不知什麼時候,在香港,吃潮食,完全變成了一個潮流。
張國榮話,潮流興,玩花款,隨便偷歡,什麼也是潮流行先, 在Instagram 上有很多拍得美淪美奐的相片,特別是近來多得淪陷的潮食,潮食係 乜,大概是你係openrice 見到一班食家一窩蜂去食,個個影相多過食,為了食物的外形, 氣勢,色彩等到影到連老豆姓乜唔知,而且仲要去排隊,這就是潮食了。 蕃薯雪糕,拉麵,烤肉,西多士,大大舊的手卷,為左潮, 你可以去得幾盡排得幾盡,我唔知,只不過我貪新鮮, 經常在openrice 同Instagram蒲的我,又怎會放過這些當潮流尖端的機會。
我會一連幾篇都講下呢類潮食,做個連載,分享一下。
第一篇,我一定會講達人包車。
喜來稀肉的出現,改寫了韓燒的歷史, 從前吃韓燒後還吃綠箭的時候還是老土的韓風, 當來自星星的你和big bang ,girl's generation 登陸香港後,除了炸雞, 彷彿什麼關於韓國的和潮總是有等如的符號。 而尖沙咀的金馬倫道就如雨後春筍,韓國野一開再開, 只想追趕生命裡一分一秒,韓風總不決少, 什麼李家達人韓家乜乜乜乜等等,試過了也沒有再吃的興趣, 有點如拉麵的那種怕,直到達人包車的出現。
吸引我來的原因,就係呢個號稱88 cm 長的串燒。在Instagram 看到的時候,我的確眼前一亮,目光吸引得很, 再看看好多人都試過並說味道不錯,好,一於訂位食下。
入到黎,好喜歡這類的裝潢, 在較modern的環境加上一些artistic的藝術品, 而還有那點點的文青感,深得我歡心, 還有朋友說這裡的侍應都好像dazzling cafe般,全部都係少女,還是不錯而且漂亮的。
可惜朋友只約得一個,還要是本身有少少唔舒服,冇乜胃口, 來到只叫了一串大串燒同我食韓國野必吃的部隊鍋。
上串燒時,我可以用眼前一亮來形容。 這類的侍應姐姐都用幾高既難度擺串串燒倒掛來燒, 個動作同這班青春少艾的姐姐我直頭俾十分滿分, 男人看到必定會想發揮其男人味,幫幫佢地,哈哈,好似想多左。( 不過,我想講,呢度既客人都有好多係韓國人,更不乏好多靚女) 我地今晚兩個男人食飯,簡直係最佳配搭。
每一枱基本也叫呢串野,然後影影影影影影影影影影影影影影影, 不知呢串野謀殺左幾多memory,看Instagram 便略知一二,我當然也上身般同佢影一番,然後呃like。
長長的串燒其實係一個gimmick, 掛完上去其實都係用番下面個鍋來煎熟佢。
88сm的串燒有肉有菜有海鮮,二百幾蚊又算大份同抵食。
成條串燒我最喜歡係黃椒,蕃茄,青椒,洋蔥同大蔥, 全部蔬菜類都好juicy,配襯韓國吃得健康的文化, 同埋呢個串燒都幾多肉,完全可以中和其肉類的肥膩感。
另外我最喜歡的係豬扒同香腸,香腸係脆邊的, 放上串燒前應該有處理過,豬扒非常美味, 肉汁強勁完全鎖係豬肉中,不會有平常的韓燒的乾燥感。
蝦有點乾身,是燒烤的關係始終沒有蒸海鮮的鮮味, 但大大隻的蝦肉味道也不錯。
部隊鍋,其實也沒有什麼好說,這類的部隊鍋是好正常的, 處於norm 條curve 以內的,有餐肉,有豆腐,有公仔麵,有腸仔,有大蔥,有早餐豆, 那些罐頭食物應有盡有,這些都是最基本的韓式部隊鍋可以提供的, 特別在於係每間都有不同層次的湯底。
一定要讚的係呢個部隊鍋個based 係唔錯既,在濃濃的辛辣中完全感受到那個暖意,如果凍天吃, 感覺將會更不錯,特別係配襯公仔麵, 完全吸引哂所有部隊鍋湯底的精華, 我地吃完個鍋係叫再叫多左三個公仔麵,吃三個公仔麵的原因, 係個湯底好,但亦同時都顯示呢個鍋既弱點。
呢個鍋好似唔係好抵食。
其實一上個鍋我已經feel到, 平常的部隊鍋由於係平價餸既關係,都係大大份的。 但奇怪的係呢度既好mini,麵竟然係得一半, 全部的餸都係唔大份,而的確價錢二百幾我覺得應該係大份少少的, 和頭先的串燒之氣勢和份量有很大的反差, 呢個亦係我覺得弱點之一,但係又不能承認,因為個鍋好食, 所以我地先食左三個公仔麵。
雖然份量少同唔係好抵,但我覺得這個鍋還是好吃的。
可能兩個人太少了,吃不了多的東西, 如果多人可以吃埋來自星星的炸雞,還是等下次罷。
兩個人,再渴兩罐汽水,每人埋單也是三百多,唔算好貴, 但一定唔平,不過,買的是那種gimmick和潮流的時尚感, 在朋友間買的是多一些talking point。
如果沒有那支88cm的串燒,我想我不會留意到這個地方, 多虧我貪新鮮,愛潮流多花款,我才發現到這個較特別的地方, 才知道吃韓國野不一定要圍著個爐吃泡菜蛋,全部都係肉肉肉, 也不是一定吃到好肥好膩。韓國菜,是可以帶點潮帶點文青感的。
達人包車 Dalin Pocha
尖沙咀金巴利道79-81號
沒有留言:
發佈留言