2018年8月29日星期三

Ophelia:來一杯Gin,好嗎?

星期四晚,有番咁上下年紀都知道星期四晚稱為ladies night 
當還未到星期五,星期四晚總係有一顆癢癢的心想出去飲杯酒。

因此,每逢有局星期四有特別的節目,我都會出去飲杯酒放鬆下。

鳥語花香一直係我的心水,想去好耐但永遠夾不到時間人物地點。

不過有朋友竟然說八月份有個theme the Last Days of EdenF先生係識玩之人,介紹得一定無錯。

以兩種不同的Tanqueray Gin酒來做last days of eden為今晚嘅主角,來飲一杯Gin tonic,配合了特別的湯力,Tanqueray的滑和醇叫你不能不喜歡,當然這個入門,味覺冇咁複雜,是一種簡單的Gin





如果你喜歡Ping PongGin,這裡的應該不會太差。

另外的Tanqueray No. 10 酒精度高得多,47.3%較為覺得提子的香和些少像雲呢拿的滑味,味道長遠流長得多,個人來說更喜歡以此為主角而調較的Gin tonic


八月每個禮拜四都有呢個function,我連去左兩個星期,原因係氣氛好好,而且我好喜歡呢度環境。

如果你喜歡中環的iron fairiesJ Boroski ,你一定會更喜歡這裡,雖然地方冇咁大,但裝修,場地更加sexy同好elegant





記得我認識這裡是朋友告訴我這裏每晚都會有show睇,而且都是打扮得花枝招展的美女,今晚來到見識不少,的確飲杯嘢都開心好多。





而且,好多打卡位,你睇小弟影咁多就知。




講真,真係會飲到唔捨得走。

聽晚食完飯,我又想過去試多次,不如有興趣嘅,明晚同我來飲番杯?

男士絕對歡迎,飲完酒再過永華宵夜,再去老蘭飲多轉,學人氣博客瓜爺名句:人生。

不要多說了,來多一杯Gin,好嗎?

鳥語花香 
灣仔皇后大道東200號利東街囍匯1樓F39A及F41A號舖

2018年8月28日星期二

Forte:你不知道但絕不能錯過的自助餐 (1)

香港酒店的自助餐,講真都食得八八九九,不同地方的特色,食物質素都略知一二,新鮮的地方實在少之又少。
今個系列就同大家選一些少人談及的選擇,第一炮選址觀塘的一間酒店,如心艾朗酒店你一定聽過,但奇怪又不多人談論,地點有優勢又方便。

想過來這裡的原因,是之前見個有人post過這裡的燒雞,樣貌外表都好吸引,然後觀塘如心艾朗的Forte從此就成為了我To go list 

然後我的朋友C先生話知道這裡剛剛有個新主題,夏夜西班牙美食派對,一定要食肉獸參與,於是愛肉如命的我當然要吃一下。

晚上六點半來到,高朋滿座,原來係我一個對這自助餐唔熟悉,同做咗30年人剛拍拖一樣,錯過了很多。

講到明係西班牙主題,西班牙有名的凍湯當然歡迎你,蜜瓜凍湯及番茄凍湯各有特色,但我最愛的還是番茄凍湯,西班牙的風采就在口中漂釀。



一紅一白的Sangria當然係主角,要邊款隨你喜歡


以一個完全唔貴的自助餐價錢,竟然新鮮生蠔有得任你食,你可能會覺得得滿足,最重要係質素還要不錯。


阿拉斯加皇后蟹腳,冰島來的大蝦,麵包蟹,大大隻的螺和青口都是強勁的海鮮陳容,你不會覺得不夠的選擇。







C先生素來對日本菜有研究,佢稱讚這裡的手握壽司和刺身絕對不錯,對比之前他來吃的為佳,果真無錯,那是關西風的小握壽司,味道外形都好。






前菜來說,陣容很強大,特色前菜有蟹肉海鮮餅,芝士意式雜菜和豬肉米紙春卷等,不過其自家製沙律如西班牙辣肉腸沙律及紅菜頭藜麥西瓜沙律等,特別得來有誠意,其他凍肉的款式多,絕對是目不暇給。






日式的前菜冷麵和豆腐也好,對我來說日本的菜式這裡也叫高質。

最想介紹大家不能錯過的係主菜,一定不能錯過係西班牙經典名菜原隻脆皮燒乳豬,不過可能不是個個接受,乳豬係用上十多天的小乳豬,上場個樣可能你會覺得殘忍,但不能不吃,以橄欖油低溫浸至半熟,再入焗爐烘烤過後,入口外皮酥脆,肉質保持軟嫩的豬肉而非常多汁,脂肪烤成半溶融,可能是小豬的關係,肉不會太過肥,但卻保持那種燒豬的最佳水準。





另外的穀飼斧頭牛扒,基本上話係四人份量,但絕對八個人都食到,斧頭扒燒得多汁又香,配菜更不能錯過,尤其是那個炸蒜頭和雜菜,那些牛扒,就算減肥也不能錯過。






還有多種不同的醬汁風味,一個扒可以有十二種不同的境界,自助餐咁有誠意,強得很。


中西湯都好,食到幾飽我們最後都飲多碗湯。


最特別係同其他酒店一樣每晚都會有廚師推出特別的食品款式,手快有手慢冇,我咁為食,當然大部份都沒有錯過,每晚推出的餐車其中最欣賞係即煮火焰卡邦尼意粉,味濃又香,條條意粉都吸收到芝士精華。

另外又係玩火傑作,花雕醉虎大蝦和泰式咖哩青口,滿足你視覺享受,又有得食,以這個價錢來說實在是超值。




甜品當然也是起承轉合的充滿着西班牙風情,西班牙脆 條,聖地牙哥蛋糕,意大利芝士餅、焦糖燉蛋,麵包布丁等等,還有其他生果和多種不同的甜品,我吃到這裡已經覺得滿足了。








對我來說,四百多的價錢享用那麼豐富的自助餐實在是超乎我預期,仲要係斧頭扒同西班牙燒乳豬好食過外邊的西餐多多聲,而且海鮮和刺身壽司又不是求其之作品,仲要係餐廳客人出奇地大部分都高質素,幾枱都好靚女靚仔,不似一些平靚正的酒店自助餐係一家大小,就如今晚同枱的兩位美女朋友一樣拉高了我枱人的質素,真心令人驚喜,要介紹非主流但絕不能錯過的自助餐選擇,這裡當然是第一首選。

forte 
觀塘創業街38號如心艾朗酒店2樓