都說現今社會個個都是KOL。
當黃秋生都係蘋果同大家一齊搵食之際,我們的社會真是進入無不K OL的年代,你我他,什麼人也可以作推薦,而通常一窩蜂搶去吃, 你唔理好食定唔好食,係blogger世界都一定贏左話題性和爆 hit,爆like,係KOL要嘅野。
有hitrate便是娘,就是現實,你怪PR冇眼定觀眾無眼。
我不是什麼幾萬follow的人,寫的只是自己所吃所聞, 以一個用家角度睇下餐廳,食物。
當冇包袱去寫去介紹,冇野會輸,我不怕無人睇,會突然好多人唔f ollow,人無恥,便無敵,就如要搭飛機ge l頭的人一樣。
我又不是那些潮童,喜歡什麼抹茶甜品或像那些SM般拉拉扯扯的拉 絲,我又不是那些剩吃下午茶的港女,告訴你muffin 有幾好食,而自己連文華的下午茶未去過,佢試食一餐飯, 係佢一年食飯加埋都有不會用嘅錢吃的派場。
因此,我也討厭潮食,我也不會說是blogger ,是得閒寫下感覺的人罷了。
我都是凡人,但我特別喜歡comfort food,牛肉麵就是一個例子,我夠膽寫, 因為我都真係一年係台灣食唔少,舊年去六次台北, 史記林東芳永康牛店建宏小吳劉山東,對比一些所謂blogger 我應該有正常味蕾,我寫呢間應該都幾合適。
就如如果我唔賭錢唔會話你知銀河定葡京玩廿一點好, 你會唔會相信肥胖的blogger 教你減肥,或皮膚不好的人教你美容嗎?你快些想一想你而家fo l l ow個啲究竟識唔識食罷,寫到呢度,大約我自己會係Ig 要unfollow一班轉寫甜食專賣靚女面蛋的女孩。
於是,這個晚上,我來到了玖五牛肉麵。 如果你說近來潮興食四季的那sushi itao,我就無錢食了,無人脈排了(可能你follow 那些所謂IG萬人迷連呢間壽司係乜Q都唔知),對,看得多這些我會覺得個人都低智能一點。
至少,我覺得這裡的老闆娘有内涵一點,起碼, 不會像沒有味蕾的人寫一些佢從不俾錢吃的晚飯,我不是欺少年窮, 只是我會欣賞有經驗,有學識的人,至少,我睇食評多年,我認識的 KC南瓜E比堅係有料的人,起碼,乜都講得一餐, 他們的食評會告訴你雲呑的前世今生,泰國南部和東北菜的分別, 福州魚丸和福建菜有什麼影響,那些blogger 識什麼,佢剩係會同你介紹邊到任食任飲好,相影得點靚,我想問, 你係唔係食甜品食過世。
還有如果你屋企有錢,你會不會讀咁多書,可能你會做二世祖, 不會為自己愛的味開一間店。
我至少也欣賞她,聽說她很愛這道牛肉味的味道而辛苦攞配方, 幾經辛苦才開到這店和煮出這一道味道,是自己喜愛的味道, 我也經常都想將喜茶個味帶來香港賣, 將珍煮丹放係銅鑼灣讓香港人排隊,可惜,我爸爸不是賭王, 我自己又冇錢,我只是比對面著rip n pip己變黃的粉紅色頭髮潮童有錢多一點去夠食多碗麵, 那些都是夢吧,還是繼續寫食評吧。
今晚人還是很多,七點多三個人入座要排隊,最正係何家千金都在, 可以一暏風采,不知是否老闆在,但不可否認,全店的員工, 也很有禮貌。
而且天氣太熱,排隊仲有風扇,真係幾窩心。
排了不太久就可以入到去,三個人太肚餓的關係,點了三個麵, 勁多小食。
紅燒三合一,牛筋牛肚牛肉,你要乜都有,喝一口湯,微辣個性, 有著點點的藥材味香,惹味又濃烈,掛麵絕佳, 怪不得超蓮佢咁愛這味道,那種香是有種說不出的個性, 就如我特別愛林東芳的油香一樣。
牛肚非常爽口,條條切得適中,也很掛湯。
牛腩也是每口都腍腍的,而且紅燒湯下特別出色。
牛筋是滿分之作,整晚我是最欣賞這個, 和那幾間台灣的牛肉麵也有得爭一日之長短。
麵條掛湯好得,軟綿綿我吃到的是店主誠意, 聽說老闆特別自家搵廠做麵,說真,那誠意是絕對有優勢。
招牌三合一的辣反而冇咁勁,我試了一口,那濃度鹹度冇咁hi g h,如果你不是重口味的人,你選擇這個應該冇錯。
我一定要吃的是麻辣鴨血和麻辣臭豆腐,鴨血在香港來說, 一定是三甲,冇麻神咁好,但鴨血的美麗結實,入口味美無比地滑, 是想不到的出色。
麻辣臭豆腐夠臭,我是好此道,不過以台灣味來說,臭豆腐太腍, 質感不夠優勝,但可以一吃,以回味台灣的味。
呢度我覺得出色的,還有海帶絲和大豆芽,好濃味而且用了多調味, 絕對不會不好,我想起了深圳祿鼎記的前菜,一樣咁開胃。
燙青菜,加上點肉燥,清得來夠惹味,我已經肯定那肉燥飯會好吃, 絕對是台灣原味,只不過,今晚吃不到了。
滷味牛類,我們太愛吃,冇湯浸的情況下,牛筋和牛肚係更加出色, 係好出色,特別牛筋,腍到不用咬都可以呑到。
滷味豆類,滷蘿白,甜不辣和豆干都是不錯,我特別愛那豆干, 就如去左林東芳一樣,你如果去吃過林東芳,你會晚這豆干的可愛。
滷蘿白和甜不辣都是幾好味,特別甜不辣,好煙韌無比。
剛才說了的多種好,你可能以為我係打手,傻啦, 咁潮嘅牛肉麵點會要打手,好似今晚,乜客都有,有外國人, 有白領,有師9,有對面的潮童,根本不用宣傳, 剩係老闆都係生招牌,而麵同小食都係好好,反而弱點係飲品。
我有朋友吃過說奶茶味道偏淡都覺奇怪,我選擇第二個來飲, 冬瓜檸檬茶真係好淡,和台灣的甜美的飲品風格,大相逕庭。
當然,看你怎想,如果你是健康之仕,像營養師計自己每日有幾多i nput,要用量杯度自己飲的,你應該會喜歡唔甜夠健康。
不過,像我這些重口味,就未必喜歡了。
當然人人口味不同,我自己還是滿喜歡這裡的口味, 聽說這裡的牛肉麵較從前的濃,當然,如我喜歡重口味的一定喜歡, 不過,呢排因爲秋生哥的關係,你可能要排隊了。
港鐵主席馬時亨更曾在公開場合被記者追問高鐵時明言「 我哋話畀你聽OK就得」,對於這裡的牛肉麵,近來實在是太潮了, 不用別人話你聽o k不o k,自己吃才知是否喜歡。
而且,這些萬眾矚目的店總有KOL或很多人突然開戶口寫食評說不 的,我覺得這裡不值得在這裡有這麼多負評。
至少,我喜歡,而我喜歡,和超蓮的美和聰明無關。