仲可以優惠價換購其他優惠，如絲苗白飯 HK$15/是日例湯 HK$28，薑汁或蒜茸炒時蔬 HK38，如果唔夠食仲可以加碼。
有興趣的話就並填妥下面帝京軒之訂購表格並連同信用卡正面及背面之影印本傳真或電郵至帝京軒。
https://www.royalplaza.com.hk/wp-content/uploads/Royal-Plaza-Hotel-Set-Menu-Takeaway-Order-Form-2020.pdf
PS 於酒店15分鐘步行距離內嘅地址，如消費總額滿$200以上仲可以免運費，如消費總額不足HK200就要HK30運費，如果咁啱Office屋企喺太子旺角附近，絕對係唔使出街就有得享用帝京軒美食。
不過唔喺附近都唔使擔心，只要消費總額滿$500就免運費，消費總額不足，$500就要$100運費，越叫得多就越著數。
沒有留言:
發佈留言