阿久根：立食和牛

立食的風氣，應該前排由尖沙咀那壽司店開始。

當然你可能會話，老早灣仔那車仔麵檔已經是立食店，那個風氣才是最早的始祖。

不過，我總覺得如果要說，真正風潮的開始應該是立鮨。 企係度食嘅係比較貴的食材，而不是普通的車仔麵。

之後有一天，我聽到立食牛扒，還要係吃和牛的時候，我打了個突。

朋友J先生告訴我的時候，我覺得是很有趣的一回事，和牛這一種比較貴價的食材， 點可以做到立食呢。

於是這個晚上，我選擇了和舅父來這裏吃晚餐，這裡叫阿久根。

我舅父係食肉獸，同佢證實間餐廳好唔好食，最fit。

這裡全部以主打日本的和牛為主，而且你可以每個部份一件一件叫，價錢相對實惠。

每人一個燒牛肉的爐，自助形式，都幾好玩，而且環境乾淨整潔，也沒有燒肉味道，衛生情況非常理想，也是令人驚喜的一點。

好細心，每位客人還有圍巾附送，包保乾淨唔會彈到成身油。

我們試了不同部位的燒牛，件件講下。

牛舌，相對是歡迎大家的作品，薄薄地，口感不錯。

A5牛肉，三兩下就吃完，美味不用說。

那件A5，入口即溶，是最好吃的一件和牛之一。

三角肋肉，肉味不算強，但有嚼勁。

肩胛味道非常濃，口感一流，那個強而有力的韻味，好得。

後腿肌係最有韌度的部分，而且肉味很重。

前胸帶有筋膜的口感，未必是你杯茶，我就普通喜歡。

上下胸腹係近A4的溶化之美，油份強而有力，不過也相對油膩。

後胸腹肉，有彈性，尾段有嚼勁，慢慢滲透肉香。

下胸腹肉，油香重，未算溶化，但油脂一流。

前胸腹肉，切得薄又透，但肉味好濃。

叫了這麼多種牛，吃得好興奮，價錢也是二百多，如果是坐下吃的和牛店，我估$500一位到落唔到樓 。

最後，我們意猶未盡叫了多個定食來吃，有飯有湯有燒牛肉，$100都唔駛，完全出乎預料。

步出餐廳門口的一刻，舅父說非常滿足，我想淨係呢一個反應已經可以叫我再來encore 。

阿久根和牛立燒店 

旺角白布街2-24號藝興大廈8號舖