Main St Deli:如果你愛Garrett。

首先回答一個問題，你想你愛Garret的程度，有幾大？

不如我首先量化這題目，你一次過吃幾到幾多Garret爆谷呢。

我就試過一晚係屋企睇兩套電影然之後把整桶Garrett的爆谷幹掉，味道還要係最甜的焦糖爆谷，然後感覺還是意猶未盡。

我想我愛這個品牌的程度，不遜其他女士(通常愛這個品牌的10個九個都係女性)。

冇性別歧視，這只是我小小的統計，起碼，我身邊沒有一個男士像我這樣愛吃爆谷。

然後當我知道朗廷酒店main st deli和芝加哥爆谷名店Garrett Popcorn搞左個crossover menu，有得食有得玩，愛Garrett如命的我又點會錯過。

難得靚女C小姐又約到這裡食飯，當然不能錯過此menu。

Welcome drink 先來杯Garrett Caramel Milkshake 焦糖奶昔，Mövenpick雲呢拿雪糕及焦糖糖漿，滿到瀉的Garrett CaramelCrisp 爆谷簡直係封左個頂，我想無人不會不喜歡，我想我可以天天飲這杯東西做晚餐。

Buffalo wings ，經典的美國菜，又點會錯過，原來送奶昔感覺都幾特別，幸好不太辣，睇波最適合。

Salad又係大件抵食，那些雞肉連減肥都可以大大啖食。

Bikini以黑松露，iberico ham同mozzarella cheese，配合溫度熱度濃度剛好的多士，溶化的樣子就像台北的那些早餐，C小姐的推介真的非常好，全晚最大愛是這個菜色，拉絲的樣子就正是呃like傑作。

Southern fried cheese burger 一貫餐廳大大份的作風，蕃茄洋蔥南瓜芝士雞肉，簡單食材成就了一個非常美味的漢堡，最驚喜的是平時這裏吃開美味的牛肉，但原來雞肉的表現也可以如此吸引。

Chicago cheesecake ，這個不能輕視的甜品就連平時吃甜品的狂人朋友N先生都投降， 分量當然是美國的珍寶級，我們五個人吃掉一半也算很利害，配合了邪惡到極致的焦糖醬，就算芝士蛋糕不太甜，加上Garrett chicago mix的拖肥醬的配合，就如跑車配上了強勁的車手，如虎添翼。

牛油脆餅底自家焗製後更顯吸引，車打芝士及焦糖味爆谷為澎湃的芝士蛋糕增添一層新元素。

係香港已經不多地方可以吃到香蕉船，這裡的summer menu卻有一個驚喜，Banana Split 香蕉船以Mövenpick的雲呢拿、士多啤梨和朱古力雪糕，配以朱古力醬，cream同Garrett Macadamia CaramelCrisp合成，你應該會係覺得驚喜中嘅驚喜。

最後的Macadamia Caramel Brownie 夏威夷果仁焦糖布朗尼蛋糕絕對是愛朱古力人士的恩物，牛奶朱古力，夏威夷果仁碎脆皮的外層，內涵係夏威夷果仁及紅莓布朗尼蛋糕，再有牛奶朱古力醬、黑朱古力及Garrett Macadamia CaramelCrisp爆谷，前中後都被朱古力重重包圍，好比全盛時期的曼聯，無論前鋒中場後防都係最佳。

周末來吃這個menu的朋友，還可以參加於周末才有的”Where are the CheeseCorns?” 爆谷挑戰，參加者須於15秒內以Garrett 爆谷勺子，在混合了兩種車打芝士味及焦糖味爆谷的Chicago Mix的經典罐裡，挑出最多的車打芝士味爆谷就有機會勝出。

完成挑戰者更可獲Garrett爆谷迷你禮包一份，有得玩有得食，最高紀錄保持者更可贏得終極大獎，包括Main St. Deli港幣800元餐飲券及Garrett Celebration 罐裝 Chicago Mix 爆谷，我朋友W小姐就當晚暫時領先，不過 我太愛Garrett，我實在想挑戰多次，還有我想飲多次杯Garrett Caramel Milkshake。

個menu做到8月31日，有興趣就要動身吧，時間不等人。

Main St. Deli 

尖沙咀北京道8號香港朗廷酒店低層大堂