不知你有沒有儲開里數的習慣,平時儲里數的朋友, 經常無所不用其極,出街食飯行街睇戲甚至朋友結婚都爭住綠卡, 還記得我曾經有一個朋友需要留守到最後幫朋友碌卡以賺取里數去歐 洲,如果你是一個這樣的人,機會黎啦飛雲, 有個不錯的東西介紹你。
金域假日酒店的中菜廳由5月開始,推出了一個亞洲萬里通的優惠, 星期一到星期五,我剛好第一日就吃了這個餐,八道菜只是$328 ,最重要如果你係亞洲萬里通會員 可以憑每兩蚊消費賺取一里數,就算兩個人食都儲到。
不過最抵係如果你可以夾埋八位以上去食呢個餐, 除了八道菜以外還會送一隻當紅炸子雞, 三百幾蚊喺酒店餐廳食中菜仲要有九個菜式,仲可以儲里數, 我相信知酒店,酒樓應該都搵唔到咁超值嘅餐。
第一道菜為雞絲粉皮和酥炸韭菜餃,兩個點心都已證明為主, 滑滑的粉皮配上濃濃的醬汁,還有嫩滑的雞絲,開胃醒神。
小巧的韭菜餃非常豐滿,炸得勁脆的外皮油而不膩, 一口吃下去最怕的不是不好吃,而是辣到嘴。
滋補燉響螺,也不用說這裡的燉湯是有多保證吧?
百花炸釀蟹鉗,這些最傳統的飲宴菜色, 你可能會係好多飲宴都食過,不過這裡是絕對做得出色, 最喜歡係炸得啖啖爽口,不會好似有啲酒樓可以又凍又無味無鑊氣。
女友反而很喜歡咕嚕蝦球,酸酸甜甜的味道包圍著巨型的蝦球, 當你還沉醉於剛剛的百花蟹鉗身上, 那個蝦球已經把你放進一個迷魂陣裡便,最可惜呢一刻欠了碗白飯, 如果唔係,件事會更完美。
崧子雞崧伴叉子燒餅我就真係普通, 首先可能對於太乾的燒餅我興趣不大,第二那些燒餅不是太大份, 崧子雞崧的份量多得驚人,貪心點也將叉子燒餅塞爆, 反而就這樣吃崧子雞崧伴卻更叫人吃得開心。
黑松露鮮蘆筍簡簡單單,沒有太繁瑣的工序, 但做到的美味絕對動人。
當紅炸子雞當然是炸得出色又剛好的火喉和美味, 配合那個像印尼薯片般的小食,八個人才有的權利, 所以一定要叫啲人黎食,剩食隻免費雞都化算。
尾聲來個呢度嘅力作,香檳汁海皇焗飯,你之前吃過龍苑的Menu ,你應該很大機會吃過這個, 細細碗的焗飯勝在着大量的海鮮和幾特別的香檳汁, 就算之前吃左七個菜式必定很容易K.O.成碗焗飯。
最後的西式甜點,特別喜歡那個焦糖蛋糕,一細件幫助消化又好食, 如配埋咖啡和茶真是一流,不過可惜只能一杯中國茶。
八個人就這樣輕易儲到一千多的里數, 平時知慳識儉又識儲里數的你都知道唔會食一餐飯就攞到千幾里, 所以我覺得呢個Offer極為超值,直到6月30號為期兩個月, 如果你是亞洲萬里通的fans ,請立刻訂位吧。