北海道遊記（1）：在二条市場，一切安好

北海道好多野食可以分享，只不過不想係呢個緊急時期，放上網會令到大家更想去日本，戰鬥力先減低一下，咁多日都冇出個blog。

不過，還是決定少少咁放，如果唔係太耐會無心機寫。

由尾數上的最後一天早上，來了應該遊客滿滿的二条市場，不過靜過鬼。

第一天朋友來也是這個景點，但太平太抵，要再來吃個早餐才完滿。

這是二条市場的堺本商店。

來了這間，都是主力吃不同的海鮮，如果食蟹，選擇第二間較多。

先來是來自本土的佳麗，唯一一條野生大拖羅，一千大圓，香港一定吃不到呢個質素，入口即溶，這絕對是人生。

我地都無理口感次序，咁平見到想食乜就乜。

於是點了北寄貝和大隻的帆立貝，即拆即食，那個感覺，太棒了，北寄貝乜都不用點，已經是鮮甜，帆立貝相對淡身，但那個群邊的爽和彈，好正。

在滝波吃完鮑魚後，你會覺得呢度平好多，700日圓一隻，你係香港，吃到的只是大連蒸熟的貨色，爽勁有力的質感，強而有力。

多種不同的生蠔，我地都冇刻意問係邊，由百幾到二百日圓不等，吃到的是不同層次的海水味和鮮香，唯一沒有濃濃的creamy種類。

再加碼中拖，入口帶點筋，看你喜不喜歡，我自己一定愛大拖，朋友J冇咁愛油就喜歡這個多點。

再吃來自俄羅斯的海膽，那美麗的濃度和粗壯大件的海膽在口中遊走是滿滿的幸福，是這幾天吃過最濃的味道。

再吃個本地螺，清新得很，是你不會不愛的味道。

再每人一隻蝦，那股肉質之嫩，還有膏係清淡的回甘。

毛蟹係北海道三大蟹品種之一，不能不吃，只不過相對腳嘅肉感覺無咁強，像是淡淡的花幽香，蟹膏也算強橫有力，不過我較喜歡帝王蟹。

還有整隻的墨魚，和你吃過的，完全兩回事。

加上白貝結尾，一百五十日圓一隻白貝刺身，你以為自己去左daiso。

吃完就要立刻去outlet，食左咁多野，都只是每人三百港幣，仲要無乜人，救命，係築地都一定無咁平。

剛巧朋友問我在北海道的情況，我說，在二条市場，還好。

食咁嘅早餐，自製omakase，雖然係北海道好多人會仲係好擔心，但食到咁個心靈好難會唔滿足的。

二条かに市場
・地址：札幌市中央区南3条東1丁目
・營業時間：7:00〜16:30