還記得有名人說過年輕人只要去少啲日本旅行就可以儲錢買樓這個簡單明瞭的道理嗎?當然我想大部份的人也不是含着金鎖匙出世,又冇樓又冇錢,香港前途又暗淡,咁可以做乜?
的確又真係唔好去咁多旅行,儲多啲錢睇吓有冇機會離開香港會唔會係上策?大約97發生的事又重臨吧。
好似好沉重,畢竟這裡不是講政治,還是講番正題。
可能你尋日剛遊行完,回家想想近來的計劃,思考下人生意義,然後發現,就算冇供樓你都冇乜錢去日本旅行,又想過下日本癮,除咗去元氣或者去食那些迴轉壽司之外還有什麼選擇?近日Holiday Inn的日本海鮮自助餐絕對可以滿足你的需要。
前菜沙律依舊有多種,日式蟹肉沙律,日式青瓜蝦沙律,日王大根甘筍沙律, 韓式銀芽沙律,全部都有旅遊東南亞的氣氛。
海鮮當然有生蠔同龍蝦,日本長腳蟹,翡翠螺,凍藍青和凍蝦。
其他的前菜如煙三文魚,芝士,沙律等等,一如以往咁豐富。
湯有幾款,最愛蜆肉麵豉湯和當天煲的老火湯花膠圓肉燉老火湯,一定要飲多幾碗才可以消除緊社會的怨氣。
不同種類的刺身有帶子,甜蝦,仿鮑片,八爪魚,三文魚和吞拿魚等等,愛日本的你又點會錯過刺身。
粉麵檔的拉麵當然要支持,還有其他的燒烤海鮮美食當然不能錯過,基本上每次黎親都會吃。
全晚也有pass around,原隻清酒鮑魚日本雜菌沙律,是晚最愛。
另外日式蟹肉蒸蛋,迷你鰻魚丼,川燒日式蒜香雞,燒魷魚筒,大阪燒和三文魚西京燒還有壽喜燒,都是這個日本主題的主角,有幾多食幾多,食完先有力返工,如果你供緊樓嘅朋友,更加要食多幾啖。
另外中菜常見的扒西蘭花,龍蝦鉗,石斑魚和蒜蓉粉絲蒸扇貝,全部都是常客,依然保持質素。
天婦羅的櫃檯,印度的咖喱,還有這個燒西冷,朋友J先生推介的燒火腿,真係數之不盡,所有自助餐的項目也一綱打盡。
甜品就還有炒雪糕,葡撻,綠茶歌劇蛋糕,芒果椰子蛋糕美式芝士蛋糕,藍苺忌廉芝士蛋糕,紅桑子朱古力蛋糕等等,還有雪糕生果等等,說真以這個相宜的價錢,平過你出去食壽司。
沒有留言:
發佈留言