2018年12月25日星期二

馬來一菜館:馬來西亞的聖誕餐

來過馬來一菜館都應該有三次,每次驚喜都是不斷。基本上如果你有一刻想念馬來西亞和檳城的菜式,來這裡,一定無錯,每次都吃得滿足才離開。

今晚來到和幾個三五知己食飯,來到才發現十二月的普天同慶月份,原來這裡也有聖誕餐提供。

聖誕餐有不同的主題中,不同的菜單用不同的菜式做主角,例如黃金蝦,麥皮蝦或者胡椒蟹,我們四個人,就選了胡椒蟹那個餐單。



未食飯之前,當然叫杯welcome drink 飲,最經典莫過於香茅特飲,清新而溫婉。


最喜歡其速度,點菜不久就已經有前菜。金杯應該不算是馬來西亞的經典菜式,不過爽口彈牙的蝦令人叮一聲。



雞肉及牛肉沙爹,係這裡的手本名菜,手到拿來的沙嗲醬,當你會聞到那股燒烤的香,好令人心動,會想叫多幾串。



巴生肉骨茶,那個藥材和帶點辣的香,加上勁大件的肉骨,送飯一流,我們當然忍不住叫了一碗白飯送這肉骨茶。



胡椒蟹出場,原來送多一客薄餅給你點汁。個汁好濃,沾薄餅食非常一流,胡椒蟹雖然不太大隻,但肉質鮮甜,胡椒幾大味也掩蓋不了其鮮味。





青龍菜,好特別,係前所未見的體驗,帶著強烈清澀的味道,愛菜的都會喜歡。

醬燒魔鬼魚,強勁嘅醬汁加上少見的魔鬼魚,係成晚嘅焦點,魔鬼魚一點也不腥,骨肉分明,條條魚肉都好好食,沾上醬汁辣度很強。




每人一碗海南雞飯,應該勁滿足,雞肉滑,連雞皮也忍不住要吃埋落口,油飯每粒都煙韌有致,只不過如果四人份量來說,海南雞有點少。




因此我和P先生都說要加碼,畢竟難得黎到當然要滿足一下我們的馬來西亞思念。

我點了炒貴刁,佢就點了檳城蝦湯麵,兩樣都係呢度嘅手本名菜,炒貴刁每條都炒得非常惹味,臘腸叉燒蝦加強了其一流口感。



檳城蝦湯麵係正宗,正宗的麵底和那濃烈的湯,佢直頭連成碗湯都飲埋。



最後點埋怡保孖寶,又大條又粗壯的怡保芽菜和河粉,點會唔食,食完之後,才發覺原來自己多麼掛住這個地方,希望明年有機會再次去旅行,而家食住怡保芽菜同河粉止癮先。






最後的貓山王榴槤湯圓和香蘭椰絲卷又係十分地道的甜品,個人較喜歡榴槤湯圓,如果有兩粒,好事成雙定必會更加滿足。






每一次來都會吃得滿足,雖然唔知下次幾時再嚟,不過如果短期內去唔到馬來西亞旅行,我諗我好快會返嚟,再止一下心癮。

馬來一菜館 
西環皇后大道西508號香港今旅酒店2樓

2018年12月23日星期日

Bistro on the mile :聖誕自助餐第三擊

第三間推薦,又點少得我覺得幾時都咁優秀的bistro on the mile 
一年三百六十五日食都平嘅地方,聖誕當然係一樣超值。


沒有特別華麗的包裝,用最平實的方法做聖誕主題,環球美食節日海鮮自助餐,一定最適合大眾。

海鮮的數量依然很多,龍蝦任你攞,任你食。






其他長腳蟹,大蝦,翡翠螺,龍蝦鉗,一如以往,質素高而且refill得很快。

還有壽司刺身檔口,多選擇,必要支持下




我成日覺得,呢度最好食之項目,一定係生蠔,又係唔食番一打半打對唔住自己。



呢度嘅燩湯,又係依舊出色,今晚係花膠燉雞湯,每碗燉湯都有大大嚿花膠,飲到如痴如醉,成口都係膠質。



熟食有兩個項目, 有兩個也最喜歡就係西蘭花蝦仁同蒸蒜貝,每次我也要吃才安樂。




還有應節的羊腩煲,同每次都食嘅咖哩。



拉麵檔雖然不是什麼驚天地泣鬼神的選擇,但是吃一碗也令你很comfort 




扒房當然不能錯過,食肉獸最適合,而且熱度溫度也剛剛好,唔會係唔好食質素參差嘅牛。




前菜又係款式多,不過新款的小龍蝦蟹肉咯嗲,最令人印象深刻。





甜品有炒雪糕呢個新環節,不過要排下隊啦。









其他應節甜品,全部都美淪美奐,勁有聖誕節氣氛和色彩。

葡撻,朱古力和其他甜品選擇都幾精美。



而且價錢最相宜,比起之前吃過的兩間,這間價錢是最超值的。

朋友W吃完後,佢更加即刻訂了平安夜當晚的自助餐,和家人一起分享。

如果你還未有著落,就快啲打電話同上網預訂啦。

Bistro on the Mile 
尖沙咀彌敦道50號金域假日酒店1樓