沙田帝都酒店的餐廳都吃過了幾次,唯一未試過係呢度嘅中菜, 聽說玉庭的質素在區內絕對是頂尖,常在口袋裡,未有機會吃到。
難得朋友說這裡有新的菜單,適逢自己又未試過, 便過來感受下其味道是否如旁人所說一樣好。
七點多來到,餐廳坐得八九成滿,平日的晚上如果都咁爆, 已經告訴你,質素一定有番咁上下。
前菜三種,江畔如月拍青瓜,紫蘇蒜醋牛油果, 明爐蜜汁黑豚叉燒三個各有搶眼位,最喜歡的當然是精美的叉燒, 拍青瓜的清新和牛油果都給夏天帶來爽快的感覺。
養生黑蒜燩肉汁係好出色,最喜歡其外表,黑蒜味勁濃, 配合了其瘦肉和燩左好耐嘅湯頭,倒下去一啖一啖味道集中而強橫, 如果係冬天飲更進補。
鑊氣十足的三蔥爆炒安格司牛肉粒, 三種不同的配菜加上炸蒜炒牛肉味濃的安格司,又點會唔好食, 可能你會話都只係菜炒牛肉,唔通好食到會飛, 但就係把平凡的菜都添上了一份特色,才叫人難忘。
芙蓉百花燕液滾龍珠,高貴的樣子包裝著實在的蝦膠, 配合了名貴的燕液,女士必定是愛不惜手,每啖的強烈震撼, 才人回春幾年。
香露頭抽爆炒大英鯧魚球,吃下去頭抽味勁濃, 炒魚球每啖是肉當然不失禮,爆香得如火鳥重新的氣魄, 只可惜係條狀影響了觀感,如果唔係咁,分數會更高。
送上台已覺得強勁氣勢,渚煙露華濃台山蟹味,蟹非常大隻, 蟹膏的份量叫你覺得驚人,可惜我怕太肥,只吃了蟹腳, 但也覺香氣迫人。
懷舊骨香走撕雞,個樣有少少奇怪,但雞嫩得不行, 一下炸一下走撕還有雞翼全件上的味道,一隻雞, 幾種不同的吃法玩法,足證這裡的創意。
像家常小菜的家傳紅糟蒜香鎮江骨,送飯是一流, 特別喜歡其紅糟蒜香的味,酸甜鹹都有的感受, 像是經歷人生高低起伏般。
湯係非常清甜美味的漁家濃湯肉碎鮮腐竹浸蕃薯苗, 腐竹和蕃薯苗都是鮮嫩無比,加點肉碎更加多點魅力, 愛健康的首選這菜式。
嬌豔鮮茄老蛋煎腸粉名字出色,吃更出色, 單尾不是炒麵不是炒飯不是炒米,反而是煎米粉,蛋香又煎得香脆, 值得吃多點,只感嘆腸粉太少了。
最後甜品係蛋白撞雪燕杏仁茶拼香煎倫敦白糖糕, 杏仁茶的香和好有質感的白糖糕絕對是適合的句點, 枱上位位食到好飽都要食清哂,可見這裡水準甚佳。
說是驚喜連連,絕不為過,係新潮與傳統的中間有個極平衡的位置, 而且很新鮮,有幾個傳統的味道也做到了意思不到的效果,我想, 來一次你自然會感受到那種新舊交錯的快感。
沒有留言:
發佈留言