三聖吃海鮮，可以話係一個大部份香港人必試過的事，相對西貢鯉魚門流浮山，屯門三聖相對上係平靚正嘅代表，特別是大西北的朋友，應該比我更加如數家珍。
三聖的餐廳有一個特色，就係各款不同類型的餐廳都有，中菜、泰菜，大排檔，不同的特色，食海鮮都唔會覺得好悶。
當中也有很出名的餐廳，做到街知巷聞的。之前你見過蘋果日報話很多報導和博客寫過的廣東名門，或者係泰海鮮，但有一個係筆者心目中，有著神聖不可侵犯的高尚地位。
大約你看標題也猜到我講緊嘅19咪半係那裡，正是有八十周年歷史嘅容龍海鮮酒家。
食嘢有時也很講緣份，一直只聽過這間響噹噹的名字，但一直也未有真係機會試過，當然有幾個原因，餐廳同三聖海鮮街，相對距離遠一點，冇咁方便下，朋友未必會選擇。而且聽講價錢會貴一點，員工像澳牛也是走性格路線，但這種種也是只聽聞過，和自己真實經歷實有好大出入，自已吃過才是真。
適逢今晚係用容龍玫瑰金禧80周年盛宴，難得陳先生安排了一圍枱給我們，咁好機會，又難得可以成為座上客 星期五晚就算幾攰都要赴會。
講返小小容龍嘅歷史，唔講唔知，原來前身係容龍別墅 於1939年落成，當時這個別墅非常奢華，風景優美景致如畫，對着青山灣有個無敵大海景。
當然五六十年代嘅時候這個茶座以露天茶座為主，搵成為不少粵語片的拍攝熱門地點。
容龍別墅1989年拆卸後，1993年便成為了容龍酒家，一直屹立至今，2011年開始連續九年獲得米芝蓮推介，一道芝士焗龍蝦，令三聖的海鮮餐 ，從此了一份特色和意義。
因此好慶幸，今晚呢個晚宴竟然可以成為座上客，一於分享下個晚有乜食。
八十周年囍慶事，當然要攞番個頭彩，鴻運乳豬件全體，傳統海鮮酒家做燒味的能力完全不用懷疑。
沒有拍到一碟上場的強勁氣勢，但一隻也很優雅的金銀蒜蒸大扇貝，扇貝的韌度溫度可以說是一百分，加上金銀蒜自然細膩和美味得多，配合那些點上了豉油的粉絲，絕對是完美的示範。
蠔皇扣南非鮮鮑是另一傑作，吃的雖然不是極靚嘅鮑魚，但蠔油絲絲入扣，鮑炆得是正好，簡單一道菜已經顯示到這裏的老師傅功架十足。
坦白說現在很多人都討厭吃翅 不過老牌的酒樓喜慶事始終唔會少得呢個活動，紅燒菜膽大鮑翅得人驚嘅原因係，我未試過啲翅會多個湯嘅，鮑翅又粗又大又壯，絕對係我吃過近年最好食嘅經驗之一。
點少得呢一道名菜，芝士牛油焗龍蝦我當然吃過，在下面三聖幾間餐廳都試過呢一道菜式，反而就係未食過容龍做嘅芝士焗龍蝦。龍蝦肉非常爽甜，但外邊焗得金黃鬆脆 ，而芝士會龍蝦完全混為一體，吃完後考慮還有芝士嘅餘香。
清蒸大紅東星班那有投訴，那口嫩到不行的星班肉，溫度剛好，蒸魚的豉油份量又剛好，不會過老過生，送碗白飯就更好。
吃菜都要奢華點，野生竹苼翠綠蔬，那有不好的理由。
相對樣子浮誇的金華玉樹麒麟雞，味道有點低調，麒麟雞肉不會太過嫩滑，不過面對之前每樣出色海鮮嘅比較底下，失色實在非戰之罪。
甜品方面有寶石椰絲白兔仔和漂雪銀石沙翁球，個樣絕對好靚好可愛，不過食咗咁多道菜，實在也吃不落相對飽肚嘅甜品，反而晶瑩燕窩凍布旬就可以，鋪滿燕窩的豪氣，我告訴你不好吃也是欺騙你吧。
又係傳統酒樓才會做到的靚田園火龍鮮果盤，每次看到呢啲整到咁靚嘅果盤都唔忍心食，但絕對是一個完美結局，幫助下消化吧。
食到呢度，雖然好飽，但海鮮方面實在意猶未盡，下次如果同朋友嚟三聖一定要再試吓其他菜式。
容龍，生日快樂！
沒有留言:
發佈留言