2018年5月20日星期日

如果你們喜歡鮑魚

近來吃自助餐吃得太多,因為不同的主題眼花撩亂,令人唔知食邊個好,個人十分喜歡的holiday inn,又有新主題,鮑魚匯聚‧鮮味之最這個名呼之欲出,以鮑魚做主角,如果你喜歡,如果你五六月會同爸爸媽媽慶祝父母親節的話,如果你的朋友係鮑魚迷,那我叫你不要錯過。
首先,星期一來的晚上真係好好好多人,爆到不行,如果睇完小弟呢篇文,你會有興趣的話,記得訂位。

吃了多次的自助餐都不介紹business as usual 的東西,先講主角,其中一個是陳皮清蒸九孔鮑,呢個係必搶item,每次一出就會俾人掃清過,平時你係富臨食一隻都要廿蚊,你求其食五六隻都回左半本。


香煎鮑魚蟹餅日本芥末蛋黃醬又係好受歡迎,好吃而又濃郁的蛋黃芥末味,不過鮑魚色彩不濃郁,不打緊,好吃便算了。



我覺得鮑魚白菌酥盒係幾好味,不過有點膩,食左一件都幾飽,建議淺嘗。

我有個不太好的習慣,蒸鮑魚配鴨腳花生味道是不錯,不過我就多好食鴨腳,吃了三碟就浪費了那些鴨腳,幸好有朋友全部接收。


最討厭自己咁喜歡澱粉質,鮑魚東菇燴伊麵其實最無特色,不是用一隻隻鮑魚來炒,但出奇地有鑊氣,吃得津津有味。


這裡的壽司魚生是可以接受的,今次鮑魚壽司卻有驚喜,又係食十隻都可以回另一個本的選擇。





幾個前菜深得我和朋友的心,鮑魚銀芽沙律、鮑魚雜菌沙律、韓式鮑魚冷麵沙律和鮑魚海蜇沙律炒埋一碟,令人食得開胃又開心,特別係冷麵沙律,令人好易不知不覺地吃飽。



鮑魚海鮮沙律白酒啫喱杯和鮑魚配紅酒梨串好受歡迎,八點已經售罄,記得不要錯過,朋友W遲到想吃都沒有。


最好的當然是一人一盎的鮑魚佛跳牆,剩係隻鮑魚已經叫你吃得可以好滿足,湯頭甜到不行,加上其他靚配料,說真,如果你喜歡鮑魚又知道佢名貴,就知你放棄其他的食物,吃這些都已經夠了。





其他海鮮部分已經不用再說,什麼蟹腳,翡翠螺,大蝦,青口,還有不停地開的紐西蘭蠔,又creamy又巨型,不用多說點好吧。





今晚還吃了幾款不錯壽司和刺身,特別是火炙款式,是不容錯過的。

乳豬,牛扒和煎羊架是不能不吃的,是愛肉天堂。




如吃過呢度自助餐,你知道甜品不是多到不行的陣容,但有點item是新的,這個西班牙鬼佬油條,是深得我心的,又係搶手,記得先吃。





最尾自己用刺身整個鮑魚冷烏冬,完美了是晚的鮑魚經驗,起承轉合,都是鮑魚,才對得起咁出色的主題。


如果你們喜歡鮑魚,自助晚餐 (晚上6時至晚上915)星期日至四成人HK$569,長者HK$455,小童HK$398,星期五至六成人HK$639,長者HK$511,小童HK$447然後仲要有白金或signature卡有七五折,即係四百幾就食到咁多鮑魚海鮮,咁平點會唔孝敬下父母親同朋友大吃一番。

Bistro on the Mile 
尖沙咀彌敦道50號金域假日酒店1樓

沒有留言:

發佈留言