香港人對於海洋公園,相信完全唔會陌生, 身為香港人的你海洋公園仲會去過一次以上吧。
就算去過海洋公園,你有去過海洋公園的餐廳食過飯未呢?
三年前,有次去海洋公園玩, 記得那個時候開始剛接觸海洋公園的餐廳,選了冰極餐廳, 是我第一間接觸的海洋公園餐廳,望着企鵝, 像位於北極環境的餐廳裡吃飯,感覺好興奮。
三年後,朋友竟然說來海洋餐廳海龍王餐廳食飯,我感覺有點古怪, 無端端點解要來海洋公園食飯呢,又唔係去海洋公園玩, 剛剛又過了哈囉喂,點解要來海洋公園呢。
原來L先生告訴了我兩個提示, 第一個是這餐廳剛剛有一個新的米芝蓮廚陳國強先生推出的Menu ,用上很多日本JA出品的食材,以中式手法crossover, 而且價錢非常優惠,佢話好想好想試,我當然奉陪。
第二,所有香港人可能都都知道海洋公園有乜嘢玩, 但係大部份香港人都唔知道原來海洋公園夜晚七點後係免費入場, 好多人係可以直接入去食飯。
而且呢度嘅餐廳全部免開瓶,而且你訂位時先比車牌餐廳, 餐廳就會有免費泊車,淨係呢兩個點,都值你專程入嚟海洋公園食。
講返海龍王餐廳,真係好令人興奮,我哋今晚四個男人一個女人黎食飯, 大家都俾一個大魚缸搞得非常興奮,( 又男人又魚缸你千祈唔好諗衰嘢), 吃飯之前大家都會用相機狂影相,又自拍,又合照。
連我哋大人都咁鍾意,相信親子活動帶小朋友來,一定更開心。
而且餐廳非常闊落,而且食客也不算多,氣氛也很浪漫,又很pri vate,我跟朋友說2月14情人節前後來這裏非常好, 如果你係龍舌蘭的朋友你一定會明我講乜。
講返食物,首先上場係個名同呢間餐廳一樣好似夢境咁靚的夢 · 醉海洋,吃的就係花雕清酒浸鮑魚,鮑魚的煙韌大隻不在話下, 以不同的酒例如梅酒,威士忌和最常用的花鵰幾種感覺紛陳交替下, 澳洲5頭鮑魚美好的口感當然好,個配菜有昆布和日本雞冠草, 感覺更多元化。
不知道你有沒有聽過用瑪卡來燩湯,第二度菜的瑪卡燉海參湯, 用上瑪卡來燉海參,淨係功能都已經夠勁, 而且質料用上超大條的加拿大的海參,加上了日本熊本縣的豚肉, 加上蟲草花,燉足八個鐘頭,入口清香甜美,而且滋潤無比, 無論男士女士都啱進補。
第三度係松茸桃豚肉蒸水蛋,看樣子可能你會覺得平平無奇, 但如果師父將松茸和豚肉一齊打,出來的肉球充滿肉味又有彈性, 加上用上感覺出來滑滑的日本廣島蛋,味道十分好, 特別是如果你愛松茸的香和日本的蛋味,送飯應該非常一流, 不過稍後同樣有飯,所以才打消叫飯這個念頭。
慢煮黑醋和牛肋肉配玉子包應該是最佳主角,以鹿兒島A4的牛肋肉 作主菜,配上一個充滿大量菇菌類的福袋, 福袋用上了日本最甜的腐皮玉子來包,感覺清新怡人, 和隔離有肉味又淋身的牛肋肉的野性作一個對比, 還有其他日本宮崎番薯和蘆筍,真真正正完全係日本的出品。
這幾天,天寒地凍就特別想念冬日下的糯米飯, 這次來都已經吃到冬日的第一口糯米飯,樣子可愛精緻, 小蒸籠承載的是滿滿的臘味糯米飯,不要睇小佢個子很小, 以為糯米飯一定非常小,以為吃完會唔飽, 但吃完卻真的是飽到上心口,而且臘味的香滿佈每口飯粒。
不過最好的就係桃豚肉,已濃厚的醬油調過後的叉燒, 又甜又有咬口,豚肉非常厚,但淋到不得了,糯米飯各有千秋, 絕對是最佳的小結局,吃完餘音嫋嫋,你會想再添多件。
最後當然不能錯過甜品,用上以日本當地出產的甜度達17度的南水 梨做主角,雪蓮子燉日本南水梨, 可能你大概沒想過用日本食材可以做到一個港式的甜品, 南水梨切成了一個個可愛的球形,加上桃膠和雪蓮子燉出味道, 絕對是一個冬日滋潤的甜品。
有一個靚環境,又有好食物, 再加上剛才同你講所有餐廳的配套設施,你沒有原因選擇不來, 如果你像我一樣,沒有來過海龍王餐廳吃晚飯, 絕對係一個好選擇打開你和海洋公園餐廳嘅關係, 情點來投入藍色的夢境吧。
沒有留言:
發佈留言