2018年12月21日星期五

Harbour Grand Café咖啡廳:聖誕自助餐第一擊

聖誕節最開心食大餐,食得大餐當然要吃自助餐係最開心,每年聖誕的自助餐都多如天上繁星,今年一如以往為大家推介幾個城中優質選擇。

去過這間harbour grand cafe自助餐幾次,但吃聖誕自助餐的機會就係首次。


呢間餐廳絕對可以用平靚正形容,而且最喜歡佢地方夠大,而且種類多,和之前hotel vic吃過的,都有幾大距離。

不過,貴為北角酒店大阿哥,冇理由要太多比較,餐廳依然繼續做好自己。

特別係今晚食呢一個聖誕自助餐,依然係做得非常好的情況下再加添一些新的元素。

先講一些Business as usual的食品。

海鮮種類依舊非常多,絕對是這裏的一個好處,剩係蠔同波士頓龍蝦源源不絕。







蠔有肥美有creamy ,來自不同地方的愛爾蘭Irish rock,法國fine de oyster ,還有美國pacific rock,一定有你喜歡的種類。

龍蝦隻隻多膏,而且源源不絕添加。

其他還有加拿大蟹腳,翡翠螺,麵包蟹,青口,甜蝦等等,老實說海鮮陣容已經嚇親了不少胃口不大而又喜歡海鮮的人。

刺身同樣豐富,不過我始終最愛的是這裏的阿根廷七吋紅蝦,每次也要食起碼五隻先罷休。

前菜方面, 三文魚木瓜牛油梨沙律、新加坡燒牛肉菠蘿沙律,辣肉腸意大利青瓜沙律,加上一系列不同類型的凍肉盤,如果以前菜來說,誠意可嘉。



熱吃一定要食鴨肝,每次攞兩份,我又係要行多兩轉。


吃過自助餐多次也沒有試過這裏的點心,吃過燒賣和餃類以後感覺也不錯。



幾種不同的熱葷如西蘭花,北京片皮鴨,蝦,牛肉,和一些常見的菜式,最重要係樣樣味道都不錯,唔會好似有啲自助餐咁得個樣完全冇食。







麵檔的叻沙湯,依然是這樣迷人,一定要食碗,好似朋友P說:幾飽都一定不能錯過這裏的粉麵檔。




其實每位自助餐的客人都能有一客佛跳牆送給你,不過我自己就偏愛這個法式龍蝦湯。

牛肉當然有,不過最應節一定食火雞。


甜品區又係令人眼花繚亂,日本芝士蛋糕、法式栗子撻、 綠茶意大利芝士蛋糕和12 款不同口味的 Mövenpick 雪糕,加上其他港式甜品如豆腐花等等,多到你食唔哂。





講返少少聖誕特色食物,我當晚食左鮮帶子配尤魚青沙律露荀紅菜頭芝士沙律和慢煮三文魚伴芒果沙沙,三個各有特色,令前菜更為豐富,當中我最喜歡紅菜頭那前菜,甜得人心花怒放。




最好嘅係就算聖誕嗰幾日價錢都唔係特別貴,第一輪和第二輪成人價錢也是$798$768我聽過有尖沙咀的酒店聖誕自助餐差唔多索價要千三一位,仲要係後輪。如果以呢個價錢,有咁高質素嘅嘢食,絕對係超值。

有興趣就快少少上網上商店訂位,仲會有優惠,如果未打算,這絕對係一個好選擇。

快啲訂,唔係一定好快爆㗎啦。

Harbour Grand Café 
北角油街23號港島海逸君綽酒店3樓

沒有留言:

發佈留言